رواية جعلني احبه الفصل الثالث 3 - بقلم سارة بكر

رغد فتحت الشنطة لقت الشوكولاتة فيها، وفي ورقة مكتوب عليها "الف هنا". رغد: غريب الشخص ده. _في أوضة ريم. ريم: الو. كريم: وحشتيني أوي أوي أوي. ريم: متسبنيش في حالي بقى الله. كريم: لا علشان أنتِ حالك هو حالي، وبعدين احنا هنكون نسايب الله، حبيت آخر كلمة تسمعيها قبل تتنامي تكون مني. ريم: قفلت التليفون في وشه. بعدها ريم نامت، بس فاقت تاني على صوت رن تليفونها، بس المرة دي كان اسم رغد يملأ الشاشة.

رغد: قومي يا ريم يلا صلي القيام. ريم: ماشي يا رغد. رغد: متكسليش يلا قومي. ريم: والله هقوم. رغد: أشوفك في المدرسة بقى. ريم: ليه مش هتجيلي؟ رغد: لا، وبصراحة كده علشان مش عاوزة أشوف يحيى، أشوفك في المدرسة، سلام. رغد قامت وصلت وقرأت وردها، وسَمحت للطارق بالدخول. عمر: هتمشي إمتى يا رغد، كده هتتأخري على صحبتك. رغد: لا يا أبيه، أنا مش ريحلها أصلاً. عمر: ليه مش لازم تطمني عليها؟ رغد: متخافش، هي والله كويسة.

عمر: أنا مش خايف، وبعدين مدام مش ريحلها، تعالي أوصلك أنا. رغد: أنت هتوصلني؟ عمر: أه. _في بيت يحيى الأنصاري، على طربيزة الفطار. ريم: مبروك يا عريس. علي: اسكتي يا بنت، نقصاكِ هي. يحيى: اتكلم معاها عدل يا حيوان. سليم: آآه، اسمع يا علي، أنا اتفقت مع نسيبك إنك هتروح عندهم النهاردة، واعمل حسابك هتروح معاه يا يحيى. يحيى: أمال أنا لازم أكون موجود في القاعدة دي؟ علي: أي خلاص بقى نسيبي.

سليم: أه خلاص بقى نسيبك، الخطوبة الجمعة الجاية. علي: والله طب الف مبروك للعريسين، أنا هروح عندهم ليه؟ يحيى: أي يا علي، هتروح تشوفها وتكلموا شوية وتعرف هي مين بس. دياب: أه يا يحيى، عرفوا، أصل علي ملوش في الكلام ده وميعرفش حاجة. علي: ماشي ماشي، اتريق براحتك في نفسك، دي حتة عيلة صغيرة، حرام عليك يا عمي. في عربية عمر. رغد: استني يا أبيه، أدخل أجيب ريم. عمر: مش أنتِ قولتِ إنك مش هتجيلها؟ رغد: مش مشكلة بقى. دخلت رغد.

رغد: السلام عليكم. الكل: وعليكم السلام. رغد: علي عاش من شافك. علي: رغد عاملة إيه، ليكِ واحشني. رغد: موجودة، أنت المختفي. علي: عقبال عندك هتجوزي. رغد: بجد، الف مبروك يا عريس عشان تتلم. علي: حتى أنتِ يا رغد فرحانة فيا. رغد ضحكت أوي أوي. علي: الله مصلي على النبي، مش كنتوا خطبتولي القمر دي؟ رغد: حرام عليك ليه كده؟ يحيى قاعد مراقب كل الحوار بين علي ورغد وهو على نار.

يحيى: لو خلص ضحك وهزار يا علي، ممكن تيجي معايا المزرعة عندنا، شغل. يحيى: وأنتِ جاية علشان ريم ولا جاية للضحك والمياصة مع علي؟ رغد، وهي دموعها على وشها الهبوط: أنا آسفة، مستنياكِ بره يا ريم. ريم: حرام عليك يا يحيى، أنا مش يا ماما. _في الخارج. عمر: مالك يا رغد، حد زعلك؟ رغد: لا يا أبيه، بس في رمش دخل في عيني. عمر: ماشي يا حبيبتي. ريم: السلام عليكم. عمر: وعليكم السلام، بقيتِ كويسة؟ ريم: الحمد لله 😍. _في المزرعة.

علي: هتيجي معايا بليل؟ يحيى: أكيد طبعاً. علي: أنا عاوز أخلع من الجوازة دي بأي طريقة. يحيى: مفيش خلع، الكبير حكم عليك. علي: عقبال ميحكم عليك يارب. يحيى: أنا مش هيحكم عليَّ طول ما ماشي في طريقة عمري، مضيقت بنت. علي: والله ورغد مش بنت ولا إيه، أنت اتكلمت معاها بطريقة وحشة أوي أوي. يحيى غيَّر مجرى الحديث: هتلبس إيه وأنت رايح؟ _في المدرسة. رغد: صليتِ يا ريم القيام؟ ريم: بصراحة مقدرتش أصلي 11 ركعة كلهم، فاصليت 5 بس.

رغد: مش مشكلة، أول مرة عارفة أصلاً، القيام مش صلاة بس، القيام ممكن صلاة أو قراءة قرآن أو استغفار أو أدعية، أي صورة من صور العبادة. ريم: طب كده هيتحسبلي القيام؟ رغد: إن شاء الله، أصل أنتِ صاحية طول الليل بتعملي حاجة لله، مش قاعدة على الفيس أو الواتس أو حتى بتلعبي، لا أنتِ قاعدة الوقت المتأخر ده لله بس. ريم: ماشي يا رغد، وشكراً إنك بتنصحيني بالخير. رغد: على إيه يا هبلة. _في بيت صالح الديب. تعريف الشخصيات:

صالح الديب: أكبر تاجر بهايم في قنا كلها، وصاحب دياب وسليم من زمان، وتجمعهم تجارة وحمى على المستقبلي. كريم صالح الديب: الابن الأكبر لصالح، مدلع على الآخر، في آخر سنة في دبلوم صنايع بتاع بنات، مفيش بنت متحبوش علشان غني أوي ووسيم أوي أوي، وده البيرخم على ريم. هاجر صالح الديب: طيبة أوي، في أوله ثانوي عام، حلمها إنها تدخل كلية الفنون، وأوي جميلة ومحجبة، يميزها إن في دايماً لمعة حزن في عيونها.

ندى صالح الديب: آخر العنقود في أوله إعدادي، شيطانة صغير، دمها خفيف جداً، وجميلة جداً جداً، روحها حلوة أوي، قصيرة شوية بس شغالة يعني 😂، ومش محجبة. نرجع تاني. صالح: هاجر تعالي يا بنتي. هاجر: نعم يا بابا. صالح: في عريس متجدملك، وأنا موافق، أنتِ بقى رأيك إيه؟ هاجر: بصراحة يا بابا، أنا مش بفكر في الجواز دلوقتي، أنا لسه قدامي كتير. صالح: ماشي، مهي الخطوبة، تلت سنين هتكوني خلصتِ.

هاجر: بابا أنا آسفة جداً جداً، والله مش عوزاك تزعل مني، أنا مش بفكر في الكلام ده. صالح: وأنا قولت هتجوزي، أنتِ الكبيرة، يلا اطلعي على أوضتك. هاجر: حاضر يا بابا. في الأوضة. ندى كانت قاعدة بتلعب على الـلاب توب، وهاجر دخلت بتعيط. ندى: مالك يا هجور، بتعيطي ليه، مين زعلك؟ هاجر: أبوكِ جايبلي عريس وأنا مش موافقة عليه، وهو عوزني أتجوزه غصب. ندى: نعم، جيبلك أنتِ، طب مجبليش أنا ليه؟ هاجر: أنتِ كل ده همك؟

ندى: أيوة كده، هو مش عادل بينا، الله، مدام أنتِ مش عوزاه، أخدوه أنا. هاجر: خدي 😭😭😭. ندى: ماشي، أنا هنزل أتفق مع الحاج. _كان كريم وصالح بيتكلموا. صالح: الناس جين النهاردة علشان أختك. كريم: الف مبروك. ندى بصوتها العالي: خيآآآنه، خيآآآآنه، خيآآآنه. صالح: إيه يا جدري، مالك فيكِ إيه؟ ندى: إزاي يا حاج تجيب للبنت عريس من غير متاخد رأيها؟ صالح: مبجاش غيرك، أنتِ يا مفعوصة، وأخد رأيك؟

ندى: أمااال لازم تاخد رأي، وبعدين علشان مرفّعش عليك قضية، العريس ده ليه أنا، علشان البنت بتموت من العياط فوق، فاهم؟ صالح: أنتِ صغيرة. ندى: مهو حرام، هي عوزة تكمل تعليمها، لكن أنا مش عوزة، ومش صغيرة ولا حاجة، الجواز يكون بعد الإعدادي. صالح: خلاص، حكمتِ. ندى: أيوة. صالح: ماشي، حضري نفسك علشان جين النهاردة. ندى: ماشي 😉. _عند باب المدرسة. ريم: النهاردة اليوم كان حلو أوي. رغد: عندك حق، آآه هي مين اللي هيخطبها علي؟

ريم: ندى صالح الديب. رغد: أنا سمعت عنها كتير بس ولا مرة شوفتها. ريم: وأنا كمان، تصدقي. رغد: لا، اتكلمت معاها مرة، تصدقي... عمر جه أهوو. عمر: يلا يا بنات. رغد: اركبي أنتِ يا ريم قدام، أنا هركب وراه علشان هنام. ريم بتبوس لعمر. عمر: اركبي يا ريم. رغد: أبيه عمر، ريم عوزة منك طلب. عمر: إيه يا ريم؟ ريم: آآآآآ. رغد: عوزة تحفظ قرآن معاه. عمر: 😍 بس كده عيوني، أبقى تعالي واحفظك معاها. ريم: 🥰 شكراً أوي.

_نرجع لبيت يحيى الأنصاري. دياب: سليم علي رايح النهاردة للناس؟ سليم: أه يا أخوي، بس أنا في حاجة مش فاهمها، أنت ليه عاوز علي يخطب جبّل يحيى؟ دياب: عادي يا أخوي، وبعدين عروسة يحيى موجودة مش هطير. سليم: علي جولك يا أخوي مش هطير. صابرين: شوفتِ يحيى زعل إزاي لما رغد كانت بتهزر مع علي؟ أمينة: أه شوفت، بس أنا مستغربة، هو ليه زعل كده؟ صابرين: يارب يكون اللي في بالك صوح. أمينة: هو إيه اللي في بالك؟

صابرين: نفسي نفسي تكون رغد من نصيب يحيى، بنت كويسة وعارفة ربنا كويس. أمينة: يا أختي يارب، بس تستحمل ابنك. _في أوضة علي. علي: أنت فرحان فيَّ أوي. يحيى: صراحة أه، فرحان أوي. علي: ليك يوم يا يحيى. يحيى: أهم حاجة إني يومك قبل يومي. علي: طب أنت لبست واتشيكت قبلي، هو أنت العريس ولا أنا؟ يحيى: لا، أنا طول عمري شيك أصلاً. علي: ينفع يا يحيى أتجوز واحدة معرفتهااش ولا أعرف أي حاجة عنها؟

يحيى: متخافش، أنا سألت أختك، قالتلي إنها شاطرة ومشهورة في المدرسة. علي: طب حلوة؟ يحيى: قالتلي إنها مشفتهاش قبل كده، هي سمعت عنها. علي: أهئ أهئ أهئ، ليه هو أنا هتجوز محمد صلاح؟ يحيى: أنتَ خلاص هتشوفها، لو حلوة خير وبركة، لو وحشة هتكون ذكرى عن صحتك. علي: 😭😭😭. _في بيت صالح الديب. ندى: خلاص يا هاجر متعيطيش، أنا هقبله. هاجر: أنتِ عبيطة يا ندى ودرستكِ.

ندى: أنا كده كده هقعد، معنديش طموح زيك، لكن أنتِ حرام تكوني شاطرة كده وتجوزي وتقعدي في البيت. هاجر: أنتِ كمان شاطرة، حرام عليكِ نفسك. ندى: أنا اللي عوزاه كده بقى. هاجر: خلاص براحتك، تعالي البسي. صالح: لبستِ يا ندى؟ هاجر: لسه فضلها شوية يا بابا. صالح: طب لبسيها حجاب. ندى: نعم نعم نعم، مين دي؟ صالح: أنتِ يا بنتي. ندى: لا يا حاج، احنا متفقناش على كده الله. صالح: أمال؟ ندى: أنا هلبس فستان وهعمل شعري كحكة، هو كده.

صالح: يوو، براحتك. هاجر: ندى أنتِ بتتحسبي على شعرك ده؟ ندى: يوو، متعمليش فيها شيخة بقى، بتفكريني بواحدة اسمها رغد معايا في المدرسة برضو، مرة قالتلي اتحجبي. هاجر: جزاها الله خير. ندى: من الآخر أنا مش هتحجب، ويلا اخلصي بقى. هاجر: ربنا يهديكِ، أنا خارجة. ندى: قال اتحجب قال. _في بيت رغد. عمر: ريم أنتِ حفظتِ لحد فين؟ ريم: لحد سورة محمد. عمر: كنتِ بتحفظي مع نفسك؟ ريم: أه، وبعدين كسلت وبقيت عوزة حد يحفظني.

عمر: خلاص، لما رغد ترن عليكِ وقت فراغ، أبقي تعالي. ريم: ماشي. رغد: الشاي والعصير. عمر: متشكرين، قولي يا ريم بقى. ريم: (بسم الله الرحمن الرحيم. الذين كفروا وصدُّوا عن سبيل الله أضَلَّ أعمالهم... صدق الله العظيم) عمر: ما شاء الله، صوتك حلو وتلاوة بتاعتك رائعة. ريم: شكراً. عمر: السورة اللي بعد دي سهلة أوي، اسمها الإحقاف، يلا نبدأ. ريم: يلا. _قدام بيت صالح الديب. يحيى: هو ده البيت صح؟ علي: أه والنبي، تعالي نروح.

يحيى: أبوك لو شمَّ خبر هينفخك. علي: لا وعليه إيه، احنا ندخل يلا. يحيى: هههههه يلا. علي: ولا تعالي نرجع. يحيى: آخر الكلام. علي: أنا خايف. يحيى: أنا معاكِ يا بطه، متخافيش. علي: 😡😡😡. صالح: أهلاً وسهلاً، نورتونا أهلاً. يحيى: نورك يا حاج. صالح: إزيك يا علي؟ علي: الحمد لله يا عمي. قعدوا شوية اتكلموا. يحيى: أحم، أمال فين العروسة؟ صالح: نزلها حالاً اهي.