رواية جعلني احبه الفصل الثامن والثلاثون 38 - بقلم سارة بكر

فتح عمر باب أوضة ريم واتفاجئ. يحيى: هي مين فيهم ريم ومين رغد؟ عمر: معرفش والله مين فيكوا ريم. كانوا بيبصوا لبعض ويضحكوا على منظر يحيى وعمر. عمر: ادخل يا عم يحيى شوف مين رغد. يحيى: أنا عارف مين رغد. عمر: إزاي والاتنين منتقبين؟ يحيى: قلبي هيقولي هي مين. دخل يحيى ووقف قدام رغد. ودخل عمر ووقف قدام ريم وحضنها أوي وهي نزلت دموع. عمر: باااس متعيطيش هتبوظي النقاب. بس إيه القمر ده وإيه المفاجأة دي، مقولتليش إنك هتلبسي.

ريم: رغد هي السبب وجابتهولي مفاجأة. عمر: أحلى مفاجأة. آااا تعالي ننزل بقى ونسيبهم مع بعض. نزل عمر وريم وتبقى يحيى ورغد. يحيى: أنتي بتدمعي ليه دلوقتي؟ مش إحنا متفقين خلاص؟ رغد: مفيش حاجة. هو المأذون جه ولا لسه؟ يحيى: آه جه يلا. رغد: مش هحط إيدي في إيدك يا يحيى، أنت لسه مش جوزي. يحيى: وأنا مش عاوز تحطي إيدك في إيدي، انزلي جنبي. *** هنا: كريم أنت كنت فين؟ كريم: وأنتي مالك أنتي؟

هنا: هاااه، إحنا مش اتفقنا إننا نكون أصدقاء؟ كريم: آه صح نسيت. أمممم. هنا: طب كنت فين بقى؟ كريم: مكنتش هاجي أصلاً. هنا: ليه؟ كريم: عادي. نزل عمر مع ريم، الكل اتفاجئ بالنقاب اللي كانت ريم لابساه، كان شكلها حلو أوي. ندى: إيه القمر ده يخربيتك! شكلك حلو أوي بجد. كده كده تلبسي من غيري؟ علي: بذمتك يا ريم دي أشكال تلبس النقاب؟ طب داري شعرك الأول. ندى: وأنت مالك أنت؟ عمر: بس يا جماعة، أنت هتتخانقوا ومفيش مبروك لينا ولا إيه؟

ندى: ألف مبروك. علي: عقبال ما نشوف عيالكوا بقى. *** كريم لما شاف ريم نازلة اتقلب وملامح وشه اتغيرت وبقى عليها زعل كبير. هنا لاحظت تغيير ملامح كريم المفاجئ وفهمت وحاولت تغير الموضوع. هنا: بقولك إيه يا صاحبي، تعالى نخرج نشرب عصير. كريم: طب ما في هنا عصير. هنا: يا عم تعالى بقى. كريم: بت بت استني. *** رغد ويحيى نزلوا. الكل سكت وبعدها بدأت الزغاريط والمباركات. دخل يحيى ورغد عشان كتب الكتاب. المأذون: مين وكيل العروسة؟

عمر: أنا يا مولانا. المأذون: تمام، قول ورايا: بارك الله لكم وبارك عليكم وجمع بينكما في خير. بعد ما رغد سمعت الكلمة دي نزلت دمعة هاربة منها. أما يحيى بعد ما المأذون ما خلص قام جري وحضن رغد أوي أوي، خلاص ما صدق أخيرًا بعد كل السنين دي اتجمعوا تاني. رغد اتفاجأت من تصرف يحيى وكانت هتبعد عنه بس افتكرت كلام ريم وبعدها حضنته. *** في جنينة البيت. كريم: خرجتي ليه؟ مش هتكملي الفرح؟ هاجر: أنا ماشية. كريم: ليه؟ خليكي شوية.

هاجر: لا كده كفاية أنا ماشية. كريم: هاجر، أنا بقالي كتير مشوفتكيش وأنتي وحشاني أوي، مش عايزة تقعدي شوية أو حتى تسمعي قراري؟ هاجر: لا مش هقعد، سلام. كريم: هاجر استني، هااااجر. أووف. *** في محل عصير. كانت واقفة قدام تلاجة العصير ومحتارة. كريم: هنا، أنتي بقالك ربع ساعة واقفة ومش عارفة تاخدي إيه؟ هنا: ما أنا محتارة يا كريم الله. كريم: محتارة إيه؟ أنتي بتختاري فستان فرحك؟ متخلصي. هنا: طب تعالى اختار أنت كده.

كريم: هاتلها كولا. هنا: لا مش بحبها. كريم: طب هاتي جوافة. هنا: لا مش بحبها. كريم: طب مانجا. هنا: لا مش بحبها. كريم: طب هاتي تمر هندي. هنا: كتك القرف. كريم: يوووه! أمال أنتي بتحبي إيه؟ أنتي كده ولا بتحبي أي حاجة. هنا: خلاص عايزة عصير قصب. كريم: كتك القرف. هنا: لا حلو. آااا عمو، اتنين عصير قصب بسرعة. كريم: أنا مش بحبه. هنا: لا لا حلو، هات بسرعة. *** الفرح خلص والكل راح المطار يودع عمر وريم. في المطار.

ندى: مع السلامة يا حبيبتي. عمر أنت أخدت حتة مني. علي: دي قلبي دلوقتي. ندى: ريم هتوحشيني أوي. ريم: ندوشة حبيبتي وأنتي كمان هتوحشيني أوي. علي: تروحوا وترجعوا بالسلامة. عمر: يا ابني ما أنا قولتلك تعالى معانا. ريم: آه يا يحيى تعالى معانا أنت ورغد. يحيى: مش هينفع وأسيب البلد ورغد تسيب أمي، دي حتى مجتش معانا عشان متسبهاش لوحدها، وبعدين يلا بقى عشان الطيارة بتاعتكوا. عمر: يلا يا ريمو. مع السلامة يا جماعة. ***

في بيت يحيى الأنصاري. يحيى: مالك يا رغد في إيه؟ رغد: أم يحيى حالتها بتتدهور، بقت تاخد نفسها بصعوبة وأنا بصراحة خايفة. يحيى: متخافيش إن شاء الله خير. رغد: طب أنت مالك في إيه؟ يحيى: مفيش. رغد: كنان أنت كلمت هاجر فتحتها في الموضوع؟ يحيى: ياريتني ما اتكلمت. رغد: إيه اللي حصل؟ رغد كانت عارفة السبب بس حبت تسمع من كنان وحبت تعرف تصرفه. كنان قال لرغد كل حاجة. يحيى: بس يا ستي وأنا فكرت في حاجة. رغد: إيه؟ *** في الشارع.

هنا: إحنا هنقعد في الشارع. كريم: آااه هنقعد في الشارع، فيها إيه؟ هنا: فيها كتير، أنا كريم صالح الديب أقعد في الشارع؟ كريم: تعالي بس اقعدي جنبي كده أقولك حاجة، اقعدي. هنا: قعدت أهو، قولي. كريم: أنا بنت راجل أعمال كبير أوي في أمريكا ومع ذلك قاعدة في الشارع أهو، عيشي عيشة أهلك يا خويا. هنا: هههههههههه ماشي. كريم: اشرب عصير بقى. هنا: مش بحبه بجد. كريم: طب دوق بس حتى دوق. هنا: هاتي أدوق يا ذنانا. إيه ده ده طعمه حلو أوي.

كريم: بجد؟ هنا: آه والله ده تحفة بجد لا لا جميل أوي ههههههه. كريم: كريم شكلك بيكون حلو وأنت بتضحك على فكرة، اضحك على طول. هنا: مش بسهولة يا هنا. كريم: لا بسهولة، اضحك الدنيا مش مستاهلة. هنا: إزاي؟ أنا بحبها أوي يا هنا بجد بحبها، إزاي تعمل فيا كده؟ كريم: آاااا قولي أنت علطول بتكلم وأنت نايم. كريم فهم إنها بتحاول تغير مغزى الكلام. كريم: لا مش بتكلم وأنا نايم وووو آه صحيح هو إيه اللي حصل تاني بعد ما خرفت؟

هنا: يعني إيه إيه اللي حصل؟ كريم: يعني حد جه؟ الدكتور إداني حاجة؟ في حاجة حصلت؟ هنا: لا ليه يعني؟ كريم: مش عارف، أصل أنا حسيت إحساس حلو أوي وجميل وفي أمان كده وعاوز أعرف السبب. هنا: آااا لا معرفش إيه اللي حصل. كريم: طب يلا نروح بقى. هنا: لا لا مش عايزة أمشي، إحنا هنسهر يلا تعالي نخرج. *** كنان: أنا معرفش قرارك ده صح ولا غلط يا كنان. يحيى: مفيش غيره. دخل يحيى عليهم. رغد: ريم مشيت بالسلامة. يحيى: آه.

كنان: طب أنا ماشي بقى وألف مبروك، سلام. يحيى: أمي عاملة إيه؟ رغد: الحمد لله. يحيى: طب إيه مش هنطلع الساعة 2؟ رغد: هما ندى وعلي فين؟ يحيى: راحوا يجيبوا دياب من عند هاجر عشان كان شبطان فيها. رغد: ماشي أنا طالعة. طلعت رغد ودخلت الأوضة بتاعتها. دخل يحيى اطمن على أمه وطلع الأوضة بتاعته بس ملقاش رغد وخرج راح الأوضة بتاعتها. يحيى: افتحي يا رغد. رغد: إيه عاوز إيه؟

يحيى: بصي، إحنا آه بينا اتفاق بس إحنا مقولناش إننا كل واحد هينام في أوضة. رغد: يعني أنت عاوز إيه دلوقتي؟ يحيى: تخشي تنامي في الأوضة بتاعتي يلا. رغد: نعم؟ لا أنت بتحلم. يحيى: رغد في ناس كتير هتيجي تباركلي، لما يلاقوكي خارجة من أوضة وأنا من أوضة هيقولوا إيه؟ وبعدين إحنا بينا اتفاق ولا إيه؟ رغد: خلاص ماشي هدخل. يحيى: ماشي. *** هنا: آاه تعبت يا هنا كفاية كده جري. كريم: لا اجري تاني أنا فرحانة أوي.

هنا: هههههههه لا لا خلاص بجد تعبت. كريم: طب خلاص أنا عايزة آكل. هنا: تصدقي وأنا كمان. كريم: طب يلا على أي محل أكل بسرعة يلا وراياااا. هنا: استني يا هلبه استني. كريم: لا تعالي ورااايا حصليني هههههههه. *** في أوضة يحيى. يحيى: هو أنتي هتنامي بالنقاب ولا إيه؟ رغد: لا بس يعني أصل أنا مش متعودة أقلع النقاب قدام حد. يحيى: لا ما أنا خلاص مبقتش حد، أنا جوزك ومش حرام إني أشوف وشك على فكرة.

رغد: أيوا ما أنا عارفة. آااا أنا هدخل الحمام أستحمى. دخلت رغد تستحمى وعملت شعرها كحكة ولبست بيجامة وخرجت، كانت مكسوفة أوي إزاي هتقعد قدام يحيى من غير نقاب ومن غير ملحفة أو إدناء. خرجت ملقتش يحيى بره أصلاً، قعدت شوية على الكنبة لحد ما دخل. دخل يحيى لقاها قاعدة على الكنبة، كانت حلوة أوي وهادية. يحيى: ياااا لسه ملامحك هي هي متغيرتش يا رغد. رغد: بالعكس اتغيرت كتير يا يحيى. يحيى: لا لسه بريئة زي ما أنتي وهادية وجميلة.

رغد: آاااا هو هو أنت كنت فين؟ يحيى: أنا كنت بره. رغد: بره فين؟ يحيى: في المملكة بتاعتي. رغد: هي إيه المملكة بتاعتك دي؟ يحيى: لا مش ضمن الاتفاق ويلا عشان ننام. رغد: ننام؟ ننام فين؟ يحيى: على السرير. رغد: لا اسمها أنام أااانااام. يحيى: لا نننااام نننااااام. رغد: يحيى الكنبة اللي في الأوضة هنا صغيرة مش هعرف أنام عليها. يحيى: أنا مقولتلكيش نامي على الكنبة يا رغد، تعالي نامي هنا. رغد: أنت بتهزر؟ لا قوم نام أنت على الكنبة.

يحيى: يعني أنتي يا متر ونص مش مقضياكي الكنبة وأنا بقى هتقضيني صح؟ يحيى ساب رغد ونام. رغد: يحيى قوم نام في حتة تانية. يحيى: نامي يا رغد متخلنيش أقوم. رغد: يحيى قوم نام في حتة تانية. يحيى: نااامي يااا رغد. رغد: لا مش هنام قووووم. يحيى قام شال رغد ورماها على السرير وغطاها ونام جنبها واتغطى ونام. رغد اتعصبت لما يحيى عمل كده، شالت الغطا من عليه وكلمته. أنت إزاي تعمل كده؟ مش إحنا بينا اتفاق وأنت وافقت المفروض متلمسنيش.

وأنا ملمستكيش، أنتي اللي حطّا إيدك عليا أهو، ويلا نامي بقى. رغد اتكسفت أوي ونامت. في شرم أنا مش مصدق، أخيرًا يا ريم، أخيرًا اتجمعنا. _أمال أنا أقول إيه يا عمر؟ الحمد لله اتجمعنا على خير. الحمد لله يا حبيبتي. _عايزة أطلب منك طلب. عيوني يا حياتي. _عايزاك تحبني ديما، وحبك ليا ميقلش ومتجيش عليا أبدًا.

من غير ما تقولي أنا حبي ليكي بيزيد مش بيقل، وهفضل أحبك لآخر نفس في عمري، وهقف في ضهرك ديما وعمري ما هكون ضدك ديما هكون معاكي. _أنا بحبك أوووي يا عمر. طب إيه المشاعر دي، هتفضل تطلع هنا، ما تيجي نطلعها جوه. _ههههههههههه. ونسبهم مع بعض شوية بقى. مع طلوع الشمس هنا النهار طلع، مش هنروح بقى ولا إيه؟ ليه؟ أنتي رايحة فين؟ "رايحة المركز الساعة 6 ونص وأنا المفروض أكون هناك 7. مدام أنتي عندك شغل مكنش ليه لازمة إننا نخرج.

"أهم حاجة إنك بقيت كويس يلا روح بقى. لا تعالي أوصلك الأول المركز يلا. ندى طلعت تجري وبتخبط على أوضة يحيى.