رواية جاهلة الفصل الأول 1 - بقلم زوزه

يعني إيه أتجوزها؟ انتي عايزة تجوزيني بنت جاهلة يا ماما؟ دي مبتعرفش تكتب اسمها. ويعني إيه؟ دي بنت طيبة جداً ومحترمة وهتعجبك، انت عمرك ما شوفتها. وبعدين دي أمانة أخويا سايبها ليا ولازم أحافظ عليها. حافظي عليها وهاتيها وقعديها معاكي هنا، بس مش هتجوزها. ده أنا دكتور في الجامعة، عايزة تجوزيني بنت مبتعرفش تكتب ولا تقرأ؟ طيب دي أتعامل معاها إزاي دي يا ماما؟ هتتجوزها يعني هتتجوزها يا حسام، وده آخر كلام عندي.

مش هتجوزها يا ماما، أنا مش هتجوز واحدة جاهلة. أنا عايز أتجوز واحدة متعلمة زيي، على الأقل يا ماما تكون بتقرأ وتكتب. يابني افهمني، البنت معتش ليها حد غيرنا، يبقى اتجوزها وعلمها انت. مش عايز أتجوزها يا ماما، افهمني. عمري ما أحبها، وبعدين دي أكيد هتكون شبه الناس اللي مبيعرفوش يلبسوا، ولا شكل، ولا حتى علم، ولا أي حاجة. يا ماما انتي كده بتظلميني.

هتتجوزها يا حسام، وبعدين البنت قمر جداً وهتعجبك. هنروح انهارده البلد نطلبها يابني. يا ماما افهميني، أنا مش عايزها. دي بنت أخويا يا حسام، وأنا مش هسمح إنها تفضل تتهان في بيت خالها. انت هتتجوزها وإلا أنا لا أمك ولا أعرفك يا حسام. يا أمي افهميني، عمري ما هعرف أسعدها ولا أعرف أتفاهم معاها. آخر كلام قولته، هنروح البلد نطلبها من خالها، وبعد أسبوع الفرح. يا أمي افهميني.

معتش كلام في الموضوع ده يا حسام، روح جهز شنط عشان نسافر. جومي يا بت يلا. نعم يا مرات خالي. جومي يا أختي يلا عشان تنضفي البيت، وإلا هتجعدي من غير ما تعملي حاجة. حاضر يا مرات خالي. جومي يلا. من غير لف ودوران يا حاج أحمد، إحنا جايين نطلب منك إيد قمر بنت أخويا لحسام ابني. بس يا أم حسام، ده أخوكي واختي لسه يا دوب متوفيين بقالهم شهرين بس، مينفعش نعمل أي حاجة دلوقتي.

هنفرحهم على الضيق يا حاج أحمد، وبعدين قمر دي بنت وأنا عايزها لابني. اللي تشوفه، البنت بردو، يعني دي بنت اختي وأنا مقدرش أغصب عليها حاجة بردو. ودي الأصول يا حاج أحمد، بس اسمحلي أقعد معاها شوية. طبعاً يا أم حسام. ثم نادى بصوت عالٍ وقال: يا حسنات. نعم يا حاج. خدي أم حسام عند قمر جوا. حاضر يا حاج. ثم ذهبوا إلى المطبخ، وكانت قمر تقوم بالطهي وغسل الأطباق، وملابسها متسخة ويبدو عليها الإرهاق. قمر.

التفتت إلى الصوت، ووجدتها عمتها التي تحبها بشدة، فقالت بدموع فرح: عمتو حبيبتي. ثم ذهبت لتحتضنها، فنظرت لملابسها وقالت بدموع: معلش يا عمتو، هوسخ هدومك النضيفة، خليها من بعيد. شدتها في حضنها وقالت بحب: تعالي في حضني يا روح عمتك، انتي وحشاني أوي. قالت بدموع: وانتي ولله يا عمتو. نظرت لهم بكره وقالت: يلا يا أم حسام، اديكي شوفتيها يا أختي، تعالي نسيبها تطبخ ونجعد إحنا لوحدينا.

لا معلش يا حسنات، كملي انتي طبخ، أنا عايزة أقعد أنا وقمر لوحدينا شوية في الأوضة بتاعتها. ثم أخذتها من يدها وقالت لقمر: فين أوضتك يا قمر؟ أخذتها قمر إلى غرفتها وقالت: اتفضلي يا عمتو. اقعدي يا قمر عشان عايزة حاجة. نعم يا عمتو. حسام ابني عايز يتجوزك، إيه رأيك فيه يابنتي؟ وهاخدك تعيشي معايا هناك بدل البهدلة دي يا بنتي. اللي تشوفيه يا عمتو، أنا بثق في أي قرار انتي بتاخديه، لأن عارفة إنك خايفة عليا بجد.

ياروح عمتك انتي. طيب قومي غيري يلا عشان حسام يشوفك. ثم ناولتها فستان طويل ترتديه وقالت: خدي يا قمر، دي هدية مني يا بنتي، البسيه وإن شاء الله هيكون مظبوط عليكي، وأنا هستناكي برا. يا أمي أنا مش عايز العروسة دي. حسام اسكت، دي بنت أخويا. حاضر يا أمي.

أتت قمر وكانت ترتدي فستان أزرق مثل لون عينيها، وكانت ترتدي طرحة بيضاء، وكانت مثل الحوريات الذين يطلعن من البحر، فكانت بيضاء جداً وعيناها زرقاء، وشفايفها تضع عليهم ملمع شفاه أحمر خفيف، وتحدد عيناها بالكحل، فكل من يراها يسحر بجمالها. كانت تأتي بخجل وتحمل أكواب العصير بيداها. بسم الله ما شاء الله، تعالي ياروح عمتك. نظر لها بصدمة ثم قال: إيه ده يا ماما؟