رواية فيروزتي الفصل التاسع 9 - بقلم زولة وحيد

جلال: تعالي بسرعة، رنا قالت لأمي إنها حامل منك، وأمي اغمي عليها واحنا دلوقتي في مستشفى. زياد بصدمة: استنى، أنا هـ... فيروز بخوف: في إيه يا زياد؟ زياد: أمي يا فيروز، اغمي عليها. فيروز بخضة: إزاي؟ زياد طلع بسرعة وهو بيكلمها: هقولك بعدين، ومتطلعيش من البيت. فيروز: بس... زياد بغضب: كلمتي تتسمع. طلع بسرعة، فيروز قفلت الباب وراحت أوضتها وفضلت قاعدة كتير، واتصلت على زياد بس فونه كان مقفول. قررت إنها تروح قصر السيوف.

دخلت القصر بس ملقتش حد، نادت. رنا: ازيك يا فيروز؟ فيروز مردتش عليه. رنا اتعصبت لأنه فيروز اتجاهلته. رنا: عايزة إيه من بيتي؟ مش انتي على أساس هتطلقي؟ فيروز: ... رنا راحت عندها بغضب ومسكتها من دراعها وزقتها برا القصر، بس زياد وجلال وأمهم كانوا داخلين وشافوا رنا وهي بتزق فيروز، وفيروز وقعت على الأرض. زياد جري عليها وقومها. زياد بخوف: حبيبتي، انتي كويسة؟ فيروز بألم: آه. زياد بغضب لرنا: انتي إزاي تعملي كده؟

رنا ببرود: ده اللي كنت عايزة أعمله من زمان وعملته. زياد بغضب: رناااااا. رنا دخلت لجوه. رنا: نتكلم بعدين يا حبيبي. زياد بغضب وهو بيبص على فيروز: وانتي ليه طلعتي من البيت أصلاً؟ فيروز وعنيها بتدمع: كنت عايزة أطمن على خالتي. زياد بغضب: بس أنا قولتلك متطلعيش. فيروز بدموع: أنا ا... نـ... فتحية راحت مسكتها من إيدها وأخدتها على أوضتها. فتحية وهي بتقعدها على السرير: متعيطيش ياحبيبتي. وحضنتها.

فيروز حست بالأمان، حست إنها في حضن مامتها، ده الحضن اللي كانت بتتمناه من زمان. فتحية بعدت عنها. فتحية: حبيبتي، متزعليش من زياد، هو بس كان خايف عليكي من رنا، انتي مش عارفة البت دي زي ما أنا بعرفها. فيروز: قصدك إيه؟ فتحية: زمان لما رنا كانت مرتبطة بـ زياد، كان فيه بت معجبة بـ زياد والبت كانت بتحاول تتقرب منه، رنا لما عرفت راحت بعتتلها عصابة علشان يضربوها. فيروز: يالهوي. فتحية بضحك: عادي. فيروز: والبت حصلها إيه؟

فتحية: اختفت من حياة زياد، بقينا مبنشوفهاش. فيروز: فعلاً، البت رنا دي عقربة، بس أنا بعرف أتعامل مع العقارب. عند زياد. دخل على أوضته بس اتفاجئ لما لقى رنا مقطعة هدوم فيروز كلها وحاطة مكانهم هدومها. زياد بغضب: إيه ده؟ انتي إيه اللي جابك هنا أصلاً؟ رنا قامت من السرير وراحت قربت منه. رنا بدلع: حبيبي، أنا بس طلعت هدومها وحطيت مكانهم هدومي، لأنك هتطلقها وهتتجوزني. زياد: بس مكنش لازم تقطعيهم. رنا: معلش، متديقش مني.

زياد بعد وراح الحمام أخد دوش وطلع. وراح نام على السرير. رنا راحت نامت جنبه وحطت إيدها على وسطه وبتحركها عليه. زياد: رنا. رنا: نعم ياحبيبي؟ زياد: اطلعي من الأوضة، إحنا مش هينفع ننام مع بعض لأننا مش متجوزين. رنا: بس أنا حامل منك من غير ما نتجوز. زياد قام بضيق: بس أنا مش متأكد إذا انتي حامل مني ولا من حد تاني، ولا أصلاً حامل. رنا قامت وكانت هتتكلم بس الباب خبط. زياد راح فتح وكانت فيروز. زياد: فيروز، في إيه؟

فيروز: احم، أنا هروح، هتوصلني ولا لأ؟ زياد كان هيتكلم بس قاطعته رنا. رنا: يابت انتي هبلة ولا إيه؟ مش من شوية كنتي عايزة تطلقي وزعلانة، إزاي بقى عايزاه يوصلك؟ فيروز اتصدمت إنه رنا معاه، هي مكنتش عارفة إنه رنا في الأوضة. زياد بغضب: اخررررسي يارنا. فيروز طلعت بسرعة وراحت على الباب، وجلال كان واقف جنب الباب وبيكلم علياء بس قفل منها أول ما فيروز طلعت. جلال: احم، فيروز، أوصلك أنا ولا زياد هيوصلك؟ فيروز كانت بتعيط وطالعة.

جلال راح وراها. جلال: فيروز، في إيه؟ زياد عملك حاجة؟ ... فيروز؟ فجأة زياد طلع وهو بيجري وراح مسكها من إيدها. فيروز بدموع: عايز إيه؟ زياد: فيروز، متفهمنيش غلط، انتي قولتلي أتعامل معاها عادي وأنا أهو بتعامل معاها عادي. فيروز: بس ده مش معناه إنك تخليها تقعد معاك في الأوضة. زياد: عارف، وأنا والله قبل ما إنتي تيجي كنت بقولها تطلع، وهي كانت هتطلع بس انتي جيتي. فيروز راحت على عربيتها وراحت على بيتها. زياد: يووووه بقى.

جلال بضحك: روح صالحها بقى. زياد: طبعاً هروح، قول لرنا إني روحت بيت رفيقي وهبات عنده. جلال: ماشي. زياد طلع. فجأة علياء اتصلت. علياء: جلال، هو أختي كويسة؟ ... هي ليه كانت بتعيط؟ ومش بترد عليا. جلال: اهدي، اهدي، هحكيلك كل حاجة. وحكالها كل حاجة وعن خطة زياد وفيروز. علياء: طب أنا هروح لها، المسكينة هتكون زعلانة أوي. جلال: لا، متروحيش. علياء: ليه؟

جلال: أولاً الوقت اتأخر، ثانياً زياد راح لها علشان يصالحها، واحم، انتي عارفة طبعاً هيكونو مشغولين، فسيبيهم في حالهم. علياء بضحك: ماشي. جلال: الله على الضحكة الحلوة. علياء قفلت الخط عليه وفضلت تضحك. عند زياد وفيروز. زياد جابلها ورد كتير وحطه في الأوضة وهي كانت في الحمام. الأوضة كانت كلها ورد أحمر ودباديب كتيرة. فيروز طلعت وكانت لافة فوطة في جسمها. فيروز انبهرت من جمال المكان. زياد قرب منها وحط إيديه على وسطها.

زياد: آسف ياحبيبتي. فيروز بخجل: ماشي، بس ابعد. زياد لاحظ اللي لابساه. زياد شالها وخدها على السرير. ونحن نسكت بقى. في صباح يوم جديد. رنا كانت بتتصل على زياد بس مش بيرد. فيروز صحيت بضيق من صوت الفون. فيروز بضيق: زياد، رد على الفون. زياد كان نايم ومش بيرد. فيروز: زياااااد. زياد فاق بخضة. زياد: في إيه؟ فيروز: فونك بيرن، رد بقى. زياد أخد الفون ورد. زياد بنعاس: ألو. رنا: زياد، انت فين؟ الساعة 10، كل ده نوم؟

زياد: آه، منا امبارح نمت متأخر. رنا: طب هتيجي إمتى؟ زياد بص على فيروز اللي نايمة. زياد: مش عارف يارنا، انتي عايزة إيه؟ رنا: عايزة نروح السوق نشتري شوية حاجات للفرح. زياد ابتسم بسخرية: ماشي، روحي لوحدك، أنا مش هقدر. رنا: طب فين الفلوس؟ زياد: قولي لجلال وهو هيديكي. رنا: ماشي. وقفلت. زياد حط الفون ورجع نام وحضن فيروز. فيروز: بنوم، العقربة عايزة إيه؟ زياد: مش مهم، خليكي انتي معايا أنا. فيروز شدت على حضنه: بحبك.

زياد: وأنا بموت فيكي. ورجعوا ناموا تاني. عند رنا. راحت أخدت الفلوس من جلال وطلعت على السوق اشترت الحاجات وراحت على كافيه كان قاعد فيها حد. رنا راحت قعدت معاه. رنا: قريباً هاخد اللي أنا عايزاه من زياد. الشخص: وأنا هاخد حبيبتي فيروز أخيرًا. رنا: أنا مش عارفة إيه اللي عاجبك في البت دي، دي بت تافهة. و... الشخص قاطعها وهو بيلوي دراعها. الشخص: متتكلميش عن فيروز كده. رنا: خالد، خلاص، إيدي يازفت. خالد بعد عنها.

خالد: حبيبيك هو السبب، هو اللي أخد مني حبيبتي، لا وكمان يومها لما كنت قاعد معاها في نفس الكافيه ده، هو جه ضربني وعمل فيها البطل. رنا: تستاهل، هو في حد بيتحرش ببنت في كافيه؟ خالد: وقتها كنت شارب وهي كانت حلوة أوي ومقدرتش أمنع نفسي. رنا: خلاص بقى، احكيلي هنعمل إيه تاني. خالد: ……………. رنا بخبث: ماشي.