رواية فيروز وفهد الفصل العشرون 20 - بقلم نجلاء عبد الظاهر

فيروز مسكت الجاكت بأحكام وطلعت أوضة فهد في هدوء. فضلت قاعدة تعيط من الموقف ومن كلام فهد ليها. نامت فيروز على سرير فهد من غير ما تحس. *** خلص كتب الكتاب وفهد طالع أوضته مع عروسته سارة. فتح الباب. سارة بغضب: مين بوظ شكل الورد اللي كان على السرير كده؟ فهد بص لها ومردش عليها. جه يدخل الحمام لقى فيروز بتغسل وشها وبتعيط. اتخضت أول ما بصت في المراية وشافته واقف وراها. فهد: إنتي بتعملي هنا إيه؟

فيروز بكسوف وإحراج: راحت عليا نومة. أنا هخرج حالا. فهد: تخرجي فين؟ سارة بره. فيروز بصوت واطي: وهعمل إيه دلوقتي أنا؟ فهد: خليكي هنا. أنا هتصرف. خرج فهد لسارة. سارة: إيه ده؟ لسه بالبدلة؟ فهد: أصل الحمام طلع بايظ عندي. سارة: بايظ؟ فهد: أيوة. وكمان إنتي طلعتي معايا الأوضة بس علشان كان فيه معازيم وناس. لكن إنتي أوضتك الأوضة اللي جنب ماما. سارة: بتهزري صح؟ فهد ببرود: لأ. تحبي أجيب لك حد يساعدك في نقل حاجتك؟

سارة: ومنظري قدام مامتك؟ فهد: إنتي هتمثلي. ما هي عارفة كويس إني مكنتش عايز الجوازة دي. سارة خرجت من الأوضة وهي متعصبة جداً. *** أول ما خرجت سارة من الأوضة، فيروز خرجت من الحمام وجت تخرج من الأوضة. فهد: إنتي رايحة فين؟ فيروز: هروح أنام. فهد: كده ممكن حد يشوفك وإنتي خارجة من هنا. فيروز: ومفروض أعمل إيه؟ فهد: استني شوية لحد ما الكل ينام. فيروز: أنا مش هقعد معاك في مكان واحد. أنا خارجة.

فهد شد على إيديها جامد: مش علشان بكلمك بهدوء دلوقتي تفكري نسيت اللي عملتيه. فيروز: سيب إيدي أحسن لك. فهد واقترب منها: والله هتعملي إيه؟ فيروز بدأت تتوتر. فهد ضحك على منظرها وإنها عاملة زي العيلة. فهد: فيروز أنا عمري ما قعدت نتكلم سوا. يعتبر معرفش عنك حاجات كتير. فيروز: والله وعايز تعرف إيه يعني؟ فهد: كل حاجة. تعالي نسأل بعض شوية. فيروز: ماشي. ابدأ. وفضلوا يتكلموا محسوش بالوقت. ***

عند عشق قاعدة بليل في أوضتها وقاعدة بتعيط. بتفكر تتصل بفيروز تحكيلها كل حاجة. بس حست معندهاش الجراءة تقول. وقطع كل ده صوت الباب. وهنا عشق خافت أكتر. وفي سرها مش عايزة تفتح وبتدعي ميكونش معتز. وفتحت الباب بتردد وخوف. ولقت معتز. معتز: مش بتردي عليا ليه لما بكلمك على الزفت؟ عشق بخوف: مسمعتوش. معتز: هتستعبطي؟ عشق: لأ والله. معتز: البسي يلا. عشق: ليه؟ معتز: متخافيش. البسي بس. هاخدك مشوار. عشق: دلوقتي الساعة اتنين.

معتز: عادي. وعشق لبست ونزلت معاه. وأخدها معتز على النيل. معتز: أنا عايز أعترف لك بحاجة. عشق: حاجة إيه؟ معتز: إنتي لسه بنت على فكرة.