رواية فيروز الفصل الثاني 2 - بقلم منة عبده

الدكتورة: فيروز انتي عندك سرطان في الرحم. فيروز بصدمة: ازاي انتي قولتيلي اني حامل؟ الدكتورة: أعراضه نفس أعراض الحمل فمخطرش على بالي أنه يكون المرض ده. المهم لازم تبتدي رحلة العلاج من النهارده، والعلاج بياخد ٦ شهور. لازم يا فيروز تبتدي بسرعة، كل ما يعدي وقت كبير في خطورة على حياتك. فيروز: طب ممكن من بكرة، لأن جوزي في المستشفى ومش هعرف أسيبه في وقت زي ده. الدكتورة: مش عارفة أقولك إيه والله. ربنا يعينك.

فيروز: أنا اللي مش عارفة أفرح عشان الحمد لله طلعت شريفة، ولا أزعل عشان طلع عندي المرض ده. الدكتورة: خير والله يا فيروز وهتخفي وتبقي أحسن من الأول. فيروز بيأس: الله المستعان. فيروز راحت عند سامح في المستشفى، لقيته فاق. سامح: كنتي فين يا فيروز؟ الممرضة قالتلي إنك كنتي هنا وبعدين مشيتي. فيروز: كنت عند الدكتورة. سامح بخوف: دكتورة ليه؟ انتي كويسة؟ فيروز بابتسامة: متقلقش أنا بخير، كنت بس بتابع الحمل.

سامح: أخبار البيبي إيه؟ وصحيح أصلاً يا فيروز، مين أبوه؟ من حقي أعرف. فيروز: هقولك كل حاجة بس في البيت. الدكتور قالي إنك بقيت أحسن وممكن تخرج النهارده. بعد شوية في البيت. سامح: مالك يا فيروز؟ من ساعة ما جيتي من عند الدكتورة وانتي مش كويسة. هو البيبي حصله حاجة، ولا زعلتي من سؤالي إني أعرف مين أبوه؟ فيروز بابتسامة: لا خالص، بس هو مفيش بيبي. سامح: الله! يعني مش بيبي واحد، هيبقوا اتنين يعني ولا تلاتة؟

بصي لو أكتر من تلاتة مش هعرف أربي. فيروز بضحك: يابني بقى اديني فرصة أفهمك. سامح: قولي. فيروز: أنا مريضة. سامح: ما طبيعي، أي واحدة حامل بتكون مريضة. فيروز في سرها: (كمان متخلف كده كتير، والله كده كتير) سامح: انتي بتبرطمي في إيه؟ فيروز: أنا عندي سرطان في الرحم. سامح: فيروز بطلي هزار بقى وقولي الدكتورة قالتلك إيه. فيروز بجدية: أنا مش بهزر. سامح بصدمة: انتي بتقولي إيه؟ وقعد يعيط.

فيروز بضحك: يعني المفروض انت اللي تهون عليا، مش أنا اللي أهون عليك يابني. بطل عياط، يخربيت صياحك صدعتني. سامح: (مازال يبكي) فيروز: خلاص والله بقى هعيط أنا كمان. سامح: الدكتور قالتلك هتبتدي علاج من امتى؟ فيروز: المفروض من النهارده يعني، بس قولتلها نخليه لبكرة. سامح: لأ من النهارده، ويلا نروح لها. فيروز: نروح لمين ياعم انت لسه خارج من المستشفى ومحتاج راحة. سامح بجدية: يلا يا فيروز، مش بهزر. فيروز خافت من صوته: ما...

ماشي. عدا ٦ شهور والحمد لله خفيت وبقيت أحسن، وسامح مسابنيش طول شهور العلاج. كان جنبي وبهون عليا تعبي، وحبيته. أه والله حبيته، بس بستعبط. فيروز: يعني عايزة أنزل معاك الشركة، ولا انت خايف من حاجة؟ سامح: هخاف من إيه يابنتي؟ أنا خايف عليكي انتي، لأنك لسه خارجة من رحلة علاج، فالمفروض ترتاحي. فيروز: عايزة أنزل أشم هوا بقى. سامح: خلاص انتي حرة، يلا عشان منتأخرش. وصلوا الشركة، وأول ما دخلوا لقت واحدة بتجري عليه تحضنه. فيروز

بغيرة بس بتحاول تخبيها: مش هتعرفنا يا أستاذ سامح؟ لارا بدلع: لولا مراته.