رواية جعلني احبه الفصل الرابع 4 - بقلم سارة بكر

يحيى: أحم أمال فين العروسة؟ صالح: نازلة حالا أهي. يحيى: طب ممكن يا حج نخرج إحنا نقعد برة عقبال ما هي تيجي و يتكلموا. علي: يحيى اقعد. صالح: ممكن يا ولدي. علي: يحيى متسبنيش. يحيى: إيه يا ض مالك إن شِفْ كده؟ علي: ماشي ماشي. في أوضة ندي. هاجر: قمورة أوووي يا ندي ولا باين عليكي إنك 12 اللي يشوفك يقول 20. ندي: ميرسي أووووي، أنا نَزِلَة بقى. وفعلاً نزلت ندي، لمحت باباها وشاب خارجين من الصالون.

أوبااا بابا طفش العريس، لحظة لمحت حد قاعد في الصالون. وبعدين بقى طب أدخل الصالون ولا أمشي على الجَنَيْنَة، أنا أطلع أنام أحسن ولا أشوف مين اللي في الصالون ده الأول، ممكن ممكن يكون هو. وفعلاً دخلت الصالون. ندي: أحم السلام عليكم. علي سمع صوتها ارتبك وكان باصص في الأرض ورد السلام ب العفوية. و… علي… كم.. الس.. لام. ندي في نفسها: هو جاي يتعلم الكلام ولا إيه؟ علي: فضل ساكت ساكت ساكت.

ندي: لا ده طلع أخرص مليش دعوة، مش موافقة، ها يلا بقى. علي: وهو باصص في الأرض بصي أنا معرفكيش ولا شوفتك قبل كده وبصراحة أنا لسه قدامي تلات سنين تعليم ومكنتش عاوز أتجوز بس للأسف أنا اتغصبْت عليكي وأنتي أصلاً عيلة صغيرة ف أنا بترجاكي ارفضي الخطبة دي علشان ده مقولتلك أنا مغصوب. ندي: ماشاء الله طلع بيتكلم بيتكلم لا ده طلع بلعة، واتفتحت ندي سمعت كلام علي كله واتحولت.

ندي: والله مغصوب لي يا كميلة غصبوك لي وبعدين أنت بتتكلم وأنت باصص في الأرض ليه هتعمل فيها مكسوف، ده قنا كلها عارفة علي الأنصاري الدنجوان وعاوز تكمل تعليمك علشان تعرف تتصرفمح مع بنات مصر وبعدين مين دي العيلة صغيرة هااا وأنا أصلاً مش موافقة عليك.

علي سمع صوتها اتفاجأ وراح تلقائي بص عليها يعرف الصوت ده جاي من أين، وأول ما شافها زَهَلْ علشان كانت لابسة فستان هادي وجميل أوووي وحطت مكياج هادي برضو وطبعاً لابسة كعب مبينها إنها طويلة شوية وشعرها كحكة ونازل منها شعر متمرد عن الباقي ومكنش باين عليها إنها صغيرة خَالَصْ. علي في نفسه: أاااا أنا ممكن أرجع في كل كلمة قولتها عادي خالص، وانتبه لكلمتها: هو أنتي إزاي تكلميني كده أنتي اتجننتي ولا إيه؟ ندي: أنا حرة.

علي: ماشي أنا هكلم أبوكي ومدام مش موافقة ابقي قوليلوا. وبعت رسالة ليحيى وقالوا يدخل حاج صالح. يحيى: طب يا حاج ممكن تدخل تشوفهم كده وأنا هروح مشوار. صالح: ماشي يا ولدي. في بيت رغد. ريم: عاملة إيه يا رغد؟ رغد: الحمدلله. ريم: هو عمر هيتأخر ولا إيه؟ رغد: أبيه عمر أول مرة يتأخر كده أصلاً. ريم: هو شغال إيه؟ رغد: محاسب. ريم: ممم. رغد: ممكن أطلب منك طلب رفيع أوووي؟ ريم: اطلبي. رغد: عوزاكي تجربي الخمار كده.

ريم: يووو تاني يا رغد. رغد: معلش علشان خاطري معلش معلش معلش. ريم: خلاص خلاص هجربْه. رغد: خدي الموج هيكون حلو علشان أنتي بيضة. وفعلاً جربتْه وكانت تشبه الملاك، كانت حلوة أوووي وده طبعاً لأن العفة لا تنقص من جمالهن شيء العكس بتزيد. رغد: حلو أوووي يا ريموا والله. ريم: حلو أه بس انسي إني ألبسْه. رغد: طب تعالي نشوف خالتي.. خالتي يا خالتي. في نفس الوقت كان عمر بيفتح باب الشقة ودخل وأول ما شافها بي.

عمر: ماشاءالله ربنا يبارك فيكي. رغد: ممم عمر جه وبتبص لريم الباقي وشها يشبه حبة الطماطم، طب إيه رأيك أنت يا أبيه مش هي بي أحسن ميت مرة من الطرحة؟ عمر حس بنفسه إنو مبحلق فيها وغض بصره عنها: هو أه حلو ربنا يحميها، وشعر بجراح كبير ودخل الأوضة بتاعتهم. رغد: يلا يا ستي عمر بجلالة قدرْه هو اللي قالك إنك حلوة يبقى اتأكدي إنك قمررر. ريم: أنا مبسوطة أوووي. رغد: هاا هتلبسي إمتى؟ ريم: تعالي بكرة نروح نشتري.

رغد: وبكرة ليه روحي بدأ النهاردة واعتبري أول هدية ليكي منه على المناسبة الحلوة دي. ريم: متشكرة 😍😍 بصي أنا هروح بقى علشان بصراحة مكسوفة إني أحضر النهاردة. رغد: ماشي. ريم خرجت من شقة رغد ونزلت بس لحظة إيه ده، ده يحيى واقف تحت شباك أوضة رغد بيعمل إيه و عَمَالْ كل شوية يبص على الشباك، طب أرحلوا ولا لا أعمل إيه، خلاص هروح.

يحيى خرج من عند صالح الديب وماشي كان كل اللي في دماغْه إنو زعل رغد أصبح وإنو شاف إنها كانت على وشك العياط ف فجأة لقى نفسْه تحت بيتها وتحت شباكها و عَمَالْ يبص عليه ومستني إنها تطلع، طب اطلع بحجة إني أشوف عمر طب اطلع بحجة إيه، وفجأة. ريم: أقفش حرامي بتعمل إيه هنا؟ يحيى: ريم ولا حاجة هكون بعمل إيه يعني كنت أاا بتمشى. ريم: والله ماشي ماشي هحاول أصدق. يحيى: بس تعالي هنا إيه القمر ده؟ ريم: عجبك؟ يحيى: قمر والله يا قلبي.

كان عمر واقف في الشباك وسمع الحوار من أول ما يحيى قالها إيه القمر ده وكمان كان مفكر إنو جاي يوصلها. عمر أخد نفس عميق: ربنا يسعدهم يارب. نرجع تاني لبيت صالح الديب. صالح: إيه يا ولاد عملتوا إيه؟ علي: تمام يا عمي. ندي: تمام. علي: أاا أنا حابب أعرف رأيها يا عمي. صالح: طب إيه رأيك يا ندي؟ علي قاعد ومستني رفض ندي. ندي: والله يا بابا طلع ظريف وأنا موافقة على الخطبة. علي اتَصْعَقْ من كلامها. صالح: يبقى علي خيرة الله.

علي: أااا طب استأذن أنا بقى. صالح: ليه يا بني مش جاعد؟ علي: لا كده كفاية، مع السلامة يا عمي، مع السلامة يا ندي. ندي بنظرة تحدي: مع السلامة. ريم: أنت جيت هنا ليه يا أبيه؟ يحيى: هاخد أخوكي يا أختي أصلاً عند نَسِيبْهُمْ. ريم: أه. علي خارج وفي عيونه نظرة الحيرة وركب العربية جمب يحيى. يحيى: مالك مش على بعضك ليه؟ علي: غريبة أوووي يا جدع وراح حكى كل حاجة بس يا سيدي بقى البت المَفْعُوصَة دي تتحداني أنا أنا.

يحيى 😂😂😂: معلش يا علي معلش بس هي حلوة. علي: أاااا لا وغير كده نظرتها البت أكنها عارفة وفاهمة بتعمل إيه. يحيى فهم إنو بيغير مجرى الكلام ف محبش يحرجْهُ. ريم: أحسن والله شكلها دي هي اللي هتربيك. علي: بسم الله الرحمن الرحيم أنتي هنا. ريم: أيه أظْمَرْ قبل الكلام ولا إيه 😂. علي: أنتي لابسة إيه؟ ريم: ده خمار حلو. علي: مممم جميل و آ ه ومش محجبة. يحيى: وأنا لما ريم قالتلي إنها مش فَتْشْ وشْهَا فكّرتْهَا مُنْتَقِبَةْ 😂.

علي: منه لله اللي كان السبب. في بيت يحيى الأنصاري. سليم: علي راح يا أخوي. دياب: ربنا يستر علي البت من علي أحسن يطفشها. أمينة: مش كان المفروض نروح أنا وصابرين نشوفها برضو؟ سليم: وأنتي تروحي ليه هو أنتي اللي هتتجوزيها؟ أمينة: لا بس دي هتكون مرات ابني. دخل علي ويحيى وريم: السلام عليكم. الكل: وعليكم السلام. انبهروا كلهم بمظهر ريم الرائع واتفقوا إن دي فكرة رغد. في بيت صالح الديب. هاجر: هاا عملتي إيه؟

ندي في نفسها: الحمد لله يا هاجر إنك مش أنتي اللي كنتي قاعدة معاه كان زمانك بتعيطي من اللي قالوا. هاجر: يا بنتي بقولك إيه اللي حصل؟ ندي: حححح هحكيلك هاجر: يخربيتوا في حد يقول كده. ندي: أاه شوفتي بس والله هوري. مر الأسبوع بسرعة، في خلال الأسبوع عمر رفض إن ريم تيجي تحضر قرآن مع رغد علشان بدأ إنو يتعلق بيها وخصوصاً بعد ارتداءها الخمار. ريم زعل أوووي إنو بيبعدها عنْهُ وحست إنو مش عوزها خالص وقررت إنها تنتبه لدراستها.

يحيى كان مع أبوه في كل خطوة وفي كل مجلس وبدأ إنو يحل قضايا ومشاكل البلد هو نيابة عن أبوه وقرر إنو يبعد رغد عن حياتْهُ و عن تفكيرْهُ ومكنش بيشوفها طول الأسبوع ده. أما رغد بقى كانت عادي خالص خالص كانت بتذاكر وتحفظ قرآن بس زعلت إن عمر قالها إنها هي اللي تحفظ ريم وكان يحيى بيجي على بالها مش كتير بس كانت بتستغفر.

علي بقى كان كل مايوم يخلص يدعي إن اليوم التاني ميجيش، مكنش عاوز الأسبوع يخلص علشان خلاص هيخطب ندي ولحد دلوقتي هو ميعرفش اسمها ولا فاكر شكلها كل الفكر طوله لسنها عليه. ندي كانت بتدعي إن يوم الجمعة يجي في أقصى سرعة علشان قررت إنها تزل علي وإنها تخليه يحبها غصب عنْهُ. يوم الخطبة. بيت كبير البلد يحيى الأنصاري كان متزين على أكمل وجه وبيت صالح الديب كمان، ندي قامت من بدري وراحت الكوافير وعلي لسه نايم.

المغرب أذنت وعلي رايح يجيبها من الكوافير.