رواية فيروزتي الفصل الأول 1 - بقلم زولة وحيد

كانت قاعدة ع مكتبها وكل تركيزها ع الورق. فجأة دخلت السكرتيرة. السكرتيرة: أنسة فيروز أصحاب شركة “bbs” وصلو وهم حاليا في غرفة الاجتماعات. فيروز: اوكي قوليلهم جاية ثواني بس هجيب الورق. السكرتيرة: حاضر. بعد مدة راحت غرفة الاجتماعات ونجحت كالعادة انها تقنعهم بالصفقة. كان هناك شخص من الحضور منبهر بطريقة كلامها وبلبسها، فنادر جدا أن يجد فتاة صاحبة أكبر الشركات ترتدي ملابس محتشمة. فيروز: احم مستر زياد. زياد فاق من شروده.

زياد: احم اه انا موافق ع الصفقة. فيروز بدون ماتتغير تعابير وشها: اوكي تمام هنبدا من بكرة. أما هو فكان منبهر منها، هي ازاي ما فرحت؟ هو مفيش حد بيقدر يقنعه بسهولة، وغير دة انه صاحب شركات كتيرة وكل الناس بيتمنو يقابلو ولو دقيقة واحدة بس، هي غريبة ولا حاولت تبتسم حتى. فيروز: مستر زياد. زياد: احم اوكي هنبدا من بكرة. ومد ايده. زياد: بيشرفني اشتغل مع حضرتك وباين انك ناجحة في شغلك اوي. فيروز مدت ايدها وصافحتو.

فيروز: وانا بيشرفني اشتغل معك مستر زياد. زياد: اوكي. فجأة فيروز فونها رن. فيروز: الو. : فيفي ياحبيبتي فينك وحشتيني. فيروز بابتسامة: وانتي كمان وحشتيني ياحبيبتي. : يلا ارجعي البيت علشان نجهز اليوم افتتاح الجاليري بتاعك وكمان متسيش تجيبلي الحاجات اللي طلبتها. فيروز: حاضر ياحبيبتي مش هتأخر. فيروز رجعت البيت وفي حاجات كتير. اول مادخلت حضنتها اختها بحب (علياء) علياء: وحشتيني. فيروز: انتي اكتر. علياء خدت الاكياس وجريت.

فيروز: عيب عليكي دانتي مفكرتيش تجيبلي كوباية ماية حتى. علياء: اهو المطبخ قدامك روحي اشرب. فيروز: ماشي يازفتة. وراحت ع المطبخ فجأة طلع واحد مشيب باين عليه عمره في الخمسينات وبدأ يزعق (رضوان والد فيروز وعلياء) رضوان بزعيق: انتي ايه اللي جابك هنا مش انا اديتك فلوس وشركة وبيت لوحدك ايه اللي جابك بقى. فيروز: بابا انا جيت لانكم وحشتوني جيت اطمن عليك.

رضوان: مش ابوكي انا فاهمة انتي مش بنتي انا ماصدقت انه مامتك ماتت عايزة تيجي انتي وتقرفيني بعدها اطلعي من حياتنا بقى. فيروز بدموع: ليه كدا ليه الكره دة كله. رضوان بحدة: لاني مش بحبك ولا بحب امك بكرهك. فيروز مسحت دموعها فهي متعودة تسمع الكلام دة كل ماتيجي ع قصر ابوها، بس المرادي اتوجعت من قلبها لأنه ابوها اللي مفروض يكون سندها طلع بيكرهها ومش بيعتبرها بنته. فيروز: انا هروح ومش هتشوف وشي تاني. واتجهت ع الباب وراحت.

علياء طلعت من أوضتها. علياء: امال فين فيروز يابابا. رضوان: راحت قالت إنها اتأخرت. علياء: بدون ماتقولي؟ رضوان: اه اصل جاها تلفون وراحت. علياء: اها طب ماش. عند فيروز راحت ع الجاليري بتاعها وبدأت ترسم، ف هي عندما تغضب تتجه للرسم حيث تفرغ كل غضبها في الألوان. علياء من وراها: فيفي انتي نسيتي الدريس. فيروز مسحت دموعها بسرعة قبل ماتشوفها علياء. فيروز: اه ماش. علياء: روحي غيري لأنه موعد الافتتاح قرب وانا هتفرج على لوحاتك.

فيروز: ماشي. وراحت جهزت نفسها كالعادة كانت طالعة حلوة وجذابة. وبعد الافتتاح كانت واقفة بتتفرج ع الناس اللي مبهورين بجمال لوحاته. بس فجأة دخل زياد واتفاجئ انه فيروز كمان هنا، بس حس بفرحة مكنش يعرف سببها. علياء: فيروز. فيروز: ايه. علياء: شوفي الواد المز اللي هناك. فيروز بصت عليه وكان زياد. فيروز بصدمة وصوت منخفض سمعته علياء: زياد. علياء بغمز: ايه بتعرفيه ولا ايه.

فيروز ضربتها ع ايدها بخفة: يابنتي دة واحد من شركائي عمل معايا صفقة الليلة. علياء: اها. زياد كان بيتقدم عليهم. علياء: يالهوي دة جاي علينا. فيروز: خلاص اسكتي يابنتي. زياد بابتسامة: السلام عليكم. فيروز وعلياء: وعليكم السلام. زياد مد ايده لفيروز. زياد: سمعت انه الجاليري دة بتاعك. فيروز: اه. زياد: بالتوفيق والصراحة رسومات حلوة اوي. فيروز: شكرا. زياد: العفو. وبص ع علياء. زياد: امال مين القمر دة. فيروز: دي اختي علياء.

زياد: اتشرفنا أنسة علياء. علياء بابتسامة: الشرف ليا. فيروز: علياء: ممكن توري زياد بيه اللوحات والمكان لحد ما اجي. علياء: حاضر. علياء اخدت زياد وراحت. بعد مدة علياء وزياد خلصو. زياد كان بيتأمل لوحات فيروز اللي كلها حزينة. زياد: علياء هو ليه لوحات اختك كلها حزينة. علياء: والله مش عارفة سألتها السؤال دة اكتر من مرة بتقولي عادي هي مجرد رسومات.

زياد: اها بس كان حاسس انه دي مش رسومات عادية وكان بيفكر هي ليه مختلفة عن باقي البنات ليه لما حد يشوفها يحسها عايشة في جحيم وهي عندها اي حاجة عايزاها. قاطع تفكيره صوت فونه. زياد: الو. : ….. زياد: اوكي هاجي. زياد: احم انا هروح عند اجتماع سلميلي ع اختك. علياء: اوكي. زياد طلع وركب عربيته وراح ع الكافيه وقعد مع اخوه. زياد: عارف اني مشغول اوي. جلال: بس دلوقت مش مشغول يلا اقعد انا طلبت أحلى فنجانين قهوة. زياد: بس…

جلال: خلاص يازياد انت مش هتروح اقعد وبطل عناد بقى. زياد بضحك: ماش. زياد كان بيكلم جلال بس فجأة لاحظ انه فيروز كمان قاعدة في الكافيه ومعاها حد بيتقرب منها وهي بتعيط. فيروز بنت صاحب أكبر الشركات في مصر وعندو شركات وفيلات كتير بس العلاقة بينها وبينه مش كويسة، هي بنت غامضة وبتهتم بالشغل اوي اكتر من حالها، هيدخل ع حياتها انسان هغيرها 180 درجة.

فيروز عمرها 22 بتشتغل في واحدة من شركات ابوها شعرها أشقر مايل ع العلسي عيونها باللون الازرق. زياد صاحب أهم الشركات في الوسط العربي شاب وسيم ذو عضلات قوية عمره 27 شعره باللون البنى عيونه عسلية. علياء اخت فيروز بس من الاب ومع ذلك علاقتها كويسة بفيروز بنت فرفوشة وقمر وتتحب عمرها 20 شعرها بني وعيونها خضرا. جلال الأخ الأصغر لزيادة بيحب اخوه اوي ويشتغل معاه في نفس الشركة عمره 25 شعره اسود وعيونه عسلية أيضا ذو جسد رياضي.