رواية فيروزتي الفصل العاشر 10 - بقلم زولة وحيد

فيروز كانت صحيت وجهزت الفطار لزياد. وكانت قاعدة جنبه بتبصله بحب. زياد صحي. زياد: صباح الخير يا حلو. فيروز بخجل: صباح النور. زياد قام وقبلها بعمق. فيروز بعدت عنه بخجل: أنا جهزت الفطار، يلا روح اتحمم وتعال علشان نفطر. زياد: حاضر. وراح الحمام. فيروز كانت بتفكر هتعمل إيه لما يتخلصوا من رنا. بعد مدة زياد طلع. فيروز قامت وجابت الفطار. فيروز كانت هتقعد على السرير جنبه بس هو شدها وقعدها عليه. فيروز ابتسمت وفضلوا يأكلوا بعض.

بعد مدة اتصلت فتحية. فتحية: انتوا فين يا ولاد؟ زياد: ماما أنا مع فيروز. وباسها على خدها وهي اتخبت في صدره. فتحية: آها إذا كده تمام، بقولك إيه يا حبيبي. زياد: إيه؟ فتحية: أمتى الخطة بتاعتكم دي هتخلص؟ زياد: قريب يا ماما. فتحية: طب أنا عايزة أحفادي بعد ما نتخلص من رنا. زياد بابتسامة وهو بيبص على فيروز: آه ماشي. فتحية: اديني فيروز. زياد مد الفون لفيروز. فيروز أخدت الفون وقامت وطلعت برا الأوضة.

زياد: شوف سابتني لوحدي أول ما لقت أمي. وقام غير وطلع. زياد بصوت عالي: فيروز أنا طالع. فيروز جت جارية حضنته. فيروز: يلا بعد كده اطلع. زياد: منسيتيش حاجة؟ فيروز: لا... آه آه نسيت حاجة. زياد: إيه؟ فيروز: وانت راجع جبلي معاك شيكولاتة وكمان جيب فشار وعصير علشان هنشوف فيلم وعلياء هتكون معانا. زياد: علياء ليه معانا؟ فيروز: مش بشوف فيلم غير معاها. زياد: بس... فيروز بمقاطعة: وهتبات معايا علشان كده أنت مش محتاج تكذب على رنا.

زياد بضيق: ماشي. فيروز: استنى. وباسته على خده. زياد: يعني مكنتيش ناسيه. فيروز وهي داخلة على أوضتها: آه بغلس عليك. زياد: أنا هوريكي. وطلع. فيروز راحت أوضتها واتصلت على علياء. فيروز بضحك: قولت لزياد إنك هتيجي وهتباتي معايا، مشوفتش ملامح وشه اتغيرت إزاي؟ كنت عايزة أضحك بس مقدرتش قدامه. علياء بضحك: تلاقيه دلوقتي مفرغ عصبيته كلها على رنا وجلال. فيروز: آه صحيح، هو إنتي وجلال رجعتوا لبعض؟

علياء: اممم يعني حاجة زي كده، بس مش بنتكلم كتير، أنا مش عايزة أرجعله بعد اللي عمله فيا، خايفة يعمل كده تاني. فيروز: علياء صدقيني جلال إنسان كويس أوي ومش هيعمل اللي عمله ده تاني، أنتِ جربي اديه فرصة تانية. علياء: هفكر. فيروز: ماشي، متتأخريش الليلة. علياء: أوكي. في المساء. علياء دخلت بس ملقتش فيروز. علياء بخضة: فيروووز. ندهتلها كتير بس مفيش رد. عند زياد كان بيجهز حاله علشان يروح لـ فيروز.

كان واقف قدام المراية وبيرش برفان. رنا جت من وراه وحطت إيديها على صدره وحطت راسها على ضهره. رنا: رايح فين يا حبيبي؟ زياد بضيق: عند رفيقي، عندنا عندنا شغل كتير يا رنا. رنا بضيق: بس أنت مش بتقعد معايا، أنا حامل منك المفروض تهتم بيا ولازم تكون معايا في كل الأوقات. زياد بعدها عنه بضيق. زياد بغضب وزعيق: ما أنا طول اليوم معاكي أهو، ده حتى إني ماروحتش الشركة بسببك. رنا بدموع: كده يا زياد بتزعق عليا.

زياد اتجه على الباب علشان يطلع. رنا مسكته من إيده. رنا: طب استنى أشرب العصير. زياد: مش عايز. رنا: عشان خاطري. زياد علشان يتخلص منها: طب هاتي بسرعة. رنا جابت العصير وهي بتبتسم بخبث. زياد أخد الكوباية بشك. زياد: احم هشربها مع جلال لأني مستعجل. رنا: لا لا اشربها هنا وأنا بناديه. زياد: طب ناديه. رنا طلعت.