رواية فيلا السيوفي الفصل العاشر 10 - بقلم الكاتبوة الصغيرة

صباح يوم جديد. صحي يوسف على صوت تخبيط شديد. محمد: اصحه يا يوسف، المحكمة جاية تاخد حور. اصحي. يوسف بفزع: اهدا يعمي، أنا جاي. متقلقش. نزل محمد. قام يوسف غير هدومه ونزل. لقى العيلة متجمعة كلها، وليان جنب حور، وحور خايفة ومستخبية في حضن والدتها. يوسف: حور، متخفيش من حاجة طول ما أنا هنا يا حبيبتي. فريد: أنا جاي آخدك يا حور. امشي يلا. وجاي يمسك ايد حور، راح يوسف ضربه في وشه. فريد بعصبية: أنا هاخدها غصب عن أي حد، فاهم؟

وبعدين أنا معايا حكم من المحكمة. فجأة جه مراد وفهد. فهد: استنى بس، الحكم ده طالع من امتى؟ فريد: انهاردة الصبح الساعة 10. مراد: يبقى متقدرش تقرب من حور يا فريد بيه، لأني يوسف وحور كتبوا الكتاب الساعة 12 بليل، يعني معاد أقدم من الحكم، والحكم ده ميقدرش يتنفذ. صدمة عمت في كل مكان، وانصدم الجميع وبدأوا يبصوا ليوسف. فريد: يعني إيه الكلام ده؟ المحامي الخاص بفريد: أيوه يا باشا، منقدرش ناخدها خلاص. الحكم ده باطل.

فريد بعصبية: يعني أنا كده مش هعرف آخدها بالقانون، صح؟ بس هاخدها منك غصب. عمك يا يوسف، وأنا أهو، والأيام أهي. سلام. خرج فريد والمحامي. يوسف: شكراً ليك يا فهد أنت ومراد. من غيركم مش عارف كنت هعمل إيه. محمد بصدمة: أنت إزاي كتبت على حور من غير ما تاخد رأيها ورأينا يا يوسف؟ يوسف بتفهم: هفهمك كل حاجة يا عم. فلاش باك.

امبارح وأنا قاعد أنا وفهد ومراد في الكافيه، جالي تليفون إن فيه حكم هيخرج من المحكمة إن حور تروح لعمها تبع القانون. أنا مستحملتش إن حور تمشي بعيد عني. وفجأة مراد قالي إن الحكم هيطلع بكرة الساعة 10. يعني أنا لو كتبت الكتاب قبلها هيكون باطل. وأنت عارف إن حور تمت السن القانوني بعد 12. عشان كده فهد ومراد جابوا محامي وخلصوا الورق بعد الساعة 12، وكده هو ميقدرش يقرب منها. أنا عارف إني غلطان، بس مكنش قدامي حل تاني. أنا أسف، سامحوني. وأوعدك إني مقربش من حور غير لما أعملها أكبر فرح وتكون فرحتي الكبيرة.

محمد بفخر: تعرف إنك النهاردة بتصرفك ده أثبت إني مش هلاقي لبنتي حور أحسن منك، وأنا مطمن كل ما هي معاك. وواثق فيك. عادل بفخر: كبرت في نظري أكتر وأكتر يا يوسف. بعد كلامك ده وتصرفك. فرحوا الجميع. ولكن ليان كانت مصدومة. لو شافت مراد والخوف كان هيقتلها. محمد: تعالوا عشان نفطر مع بعض. ليان: معلش يا عمي، أنا لازم أمشي، وهاجي بالليل. محمد: خدي راحتك يا حبيبتي.

وقامت ليان. طلعت وبعدها بخمس دقايق، استأذن مراد على أساس إنه رايح الحمام، وطلع وراها. وشدها في مكان بعيد عن الأنظار. ليان بقرف: ابعد عني، فاهم؟ ومشوفش وشك. أنا ميشرفنيش إني أقف مع واحد وسخ زيك. مراد: سامحيني يا ليان. أنا عرفت غلطتي بعد فوات الأوان. اديني فرصة أشرحلك سوء التفاهم. ليان بصوت عالي: ابعد عني بقولك ابعد ومشوفش وشك تاني. أنت لو مفكر إنك كسرتني، تبقى غلطان، فاهم؟ ليان مبتتكسرش. وزقت مراد بعيد عنها ومشيت.

مراد: أنا آسف يا حبيبتي. أنا اللي عملته غلط. لازم أعرفك الحقيقة ومش هسكت غير متعرفي إني بحبك قد إيه. وكمان إني لسه مقربتش منك، وإنك لسه بنت بنوت زي ما أنتِ.