رواية في قلبي زهره الفصل الحادي عشر 11 - بقلم سيمو

سايح في دمه بعد ما فداها بروحه حاول يتكلم بالعافيه وقال: سامحيني على اللي حصل واللي عملته فيكي، إني مستاهلش دموعك دي يا خيتي. إني مرعتش ربنا فيكي وفي عيال أخوي، محفظتش على الأمانة اللي سابها لي. لا وكمان طمعت فيكي وفي مالها. حقك عليّ إني كنت عميان ومكنتش أعرف إن التمن هيكون عيالي. حقك عليّ يا زهرة، بالله عليكي سامحيني عشان أقابل أخوي وأنا مش شايل ذنبك. إني خايف من مقابلته. زهرة بدموع:

حقك انت عليّ يا خيي، انت فديتني بروحك، كيف مسامحكش بعد اللي عملته. إني اللي محقوقة لك ومديونالك بروحي. انت هتعيش وسطنا، متخافش. قول يا رب، خليك قوي عشان خاطر عامر وجميلة. حسان وهو بيبتسم بوجع ودموع:

إني مش خايف، لا، إني فرحان ومبسوط. خلاص آن الأوان أروح لعيالي، أصلهم وحشوني قوي. إني اتمنيتها من ربنا وهو ناولهالي. إني رايح عند مصطفى وأنور وفاطمة، هما مستنيني هناك. وإني مش عاوز أتأخر عليهم. إني وعدتهم إني أروح لهم، بس لازم أكفر عن اللي عملته في حقك انتي وعيالك وعامر كمان عشان أموت وأنا مرتاح. زهرة بقت تصرخ: لا، متقولش كده، انت هتعيش يا حسان.

وفقت في الشارع وفضلت تصرخ: يا ناس حد يلحقنا، حد يجيب إسعاف. حسان هيروح مننا، يا ناس حد يلحقني. ورجعتله وقالت له: هتروح المستشفى وهتروق وترجع تاني زي الأول وأحسن عشان عيال أخوك، عامر وجميلة بقوا بيحبوك كيف أبوهم وأكتر. إني مسامحاك وخلاص نسيت اللي راح كله، بس انت أقوى عشان ترجع لعيال أخوك. حسان وهو بياخد نفسه وخلاص بيفارق الحياة:

زهرة، إني كنت عاوز أقولك، خلي بالك من نفسك ومن العيال. وعلى فكرة، عامر بيحبك قوي. وكل اللي بيدور في البلد كله كذب، هو مش عاوز غيرك. وكمان قوليلوا يحرص من عمه منصور، هو السبب في اللي حصل واللي بيحصل. وهو اللي زق على حنان عشان تكرهك في عامر. هو كان متفق معايا، بس إني رفضت وقلت له إني خلاص مقدرش أؤذيكي تاني. إني تبت وعاوزك تسامحيني عشان أموت مرتاح. وابتسم وهو باصص قدامه وقال:

مصطفى، ازيك يا قلب أبوك. إني خلاص معدتش عاوز أبقى لوحدي. خد يدي عشان أروح معاك. ومد إيده وفجأة وقعت على الأرض وتوفى. زهرة بقت تهزه وهي مش مصدقة: حسان، قوم يا حسان، يلا يا أخوي، قوم عشان العيال متتخلقش عليك. قوم كلم عامر عاوز يروح معاك الجامع. وكملت بدموع ورجاء:

ليه كده، حتى انت هملتنا ومشيت. ارتاح يا أخوي، إني مسامحاك، قلبي مسامح وربنا يشهد إنك من ساعة ما تبت عليك وانت كنت كيف أخوي وأكتر. ربنا يرحمك يا خيي. وخدها مني وعد، مرة هكون أنا اللي واخدة بتارك من اللي غدر بيك وكان عاوز يقتلني وانت فديتني. تارك في رقبتي. أما عن عامر، أول ما شاف حسان وهو بيضرب بالنار، راح يجري ورا اللي قتله، لكنه مقدرش يوصله. رجع تاني واتفاجئ بزهره وهي بتبكي وحسان ميت. عامر قرب من زهرة واتكلم بحزن:

شد حيلك يا زهرة، هو في مكان أحسن بكتير. ربنا يرحمه ويغفر له. زهرة بدموع ووجع: مات بدالي، راح عشان يفديني بروحه. اداني عمره وراح. شيلني ذنبه وسابني. عامر باستغراب: انتي بتقولي إيه، قصدك إيه بالكلام اللي بتقوليه ده. كيف يعني فداكِ؟ زهرة بقهر: قصدي إن إني اللي كنت مقصودة يا جناب العمده. عامر فجأة جه في باله لحظة ما حسان زق زهرة وأخد الرصاصة بدالها. وعامر ساعتها ماخدش باله وراح يجري ورا اللي ضرب النار، لكنه هرب منه.

عامر: يا بويا، كيف ما أخدتش بالي. لما زقك هو كان شايف اللي هيضرب عليكي عشان كده أخد الطلقة بدالك. طيب مين اللي اتجرأ وعملها وليه؟ ردي عليّ هيكون مين يعني؟ زهرة كانت ساكتة ومش راضية ترد عليه عشان خايفة ميصدقهاش. عامر بتساؤل: زهرة، انتي تعرفي مين اللي عاوز يقتلك؟ ها، ردي عليّ، متسبنيش كده. قوليلي هو مين وأنا وعهد الله لكون جايبه تحت رجليكي وواخدلك حقك وحق حسان من حباب عينيه الاتنين. قول يا زهرة وريحيني. زهرة بدموع:

انت اللي تريحني وتهملني لحالي يا جناب العمده. إني مش ناقصة. كفاية اللي حصل لحد كده. مبقاش ليه لازمة الكلام. حسان راح، دمه لسه على يدي وذنبه انكتب عليّ. مبقاش ينفع أقول ولا أعيد. هملنا وروح لحالك سبيلك. وانهارت في البكاء. عامر محبش يضغط عليها، سابها وراح طلب الإسعاف اللي جت ونقلت جثة حسان. وبعدها تم الدفن. بعد كام يوم، عند عامر كان قاعد حزن بيفكر في زهرة اللي تقريبًا منعاه من إنه يشوفها رغم محاولاته.

يا ااه، ليه القسوة دي يا زهرة؟ ليه غاوية تتعبّي قلبي معاكي؟ معرفش ليه الدنيا معاكسة معانا. وكل ما أقول فرجت وخلاص هانت وهتبقي ليا وفي حضني، فجأة تطلع حاجة من تحت الأرض وتخربط كل اللي كنت عم بخطط له. آه يا مرك الطافح ياعامر. قطع تفكيره صوت دوشة وتكسير جاي من أوضة عمه. راح وفتح الباب واتفاجئ بعمه مربوط وفيه واحد مغطي وشه وماسك مسدس وحاطه على راس منصور. عامر بغضب: ايه اللي بيحصل ده؟ انت مين يا ولد المركوب؟

ومين دخلك هنا؟ وه وه وكيف تمد إيدك على عمي كده وفي بيتي كمان؟ كنك اتخبلت في مخك. ... ما اتخبلتش، بس عمك هو اللي بدأ. والبادية أظلم. إني بيني وبينه دم وحساب لازم يتصفى الليلة يا عمده. وفجأة كشف عن وشه. عامر بدهشة: