رواية فيروزتي الفصل التاسع عشر 19 - بقلم زولة وحيد

في صباح يوم جديد، كانت فيروز جالسة مع تالا تلعبها. زياد جهز نفسه للذهاب إلى عمله. زياد: فيروزتي، صباح الخير. فيروز بخجل: صباح النور. زياد ذهب وحمل تالا. زياد: صباح الخير يا حلوة. تالا: صباح النور يا حلو. زياد: يلا هاتي بوسة عشان بابا رايح الشغل. تالا باسته على خده بحب. زياد أنزل تالا. زياد: فيروز، تعالي عايزك. فيروز راحت معه إلى الغرفة. زياد: أنا عارف إنك جهزتي العشاء أمس عشان تقنعيني أقعد.

فيروز بحزن: الصراحة، أيوه يا زياد. زياد: اممم، طب أنا موافق. فيروز بفرح: بجد؟ زياد: أيوه بجد يا روحي. فيروز: هروح أقول لماما وعمي. زياد مسكها من يدها: منستيش حاجة. فيروز باسته بسرعة على خده وجريت. زياد بضحك: أنا هوريكي. وخرج من القصر. بعد وقت، كانت فيروز مع فتحية. علياء جاءت بسرعة. علياء: فيروز، فين تالا؟ فيروز: مش عارفة، هي كانت بتلعب في الحديقة. علياء: مشفيهاش. وسألت عليها كل الخدم، قالوا ماشافوها.

فيروز جريت بسرعة إلى الخارج. فتشت أمام القصر بس ملقيتش تالا. فيروز للحارس: هو أنت مشوفتش تالا طالعة من هنا؟ الحارس: أيوه، هي طلعت قالت عشان تجيب الدبدوب اللي كان جنب البوابة. فيروز اتصلت على زياد. فيروز بدموع: زياد، تالا، تالا. زياد بخوف: تالا مالها؟ فيروز: تالا مش لاقينها. سألنا الحارس قال إنها طلعت عشان تجيب دبدوب. زياد: طب طب، اهدي. أنا هتصرف، أوكي؟ أوعك تطلعي من القصر.

فيروز قفلت منه. دخلت فتحية وعلياء كانو بيطبطبو عليها. فجأة، جت رسالة على فون فيروز من رقم غريب. "إذا عايزة بنتك، تعالي على ****. واوعك تقولي لحد على المكان ولا حتى جوزك. وإذا اتهورتي وجبتي الشرطة، بنتك هتموت. وبنصحك ماتقولي لحد عن الرسالة دي واتصرفي عادي واطلعي من القصر." علياء: فيروز، مالك؟ فيروز قامت بسرعة ولبست عباية وحجاب. فيروز: أنا، أنا هروح هنا قريب وهاجي. علياء: بس زياد قال... فيروز: مش هتأخر.

وراحت بسرعة إلى المكان. اتفاجئت لما شافت آدم قاعد وحاطط السكينة في رقبة تالا. آدم وهو مازال على وضعه: كويس إنك جيتي يا روحي. فكرتك مش هتيجي. فيروز بصدمة: آ... آدم؟ آدم راح ناحيتها وزق السكينة وحط إيده على خصرها. آدم: وحشتيني. سبع سنين بفتش عليكي. انتي اختفيتي فين؟ إزاي هونت عليكي تسيبيني كدا؟ تالا وهي بتعيط: ابعد عن ماما يا شرير. آدم شد فيروز عليه أكتر بغضب.

فيروز بدموع وصوت منخفض: ما فكرت إنك انت اللي هتكون ورا كل ده. آدم وهو بيمسحلها دموعها: هششش. أنا كان لازم أعمل كل ده عشان أوصلك يا حبيبتي. فيروز: أنا مش حبيبتك. إحنا انفصلنا من زمان لأنك خنتني. آدم: بس أنا سبتها عشانك يا حبيبتي. فيروز: بس أنا اتجوزت. انت اتأخرت أوي. أنا دلوقتي متجوزة وعندي بنت يا آدم. مينفعش اللي بتعمله معايا. آدم بهوس وهو بيشم ريحتها وبيبوّسها

في رقبتها: انتي ملكي أنا وبس يا فيروز. مش بيهمني متجوزة أو عندك ولاد أو لأ. أنا بس عايزك. فيروز وهي بتحاول تزقه: ابعدددد يا آدم. آدم: مش هبعد. فيروز بصويت: ياااااااعاااااالم الحقووووووني. آدم وهو بيحط إيده على بوقها: هششش، فيروز، اسكتي أحسنلك. وإلا حياة بنتك هتكون بخطر. فيروز بصت على تالا اللي كانت ماشية براحة ورا آدم ومسكته بإيديها من رجله ووقعته. فيروز شالت تالا وجريت. آدم بغضب: امسكوهم.

فيروز وتالا وصلوا لحد الشارع، بس الرجال بتوع آدم مسكوهم. فيروز بصويت: ياااااعالم الحقوووني. دخلوهم لجوة. برا كان محمد ورضوان بيتكلموا. المكان اللي فيه فيروز وتالا جنب قصر رضوان. رضوان لمح فيروز وتالا. رضوان: فيروز هي هناك وبتصوت. في رجال سحبوها لجوة. محمد: أنت متأكد؟ رضوان: أيوه. بس الغريب إنه البيت ده مهجور من زمان. محمد: مش مهم. إحنا لازم نساعدها. فجأة، فتحية اتصلت بمحمد.

فتحية بدموع: محمد، تالا مخطوفة وفيروز مش عارفينها راحت فين. أنت فين؟ محمد كدا اتأكد إنه دي فيروز. محمد: متخفيش، أنا هتصرف. وقفل منه. محمد: هي فيروز كان معاها بنت صغيرة؟ رضوان: أيوه. محمد: تعال، إحنا لازم نساعدهم. رضوان: استنى. إحنا لازم نقول لزياد. محمد وهو بيتصل على زياد: أيوه، برن عليه. عند فيروز، آدم كان حابس فيروز في أوضة وقاعد مع تالا. آدم: انتي لازم تموتي. عارفة كدا؟ تالا كانت بتعيط وفيروز سمعتها.

فيروز بصراخ: ااااادم، أنا موااافقة أرُجوك ابعد عن تالا. آدم بابتسامة: آهو مامتك وافقت تتجوزني. بعد كدا مش هحتاجك. خليكي مع أبوكي انتي، وأنا هاخد فيروز. تالا بعياط: مش هتاخد ماما يا شرير. آدم: اخرسي. أنا هروح أحسن ما أقتلك. وقام طلع. آدم للحارس: خليك معاها. أوعك تخليها تهرب. ... أه صح، اتصل بالمأذون وبالمحامي. الحارس: حاضر.

عند فيروز، آدم دخل وهو بيبتسم ابتسامة صفرا. فيروز كانت بترجع لورا وآدم بيقرب منها لحد ما لزقت في الحيطة. فيروز بخوف: آدم، متغلطش. أنا مش حلالك. خليك بعيد. آدم: بس هتبقي حلالي. فيروز: مش بيهمني. أنا موافقة بس بشرط. آدم وهو بيبوّسها من رقبتها: اشترطي. فيروز زقته بقرف. فيروز بقرف: لو سمحت خليك بعيد لما أكلمك، لأني بقرف. آدم حاول يكتم غضبه: طب قولي شرطك.

فيروز: انت هتبعت تالا على القصر عند زياد. وأنا لازم أطمن عليها إنها عنده وفي أمان. بعد كدا لما نت... جـ... و... ز انت مش هتقرب من حد من عيلتي. آدم: موافق. فيروز: ابعت تالا دلوقتي على القصر. آدم: أوكي. واتجه على الباب. فيروز: استنى. أنا عايزة أودعها. يمكن ده يكون آخر يوم أشوفها فيه. آدم: حاضر يا روحي. وراح جاب لها تالا. فيروز حضنتها وهي بتعيط.

فيروز: متخفيش. انتي هتكوني بأمان. عايزاكي تقولي لباباكي إني بحبه أوي وبحبك انتي كمان. قوليلهم إني بحبهم كلهم. وعندك جدك اسمه رضوان، عايزاكي تقولي له إني مسامحاه. تالا بدموع: بس يا ماما، أنا مش هروح. أنا عايزة أقعد معاكي. فيروز وهي بتمسحلها دموعها: مينفعش يا حبيبتي. آدم ده واحد سيء وممكن يأذيكي. تالا: وأنا مش هسيبك معاه. آدم دخل ومسك تالا وسحبها. راح بيها ع برا. فيروز بغضب: آدم، براحة دي طفلة. آدم: هششش.

وخد تالا ع برا وقفل الباب على فيروز. فجأة، فيروز سمعت صوت ضرب نار برا وعياط تالا زاد أكتر. فيروز وهي بتضرب الباب بإيديها: تالا حبيبتي، انتي سامعاني؟ بس مكنش في رد و...