رواية فيروزة الفصل الثالث 3 - بقلم حورية مصطفي

عاصي بـ هدوء: زي ما سمعتي يا عائشة هانم فيروز حامل بابني أنا. فيروز ببـ كاء: انت شخص كداب، إزاي بالبجاحة دي! أنا مش حامل والله يا عمتو. عاصي بـ ابتسامة: انت ليه خايفة منهم يا حبيبتي، أنا هحميكي منهم، ومحدش يقدر يأذيكي طول ما أنا موجود. مهران بـ غضب: إحنا من النهاردة بنتنا ماتت وهنأخد عزاها كمان. فيروز بـ صدمة: جدي! ذهبت باتجاه عمران وقالت بـ دموع:

بابا قول حاجة، أنا بنتك مستحيل أغلط وأوطي رأسك، صدقني المرة دي بس يا بابا. أشاح بوجهه وقال بـ لا مبالاة: جدك معاه حق أنا بنتي ماتت وهأخد عزاها النهاردة. عاصي بـ ابتسامة باردة: يلا يا فيروز انت، مليكيش مكان هنا من النهاردة. وتابع حديثه بـ سخرية: إذا أهلك بيعملوا فيكي كده، أمال الغريب يعمل إيه! بجد خسارة كلمة أهل فيهم.

كانت نعمة تستمع لهذا الكلام لم تستطع إخفاء ابتسامته فقد عرفت الآن أن عاصي اتفق مع الدكتور عشان يقول إن فيروز لسه حامل ومش أجهضت. عائشة بـ عدم رضا: اللي بيحصل ده غلط يا بابا، ليه مش بناخدها ونكشف عليها في المستشفى، ونتأكد الأول. مهران بـ كل هدوء: محمد دكتور العيلة من زمان ومستحيل يكذب أو يغلط في حاجة زي دي يا عائشة، الغلط على قليلة الحيا والتربية مش من الدكتور. أميرة بـ حزن: بس احتمال يكون شخص غلط. مهران بـ صوت غاضب:

بلاش دافعي عنها يا أميرة اللي غلط يتعاقب. وأكمل بـ ثبات: عمران خرج بنتك من هنا حالا، وذيع في المساجد إن عزاها النهاردة بعد العصر. عمران بـ إيماء: حاضر يا أبوي. سحبها عمران بقوة من كفة يدها إلى الخارج حتى وصل أمام البوابة ودفعها بقوة حتى سقطت على الأرض تحت نظرات الاستغراب من الناس، كان عاصي يستمع بكل هذا، فالآن قد بدأ الانتقام. جلست أمام البوابة تبكي بـ ضعف، رأت عاصي يقف أمامها وقال:

للأسف معتش ليكي مكان يحميكي من النهاردة يا فيروز، تؤ تؤ أبوكي ده قلبه قاسي أوي، يعني حتى ده حاجة متوقعة إن أنا أكون السبب في كل اللي بيحصل، بس من البداية مكنش فيه ثقة فيكي يا حبيبتي. فيروز بـ كره: أنا بكرهك يا عاصي وبتمنى أشوفك ميت قدامي، حرام عليك أنا عملتلك إيه لكل ده. عاصي بـ برود: أبوكي اللي عمل، فكان لازم تتعاقبي يا روحي. وأكمل بـ ابتسامة: يلا عشان هتيجي معايا على قصر المغربي. فيروز بـ رفض:

مستحيل أروح على بيت عدوي، أنت فاهم! عاصي بـ ضحك: كنت هعمل معاكي معروف بدل ما تنامي في الشارع بس شكلك ده أصلك. فيروز بـ قوة: أنا أصلي أحسن من أصلك أنت وعيلتك مليون مرة، وأنت عارف ده كويس يا عاصي. وأكملت بـ قوة: يمكن عارفه إن أنا بريئة وحقي هيرجع مع الأيام، بس اللي أختك عملته ده هيفضل مخللي راسكم في الطين في طول عمركم. عاصي بـ غضب أعمى: أنا هعرفك يا فيروز، صدقيني هتندمي على كل كلامك ده. فيروز بـ ابتسامة:

إعمل اللي تقدر عليه أنا عمري ما أخاف من واحد زيك جبان وبيستقوي على الحريم. شدها من كفه يدها حتى وقفت أمامه وكل منهم ينظر إلى الآخر بكره وحقد شديد. عاصي بـ غضب: صدقيني لو مركببتيش دلوقتي العربية، هيحصل حاجة تندمي عليها طول عمرك. أنهى كلامه ثم أشار على عدة أشخاص مسلحين ينتظرون الإذن منه حتى يهجموا على القصر. مشت باتجاه السيارة وهي تشعر بالخوف على عائلتها، ركبت في المقعد الخلفي تحت اعتراضه فقالت فيروز بـ برود:

لو مش عاجبك أنا هنزل حالا، أنا مش حابة أقعد جنبك عشان بقرف. عاصي بـ غضب: أنا مش السواق بتاعك يا بت أنت. وسرعان استوعب ما قالته ليقول بـ غضب: بتقرفي! بدأ في القيادة حتى وصل بعد نصف ساعة إلى قصر الشهاوي، نزلت من السيارة وهي تنظر إلى المكان برهبة، وجدته يمسك يدها بقوة وهو يدخل إلى الداخل. عاصي بـ هدوء: الخدم اللي هنا مشي يا فتحية هانم. فتحية بـ إيماء: أيوة يا عاصي يا ابني. "مين ده يا عاصي؟ عاصي بـ لا مبالاة:

بنت عمران الشهاوي يا أمي. ردت عليه بـ غضب: أنت إزاي تجيب بنت قاتل أبوك على هنا! عاصي بـ برود: هتكون الخدامة الجديدة.