رواية فيلا السيوفي الفصل الخامس 5 - بقلم الكاتبوة الصغيرة

المدرب: مراد بيه، أنت كويس؟ مراد: متأكد إنها أخت فهد الأسيطي؟ المدرب: طبعًا يا فندم، وحضرتك تقدر تتأكد. مراد بمكر في سره: أممم، وجتلي الفرصة أنتقم منك يا ابن الأسيطي. 😂 وإيه؟ في أختك. المدرب: هتحتاج مني حاجة تاني يا فندم؟ مراد: أممم، خد الفلوس دي. المدرب بذهول: أي؟ كل دول؟ مراد: ولك قدهم تاني. أنا هكون شريك ليان الأسيطي في المسابقة. المدرب: مينفعش يا فندم، أصل في واحد تاني.

مراد بمقاطعة: لو عايز تكمل في شغلك، تبقى تعمل اللي بقولك عليه. وبعدين الموضوع سهل، يعني أنت هتقولها إن شريكها في الرقص اتسحب وجه واحد تاني مكانه. المدرب بخوف: حاضر يا مراد بيه. مراد: مستني تليفونك. لو حد عرف باللي حصل، أعرف إنك مش هتعيش يوم واحد كمان. سلام. المدرب بخوف: تحت أمرك يا باشا. سلام. *** في فيلا السيوفي تحديدًا في غرفة حور، كانت البنات تلاتة متجمعين. حور: أمم، يعني أنتِ جاهزة للحفلة؟

ليان بثقة: أمم، أمال يا بت. أنا مش أي حد برضه. لميس برقة كالمعتاد، فهي شديدة الجمال ومنتهى الرقة: ليو، أنتِ واثقة من نفسك على طول يا حبيبتي. ليان: ما أنتِ برقتك دي وقعتي فهد أخويا في حبك. لميس بكسوف: أمم، هقوم أجيب حاجة ناكلها. حور وليان بضحك: 😂 بسرعة ياختي. نزلت لميس. حور: ليان، هو فعلًا فهد بيحب لميس؟ أصل ولا مرة حاول يكلمها ولا يقرب منها.

ليان بتوضيح: فهد مش بيحب لميس بس، ده بيعشقها. بس عايز كل حاجة في الحلال، عايزها ليه بس عايزها حلال وقدام الكل. حور: طب هو مش طلب إيدها ليه؟ ليان: لسه يا بنتي، هي مش تمت السن القانوني. هو ناوي أول ما تتم 18 سنة يطلبها من أبيه يوسف. حور: أمم، فهمت. بس عرفتي منين؟ ليان: غبية! فهد مش أخويا بس، فهد صاحبي مش بيخبي عني حاجة. بس مش تعرفي لميس حاجة. حور: حاضر. وفجأة دخل يوسف. يوسف: حور حبيبتي وحشتيني.

وقرب منها وخدها في حضنه، مش منتبه لوجود ليان. ليان بكسوف: طب هروح أشوف ليان. يوسف: خدي الباب وراكي. حور: أي يا أبيه، جاي بدري ليه؟ يوسف: وحشتيني يا حوري، عشان كده جاي. حور: أمم... أطلب منك طلب. يوسف: أكيد يا حوري، طلبك أوامر. حور: هنزل المول مع ليان ولميس نجيب هدوم جديدة عشان المسابقة. يوسف: أمم، سيبك منهم وننزل أنا وأنتِ. حور بتفهم: عشان خاطري يا أبيه، عشان نختار مع بعض وكده، واحنا بناتي.

يوسف بحب وتفهم: أنتِ تؤمري يا حبيبتي. هتنزلي امتى؟ حور بحب: كمان ساعة، عشان المسابقة بكرة. يوسف: ماشي يا حبيبتي. حور: ربنا يخليك ليا يا أبيه. يوسف: ويخليكي ليا يا قلب أبيه. *** الشركة الخاصة، في مكتب فهد الأسيطي. فهد: تمام كده، الصفقة هتتوقع بكرة. العميل: شكرًا يا فندم، بعد إذنك. فهد: اتفضلوا.

خرج العميل، وخبط الباب. ومكنش حد غير الحرباية همس، سكرتيرة فهد الخاصة. بتعشقه، مش بتحبه. فتاة في غاية الجمال، في غاية الأنوثة، ذات عيون عسلية وشعر أسود طويل وجسم فتاة مثالي. لبسها قصير جدًا، فضاح. فهد: اتفضل. همس بدلع: مستر فهد، ممكن أخف. فهد بعملية: اتفضلي يا آنسة همس. قربت همس من فهد جدًا، مكنش فاصل بينهم غير إنش واحد. همس بدلع: وحشتني أوي أوي. فهد بعصبية: همس، ابعدي. قلت لك ميت مرة، أنتِ مجرد سكرتيرة بس، فاهمة؟

وبعدين أنا مش عايز أمشيكي عشان والدتك المريضة. همس بزعل: ليه يا فهد؟ ليه كده؟ أنت عارف أنا بحبك قد إيه. محدش يتساهلك غيري. أنا هنا معاك من زمان. محدش بيحبك ولا هيحبك قدي. صدقني، سيبلي قلبك بس، والله مش هتندم. فهد: بصي يا همس، قلبي ده مش ملكي. ده ملك واحدة تانية خالص، مش بإيدي والله. بس قلبي بيعشقها هي، ورافض يحب أي حد غيرها. وبعدين أنتِ بنت كويسة، وأي حد يتمناكِ. همس بغيره: تمام، بعد إذنك. وخرجت همس.

وقالت: وعد من همس إنك مش هتكون لحد غيري، حتى لو الموضوع طلب مني إني أقتل أي حد يفكر يقرب منك. *** لميس: بجد فرحت أوي. غيرنا جو، وكمان الفساتين تحفة جدًا. ليان: أها والله، الواحد غير جو. حور: متحمسة أوي لبكرة.