رواية فيروزتي الفصل الثالث عشر 13 - بقلم زولة وحيد

فجأة دخل رضوان. رضوان بخوف: بنتي انتي كويسة؟ فيروز بصتله ب لوم. فيروز: علياء ناديلي زياد. علياء: بس… فيروز بمقاطعة وغضب: علياء ناديلي زياد فوراً. علياء: فيروز في ايه؟ ما اهو ابوكي هنا عايزة من زياد ايه؟ فيروز بضحك: ابويا…. ابويا مين ياعلياء؟ أنا معنديش اب، أنا ابويا اتبرا مني من زمان. علياء بصدمة: فيروز انتي بتقولي ايه؟ فيروز وهي بتبصله: احكيلها يا رضوان بيه، انت كنت بتعاملني ازاي؟ احكيلي.

رضوان: فيروز انتي فهمتيني غلط، أنا والله انجبرت ع اللي عملتو معايا. فيروز: انجبرت؟

اه، وانجبرت كمان تتبرأ من بنتك…. لالا دي مستحيلة… رضوان بيه انت مكنتش بتطيقني اصلا، أنا كنت بتمنى ف يوم تيجي تقولي يابنتي وتعاملني زي معاملتك لعلياء ولو ربعها بس، لا أنا استحملت كتير وقولت ماشي دة ابويا في النهاية، كنت بتضربني بسبب مراتك الكدابة، كنت بقول ماشي هو بيصدقها لأنها أكبر مني وليه الحق، بس آخر مرة شوفتك فيها قولتلي انك بتكرهني، قولتها بعضلة لسانك…. وابتسمت بحزن.

فيروز: ابويا قالي بيكرهني… وكمان قالي متقوليليش كلمة بابا….. لا وكمان باعني لمين؟ للمتحرش خالد، أنا اللي حصلي اليوم كان بسببك انت يارضوان، كان هيغتصبني، مين عارف كنت هموت لولا زياد وجلال وعلياء وصلو في الوقت المناسب….. وبصت ع علياء بابتسامة. فيروز: ابوكي عمل فيني كل دة ودلوقتي جاي يقولي بنتي انتي كويسة. علياء كانت بتسمع كل دة وهي بتعيط. علياء وهي بتحضن فيروز: كل دة ومحكتليش ليه؟

فيروز بدموع: مكنتش عايزاكي تكرهي باباكي، كنت عايزة علاقتك بيه تكون كويسة. علياء وهي بتمسح دموعها بغضب: ليه يابابا ليه عملت كدا مع بنتك؟ فيروز مسكتها من ايدها. علياء: أنا مش هرجع معاك البيت. رضوان وهو بيمسح دموعه: ماشي. فيروز حست بنغزة في قلبها، حست انها ظالماه بعد ماشافت دموعه، هي أول مرة تشوف دموع باباها، بس اتخلصت من الاحساس دة. زياد كان واقف جنب الباب وسمع كل حاجة، مسح دموعه بسرعة وبص ع رضوان بغضب.

زياد: هتندم ع اي حاجة عملتها معاها يارضوان. رضوان بص عليه بحزن وطلع. زياد دخل ع الاوضة وراح اتجاه فيروز وقعد جنبها. زياد: ماما وعلياء ممكن تسيبونا شوي. علياء وفتحية طلعو. زياد حضن فيروز. زياد: أنا اسف لاني مكنتش جنبك زمان، بس انت دلوقتي جنبك وهحميكي من أي مخلوق. فيروز ابتسمت وشددت ع حضنه ونامت. عند فتحية وعلياء اتكلمو شوي، جلال دخل. جلال: علياء انتي هتباتي هنا علشان اختك صح؟ علياء: لا أنا هروح بيت رفيقتي.

فتحية: اقعدي معانا بس الليلة يابنتي، أنا حبيتك اوي، تعالي اقعدي في اوضتي. جلال بسرعة: اه اه وبعدين الوقت اتأخر وكدا يعني ف الأحسن تباتي هنا. علياء: ماشي. في صباح يوم جديد. عند فيروز وزياد. فيروز بنوم: زياد قووووم الشغل. زياد وهو بيشدد ع حضنها: مش هروح، وفضل يبوسها في وشها. فيروز زقته: لا روح. زياد: كدا… ماشي يافيروز، أنا هوريكي. وقام من ع السرير واتجه ع الحمام. فيروز ضحكت عليه.

بعد مدة زياد طلع وفيروز دخلت اخدت دوش وطلعت راحت ع المطبخ. زياد كان قاعد بيكلم علياء وبيهزر معاها علشان يغيظ فيروز. فيروز: احم علياء روحي ل جلال شكلو بيناديك. علياء: لا مش بيناديني. فيروز: اها، طب زياد انت روح الشغل انت اتأخرت، أنا هجبلك الفطار في المكتب. زياد: مس هروح. فيروز: ايه اللي مش هروح دي؟ زياد: هو انتي بتطرديني من بيتي ولا ايه؟ فيروز: لا دة مش بيتك. زياد قام وهو بيقرب منها وشدها من وسطها: امال بيت مين؟

علياء زقته. علياء: ابعد عن اختي، وبعدين أنا هنا من امتى الرومانسية بتكون قدام الناس وفي المطبخ. زياد بص ع فيروز اللي هتموت من الكسوف. فجأة دخلت فتحية. فتحية: في ايه ياولاد صوتكم مالي القصر. فيروز: احم ابنك مش عايز يروح الشغل ياطنط. فتحية: زياااد. زياد: ايه ياست الكل عايز اقضي شوية وقت مع حبيبتي اليوم. فتحية: ايوة. فيروز: احم عن اذنكم. وطلعت بسرعة ووشها احمر من الخجل. زياد طلع وراها ع الاوضة. في الاوضة.

فيروز بغضب: انت ازاي تقول كدا لطنط، لا وكمان قدام علياء؟ ايه مش بتتكسف ولا ايه. زياد حاوطها من خصرها. فيروز بتوتر: زياد ابعد. زياد قاطعها بقبلة عميقة وهي تجاوبت معه. زياد بعد عنها بعد مدة وحط جبينه ع جبينها، جبينها وهم بياخدو انفاسهم. بعد ثواني زياد شالها واتجه بيها ع السرير وووو.