رواية جعلتني ملتزما الفصل الأول 1 - بقلم حفصة نصر

أدم ... اللي أنا مستغربه بقا يا بابا هو لسه فيه بنات بتوافق على عريسها من غير ما تشوفه؟ ولا خوفي تكون البنت معيوبة ومخبيين. والده (منير الألفي) ... معيوبة إيه؟ وحتى لو معيوبة دي بنت كمال العدلي وإحنا محتاجين أبوها. وبعدين البنت كان ليها شرط واحد بس في اللي هتتجوزه. أدم ... شرط إيه بقا يا حج؟ منير ... شرطها إنها تكون عريسها ملتزم في الصلاة يعني بيصلي الفرض بفرضه. أدم ... وأنت قلتلهم إيه بقا عني؟ منير ...

قلتلهم إنك بتصلي الفجر حاضر. أدم ... يادي النيلة عليا وعلى سنيني. ده أنا مش عارف اتجاه القبلة في شقتي. ده أنا عمري ما ركعتها. منير ... كنت عايزني أقولهم إنك عمرك ما ركعتها صح وتطير المناقصة والشركة تفلس ونبقى إحنا عواطلية. بزمتك أنت تستحمل إنك تشتغل عند حد بعد ما كنت المدير العام لشركة معمار الألفي؟ أدم ... أكيد لأ طبعًا. أومال أنا إيه خلاني أوافق إني أتجوز بالطريقة الغبية دي؟ منير ...

بجد أنت يا آدم أثبت لي إنك راجل بجد لما وافقت. أدم ... ليه هو أنا مقلتلكش يا حج؟ منير ... لأ مقلتش. أدم ... قول والمصحف. منير ... والمصح... إيه يا ولد ما تتكلم على طول. أدم ... أنا عندي شرط يا حجوج. وشرطي إني بعد ما تكسب المناقصة وتقف الشركة على رجليها مرة تانية، أنا هطلق بنت العدلي وأتجوز رنا. منير (بحزن) ... أنت لسه ماشي مع البنت دي يا آدم؟ البنت دي ما تنفعش تبقى زوجة. أدم (بجدية) ... بابا ده شرطي قلت إيه؟ منير

(بقلة حيلة) ... موافق. بقولك كمال العدلي عازمك بكرة على العشا. وبالمرة تشوف العروسة لأنك مش هتقدر تشوفها غير مرة واحدة لأنها منقبة. أدم ... أهو شفت منقبة أكيد وحشة ومنيلة بستين نيلة عشان كده مخبية وشها. يارب عيني على البلوة دي. *** وفعلاً جه تاني يوم واستعد آدم للعشا ولكن جاله تليفون. أدم ... الو. رنا (روح قلب أدم من جوه) ... بعياط وسهلوكة ... كده يا آدم كده هتتجوز وتسيبني؟ أهيه وأهيه. أدم ...

لأ لأ متعيطيش أنا ما أستحملش عياطك يا جميل. دي جوازة كده وكده عشان ننقذ شركتنا وبعدين هطلقها وأتجوزك أنتِ يا قمر. وخدي التقيلة بقا بابا وافق على جوازنا بعد ما يكسب المناقصة. رنا (بفرحة) ... بجد يا دوومي؟ إحنا لازم نحتفل حالا. أدم ... ماهو. أنا كنت. رنا ... كنت إيه يا آدم؟ لأ لو ما جيتش أنا هنتحر وأموت نفسي. أدم ... لأ لأ قلبي الضعيف ما يستحملش. خلاص أنا جاي إن شاء الله. عني ما شفتها. ***

وفعلاً فضي آدم للعشا عند عروسته وراح يسهر في الديسكو مع رنا. فضلوا في الديسكو حوالي ساعتين. رن تليفون أدم. أدم ... أيوا يا حج. منير ... أنت مجنون يا ابني؟ الناس مستنينك على العشا ما اتهببتش ليه ورحت زي ما اتفقنا؟ أدم (عمل نفسه ناسي) ... يخرب بيت مخك يا آدم. أسف يا حج نسيت والله أنا رايح أهو. قفل آدم الخط وأخد رنا ووصلها بيتها وراح لفيلا كمال العدلي. كانت الساعة 11 بالليل. أدم ... السلام عليكم. كمال (بترحيب) ...

وعليكم السلام ورحمة الله وبركاته. اتفضل يا ابني. (أدم كان مربي لحيته موضة طبعًا) أميرة (في سرها) ... ما شاء الله ملتحي. لف أدم بنظره في كل مكان وما شافش العروسة. كمال (فهم أنه بيدور عليها) ... اتفضل اقعد يا بشمهندس آدم. معلش أنت اتأخرت. حبيبة بتنام بدري عشان بتصحى تصلي الفجر. أدم ... اممممم ... طيب ربنا يزيدها. أنا آسف على التأخير كنت في الشركة أخلص شوية أوراق. كمال ...

ربنا يوفقك. أنت موهوب يا آدم. أنا شفت تصاميمك للمشروع "أرض الأحلام" مبدئيًا بداية تبشر بالخير. أدم ... شكراً على ثقة حضرتك دي شهادة أعتز بها. قعد أدم اتعشى ودردش كتير في الشغل. ما كمال جذب كمال حب أدم للهندسة وإبداعه في الكلام عن التصاميم. *** عدى أسبوع بسرعة وما حدش عبر أدم ولا عزمه تاني وهو كان غير مبالي تمامًا أنه يشوف العروسة. وجه يوم كتب الكتاب والفرح. زهرة (والدة أدم) ... اصحي يا آدم يا حبيبي. النهاردة فرحك.

أدم ... طب يا ماما ربنا يتمم بخير. ألف مبروك. ونام تاني. زهرة (خبطته بالمخدة) ... يا واد اصحي مش وقت نوم. لازم تظبط الفرح لأنه هيبقى في قاعتين. أدم ... فاق ... نعمممم؟ ده اللي هو إزاي يعني؟ هو كل عيلة هتبقى في قاعة ولا إيه؟ زهرة (بتضحك) ... لأ يا خفيف. الستات في قاعة والرجالة في قاعة. فرح إسلامي يا أهبل. أدم ... والله عشت يا آدم اللي خربها وهتشوف نفسك بتتجوز في فرح إسلامي. فعلاً اللي يعيش ياما يشوف. زهرة ...

المهم راجعت جزء عم زي ما باباك قالك عشان لازم تصلي بيها النهاردة. أدم ... طبعًا ده أنا بقالي أسبوع وأنا بحفظ فيه وربنا يستر. *** وفعلاً الفرح تم على الطريقة الإسلامية وادم ما شافش حبيبة. خلص الفرح وادم أخد حبيبة ووصل العمارة اللي فيها شقته. وهو داخل قام حاضن عم عبده البواب وقاله ... والنبي يا عم عبده القبلة منين؟ الراجل انصدم حس إنه سمع غلط. كرر أدم سؤاله تاني فشاورله عم عبده على القبلة.

طلع أدم وحبيبة الشقة وأول ما دخلوا. أدم ... أظن إنه بقى آن الأوان إنك ترفعي النقاب عشان أشوفك. دانا يعني زي جوزك ولا إيه؟ هزت راسها من غير ما تتكلم ورفعت النقاب. أدم بص عليها وبرق عينيه.