رواية فيلا السيوفي الفصل التاسع 9 - بقلم الكاتبوة الصغيرة

صحيت ليان على خبط شديد على الباب. ليان: مين. الداده: أنا يا ليان. مامتك عايزة تنزلي تحت مستنينك على الفطار. ليان: لا مش هنزل، عرفيهم إن عندي مذاكرة كتير مش هعرف أنزل. الداده: حاضر. قامت ليان وبصت لنفسها في المراية. اتغير شكلها 180 درجة. مسافة الليل فعلاً انكسرت ومش أي كسرة. ليان في سرها: يعني يوم لما قلبي يبدأ يدق لحد يعمل فيا كده ويكسرني كده؟

دي غلطتي أنا. أنا لازم أكمل حياتي وأهتم بتعليمي ومش أوثق في أي راجل تاني. أه صحيح، أنا إزاي حد هيقبل يتجوزني وأنا كده؟ وفجأة رن فون ليان وخرجها من اللي هي فيه. كان المتصل لميس. لميس: ألو، أي يا ليان. عاملة إيه؟ ليان بكسرة: أنا كويسة. أنتي عاملة إيه أنتي وحور؟ لميس: أنا كويسة وحور كمان كويسة. إيه رأيك تعالي نذاكر مع بعض؟ ليان: ماشي. هقوم أجهز وأجي. باي. قامت ليان تاخد حمام دافي تهدي أعصابها وتلبس عشان تروح لحور ولميس.

*** في غرفة يوسف، كان تليفون يوسف عمال يرن بصوت عالي. فاق يوسف من النوم واتفاجأ بحور نايمة في حضنه. كان المتصل فهد. يوسف: ألو. أي يا فهد. فهد: أنا بعت رسالة لمراد وبتمناه يجي. يوسف: هييجي إن شاء الله. المعاد إمتى وفين؟ فهد: هعدي عليك ونروح مع بعض. يوسف: ماشي. باي. بص يوسف لحور، كانت تشبه الملائكة وهي نايمة. يوسف بهمس: حور. قومي يا حبيبتي. حور: اممم. سبيني شوية.

يوسف: بت قومي الساعة 1 وبعدين يلا عشان فيه مذاكرة. مش فاضل غير أسبوع على الامتحان. حور: حاضر يا أبيه. بس أنت ناسي إنه عيد ميلادي بكرة. يوسف بحب: وديه حاجة تتنسي يا روحي. حور: اممم. هتجبلي أي هدية؟ يوسف: بكرة يا حبيبتي تشوفي. عشان لو قلتلك دلوقتي مش هتبقى هدية خالص. حور: طب هقوم بقا عشان أذاكر. يوسف: ماشي يا حبيبتي. وخرجت حور من غرفة يوسف لغرفتها وبدلت هدومها وراحت لـ لميس مستنين ليان. *** أما عند مراد.

صحى من نومه وفتكر اللي حصل امبارح. مراد لنفسه: معقول أنا أعمل كده في بنت؟ معقول ده كله يحصل فيا؟ لا لا مستحيل. أنا لازم أصلح غلطتي. فهد عمل كده مع أختي، بس أنا ماكنش لازم أعمل كده. أنا لازم أصلح غلطتي وأتقدم لـ ليان. بس أكيد مش هتوافق عليا. أنا لازم أفضل وراها. وقام بص في تليفونه ولقى

رسالة من فهد مكتوب فيها: "لو يا صاحبي لسه فاكرني. بتمناك تيجي تقابلني الساعة 6 في كافيه **** عشان تعرف الحقيقة. وحاول تسمعني لو لمرة واحدة." انصدم مراد من الرسالة وقال: لازم أروح وأفهم فيه إيه. أكيد فهد بيتكلم بجد وهيقولي الحقيقة. لازم أديه فرصة على الأقل يفهمني حصل إيه. وقام مراد يجهز نفسه ويستعد لمواجهة الحقيقة. *** وصلت ليان عند حور ولميس. حور بلهفة: مالك يا ليان. فيكي إيه؟ ليان: مفيش. تعبانة شوية.

لميس: لا فيكي يا ليان. إحنا مش عرفينك. يعني قولي فيه إيه. مش تخبي. ليان بدأت تعيط وانهارت من العياط. حور: اهدي. في إيه طيب. مالك يا بت؟ ليان: تعبانة أوووي. حاسة بكسرة رهيبة. قلبي بيوجعني. حاسة إني مش قادرة أكمل. كل حاجة حواليا بقت باهتة. لميس: طب حصل إيه طيب؟ في إيه؟ ليان بكذب: حبيت واحد بس. للأسف طلع مبيحبنيش. حور: اللي كان بيرقص معاكي صح؟ كان باين من الاندماج اللي بينكم.

ليان: أها. وعزمني على عيد ميلاده امبارح. وأنا من غبائي اعترفت بحبي ليه. بس للأسف طلع مبيحبنيش. لميس: فكك منه. هيندم. سيبيني وبكرة هييجي يبوس على رجلك يتمنى بس تكوني معاه. حور: أنتي أي حد يتمناكي. ليان: كان زمان. دلوقتي أنا منفعش لحد. لميس وحور بعدم فهم: إزاي يعني؟ ليان بتوتر: يعني قلبي مع حد تاني. مينفعش أكون لحد غيره. لميس وحور: إن شاء الله هيعرف قيمتك كويس وهو اللي هييجي لحد عندك ويتمنى إنك تسمحيه.

ليان: إن شاء الله. يلا عشان نذاكر. وبدأ البنات يذاكروا. *** في الكافيه. وصل يوسف وفهد مستنين مراد. فهد: مش هييجي يا يوسف. أنا عارف. يوسف: هييجي إن شاء الله. وفجأة وصل مراد وسلم على يوسف وفهد وقعد. فهد: خير يا فهد. فهد: اعقل يا صاحبي وبلاش مشاكل. واعرف الحقيقة. وكفاية بعد لحد كده. مراد: أنا سامعك يا فهد. اتكلم. يوسف: لا أنا اللي هتكلم يا مراد. وأنا هفهمك الحقيقة. مراد: ماشي يا يوسف. اتكلم. أنا سامعك.

وبدأ يوسف يحكي لـ مراد الحقيقة كلها. وبعد ما خلص، بص لقى مراد عينه بتدمع. فهد: سيبني يا صاحبي. دي الحقيقة. وأقسم بالله عمري ما فكرت أبص لـ ختك بصه وحدة وحشة أبداً. ودي الحقيقة كلها. مراد بندم: أنا آسف يا فهد. سامحني. أنا كنت غلطان. سامحني. فهد: أنا مش زعلان منك أبداً. أنا فرحان إنك صدقتني. مراد بندم: يا ريتني اديتك الفرصة من زمان. كنت عرفت الحقيقة ومرتكبتش ذنب حد بريء. فهد بعدم فهم: ذنب إيه يا مراد؟

مراد: غلطة يا صاحبي. غلطة أنا عملتها. بس هصلحها. والحمدلله إنك رجعتلي. يوسف: الحمدلله إنكم اتصالحتم. مراد: الحمدلله. فهد: بقولك إيه يا مراد. عايز منك خدمة لـ يوسف. مراد: اتفضل. ده أنا لو طايل أفديه بـ رقبتي. هو السبب في إني فهمت الحقيقة. فهد: أيوه. ليه الحق إنه ياخدها لأنه يقربلها من ناحية أبوها. وهو أولى بيها. بس متقلقش. وفجأة رن فون يوسف. وكان رقم المحامي الخاص بالعيلة. رد يوسف عليه ولكن انصدم. وبعد ما قفل معاه.

فهد: مالك يا يوسف؟ في إيه؟ يوسف بصدمة: المحامي عرفني إنه عم حور طلع قرار من المحكمة إنه ياخد حور. أنا مستحيل أخليه ياخدها. القرار هيتنفذ بكرة. أنا عندي أقتله ولا أسيبه ياخدها مني. مراد: اهدا يا يوسف. مفيش قلق خالص. أنا عندي خطة ومش هيقدر ياخدها منك. لو في أي وكمان موضوع قانوني. حتى المحكمة متقدرش تاخدها منك. يوسف بلهفة: إيه هي؟ قولي بسرعة. وبدأ مراد يحكي لـ يوسف وفهد الخطه. استووووب.. انتهى البارت.