رواية فيروزة جحيمي الفصل الثالث 3 - بقلم دنيا حسن

زين بصريخ وحاد: استني عندك. ليلي وقفت وهي بتصب عرق وخايفه جدا: ن نعم. زين ببرود: مظنش إني قولتلك امشي. ليلي برعب أكتر: عايز إيه؟ زين: اعتذريله. ليلي: إنت مجنون، إنت عايزني أعتذر لـ ... زين بعصبيه كبيره: اعتذري ليها يا ليلي. ليلي راحت عندها لأنها كانت خايفه من زين بسبب الشرار اللي هيطلع من عيونه. ليلي بصتلها بشر: أنا آسفه. ومشت. زين راح لفيروزة: إنتي كويسه؟ فيروزة: أنا كويسه، بس عندي سؤال، إنت ليه دافعت عني؟

زين: عادي، خدامه وبدافع عنها. يلا وضبي نفسك والبسِ وانزلي عشان هنروح الصعيد. ونزل. بعد عده ساعات، كلهم كانوا نازلين وفيروزة نزلت في الآخر. كانت لابسه فستان أسود وكانت في غايه الجمال، لأن الأسود بالفعل هو ملك الألوان. وكانت شايله شنطتها ونازله. فيروزة كانت هتقع على آخر سلمه. زين مسكها. زين: خلي بالك. فيروزة بعدت بسرعه: شكراً. زين جاله تليفون، وقف بعيد واتكلم. زين: يعني كده إنت غيرت الخطه كلها، إزاي متقوليش؟

المجهول: أنا أغير الخطه زي ما أنا عايز. اعمل اللي قولتلك عليه. سلام. زين رايح يركب عشان يسوقوا. فيروزة مشيت رايحه تركب العربيه من ورا. زين: رايحه فين؟ فيروزة: أنا هركب، فيه مشكله؟ زين: هتركبي قدام. فيروزة: بس الخدم مينفعش يقعدوا قدام. زين: كلامي يتنفذ بالحرف الواحد. فيروزة بالفعل قعدت جنبه قدام. ليلي: شفتي يا ماما، قعدها إزاي قدامه. سميحة: يابت بلاش عبط، هي في الآخر والأول خدامه. ليلي: بس مراته.

سميحة: بت ماتعصبنيش، هو قال إنها هتبقى خدامه. وبعدين لما نروح الصعيد هتشوف أيام سوده. حسن: هتفضلوا ترغوا كتير كده؟ يلا اركبوا. أمل: بابا، أنا هركب مع زين وفيروزة. حسن: ماشي. وهما في الطريق. أمل: زين ماتشغل أغنيه بدل الملل ده. زين: لا مش هشغل، بعدين مش وراكي دروس؟ أمل: لسه مبدأتِش، وبعدين أنا إزاي هتعلم وأنا في الصعيد. زين: هتتعلمي أكيد، إنتي في ثانويه، هتدرسي في الصعيد وهتمتحني في القاهرة زي فيروزة.

فيروزة كانت سرحانه أوي في مستقبلها وحياتها اللي اتدمرت في يوم وليله. كانت متخيله إنها في الوقت ده هتبقى بتذاكر عشان الطب. أمل: فيروزة، فيروزة. فيروزة: إيه نعم، آسفه بجد. زين: أنا بنقول إنكم هتدرسوا مع بعض. فيروزة: إزاي؟ هي في سني، مش فاهمه. زين: أه، وانتوا هتدرسوا مع بعض. ومسك إيديها وباسها. زين: يا حبيبتي. فيروزة شدت إيديها شويه: تمام، تمام. وصلوا ونزلوا، كان أهل القصر موجودين كلهم إلا الجد.

نزل زين وفيروزة وكل العيله. زين واقف جنب فيروزة وقالها في السر: أنا عملت كده في العربيه عشان أختي متفتكريش حاجه تانيه. أه نسيت أقولك، أنا هقول إنك مراتي ومش خدامه، ومفيش نقاش. اعرفكم بقى بواحد واحد:

زين عنده عمه اسمها هدي، دي حربايه شويه، كانت عايزه ابنها لأمل بس أمل رافضه. ومعندهاش غير ابن واحد اسمه يونس. وكمان عنده عمه تانيه اسمها سنية، بتحبه أوي وطيوبه، وهي عندها بنتين، سهير اتجوزت وسافرت، وجوري لسه في تالته كليه حقوق. وعنده عم اسمه سالم، عنده ولد اسمه كريم، بيحب جوري وعايز يتجوزها، وسالم ده طيب أوي. ونيجي بقى للعم الأسوأ على البشريه وهو حافظ. ده كان عنده ولد ومات في قصة طار من 10 سنين، وبيكره زين، لأن طبعاً فاكر إن أبوه هو السبب.

زين سلم على الكل. زين: عمتو سنية فين جدي؟ الجد جه من وراهم. الجد صلاح: أهلاً أهلاً بولدي وابن ولدي ومرته كمان.