رواية جاهلة الفصل السابع عشر 17 - بقلم زوزه

ايه ده ياقمر. في ايه ياعمتو. ايه السلطة الغريبة دي يابنتي، دول حاطين فيها عيش. دي سلطة لبنانية ياعمتو اسمها فتوش، هي بتكون كده. أيوه يا بنتي، أنا استغربت لما شوفتها. وايه ده كمان يا قمر. دي ياعمتو المجدرة، أكلة لبنانية عبارة عن عدس ورز وبصل. ودي يا قمر، إيه كمان يابنتي. بضحك، دي حمص بالطحينة ياعمتو. وده ورق عنب ولا حاجة تانية. لأ، ده ورق عنب ياعمتو. هاتي يابنتي، آكل اللي أعرفه أحسن من اللي معرفهوش.

بضحك، يا ماما والله طعمهم حلو، جربي انتي تأكلي. وبعدين سعاد عاملة لك أصناف كتيرة من الأكلات اللبنانية، جربي وهتعجبك. لأ يا بني، أنا هاكل اللي أعرفه بس. أخلي داده تعمل لك أكل مصري ياعمتو. لأ يا قلب عمتك، أنا هاكل من المحشي ده وخلاص، ويبقى بعد كده خليهم يعملوا أكل مصري لما أكون هنا. حاضر ياعمتو. بعد مدة. أما تباتي معانا النهاردة يا خالتو. يا حبيبة خالتك، لأ خلي شمس معاكوا، لكن أنا همشي عشان عمك خالد في البيت.

ماشي يا بنتي، بس شمس هتبات معانا، أوك، خليها معايا الأسبوع ده. ماشي يابنتي. تسلميلي يا خالتو. ماشي يا قلب خالتك، همشي أنا بقى. تعالي أوصلك يا خالتو. تعال يا عدي يابني، يلا. عايزة حاجة يا قمر؟ عايز حاجة يا حسام. لأ شكراً، مع السلامة. ذهب عدي ومعه نعمة خالة قمر. طيب، إحنا هنعمل إيه بقى يا قمر. تيجوا نسهر مع بعض ونتفرج على موكب نقل المومياوات. لأ، اسهروا انتوا مع بعض يابنتي، أنا تعبانة وعايزة أطلع أنام.

تعالي أوصلك لغاية أوضتك ياعمتو. ماشي يا بنتي. أخذت بيد عمتها وصعدوا إلى الطابق العلوي وأوصلتها لغاية الغرفة، وأتيت لتغادر فقالت عمتها. استني يا بنتي، عايزة أتكلم معاكي شوية. اتفضلي يا عمتو. اقعدي يا بنتي. نعم ياعمتو. قاعدة هنا ليه يا قمر يا بنتي. حسام محكاش ليكي يا عمتو. لأ، حكى لي، بس أنا مش مقتنعة، انتي مخبية ليه وعايزة تقعدي هنا ليه يابنتي.

مش مخبية ياعمتو، بس أنا قاعدة هنا عشان طنط أم عدي تعبانة الفترة دي ومفتكرة إني بنتها، وأنا بروح لها من أول اليوم برجع العصر بتكون نامت وبالليل بتاخد منوم، وساعات بتكون كويسة ومش عارفاني. والدكتور بيقول إنه لازم أفضل جنبها فترة. يعني انتي قاعدة هنا يا قمر عشان السبب ده بس. أيوه يا عمتو. كدابة يا قمر، انتي بتكدبي عليا مع إني عمتك وأكتر واحدة عارفاكي. قاعدة ليه يا قمر.

بتوتر، ها يا عمتو، أصلاً يعني هو عشان السبب ده بس. يعني أنا مش حابة أرجع مصر دلوقتي، أنا خسرت ماما وبابا ومازلت مفتقداهم، مش قادرة أرجع لأني هفتكرهم وهزعل أكتر. غير إني انجرحت هناك كتيير ياعمتو، عايزة أنسى، عايزة أعمل حياة جديدة وأنسى.

وكملت بدموع: أنا الدنيا جت عليا أوووي ياعمتو، أتيمت ومتعلمتش وبقيت بنت جاهلة معرفش أي حاجة في أي حاجة، مليش حد من ريحة بابا غيرك ومن ريحة ماما، خالتو وخالو. ومش عايزة أرجع عند خالو، هو طيب والله بس مرات خالو وحشة ياعمتو. أنا مرتاحة هنا، عايزة أكون قمر جديدة، قمر بتاعت زمان. انجرحت كتييير ياعمتو، أنا عايزة أفضل هنا لغاية ما أتحسن.

يا قلب عمتك، ده كله فيكي من إيه بس يا قمر يا بنتي. ارجعي معانا وأنا هجوزك حسام وأوعدك، حتى إن حسام مش هيجرحك بكلمة يابنتي. انتي قاعدة في غربة لوحدك وأنا مش عايزة كده يا قمر. يا عمتو والله ما لوحدي، وبعدين داده فاطمة طيبة جداً وبتفكرني بحنية ماما الله يرحمها. سبيني براحتي يا عمتو، وأنا أول ما أكون جاهزة هرجع. زي ما تحبي يا بنتي. تسلميلي يا عمتو، ارتاحي انتي وأنا هنزل تحت، ماشي. ماشي يا بنتي. في الأسفل.

عاملة إيه يا شمس. بخير يا أستاذ حسام. ديماً في خير، بس متقوليش أستاذ حسام، اعتبريني أخوكي وقولي حسام عادي. صلي على رسول الله. ماشي يا حسام. ماشي يا ستي، صحيح أنا يعني مش عايز أدخل بس كنت عايز أتكلم معاكي في موضوع. اتفضل اتكلم عادي، انت زي أخويا. أنا عرفت موضوع مصطفى ده، بس يعني لو تسمحي لي أقولك رأي. اتكلم عادي، الموضوع معتش فارق معايا.

بصي يا شمس، انتي غلطانة في الموضوع ده، مش في الحب، لأ الحب حلال. بس انتي علقتي نفسك بشخص مديكيش كلمة أو حتى لمح ليكي بأي حاجة. ده شخص شايفك زي أخته، فانتي ربطي ده بالحب، فده غلط. مفروض تعززي نفسك، يعني اللي يحبك ده يحاول مليون مرة عشان يوصلك، ومتعلقيش نفسك بشخص مدخلش البيت من بابه. ياريت تفهميني بس، ده كلامي عشان خايف عليكي زي أختي. شكراً يا حسام، وأنا بعتبرك زي أخويا والله. خيااااااااانة، بتتتكلموا من غيري، في إيه.

بضحك، تعالي يا خيانة انتي، احكي لي عامله إيه هنا. أنا كويسة الحمد لله. بتذاكري في الكتب اللي جبتهم ليكي. أيوه، شمس بتذاكر لي فيهم. شكراً يا شمس. من غير شكراً، أنا أصلاً من غير حتى الكتب كنت بذاكر معاها، قمر أختي. ربنا يخليكوا لبعض. يااارب، تعالو نتفرج بقى على الموكب. ماشي. جلسوا الثلاثة أمام التلفاز. حسام، تعرف إيه عن الفراعنة؟ احكي لنا.

بصوا، الفراعنة دول كانت حضارة كبيرة أووووي من 7000 سنة، وممكن يكون قبل كده كمان. هما اكتشفوا إنها كانت من 7000 سنة. الفراعنة دول كانوا ناس عظماء، يعني عرفوا الطب وصنع الأدوية والصبغات زي اللي في المعابد الفرعونية، وعرفوا الكتابة، وعرفوا علم الفلك، وكانوا اكتشفوا أسرار لغاية عصرنا هذا. العلماء بيكتشفوها زي قطر الأرض والمسافة بين القمر والأرض. هما اكتشفوا الحاجات دي غير حاجات تانية كتير. كانوا عظماء في كل حاجة، يعني في

فن العمارة، بنوا الأهرامات اللي محدش يعرف هما اتبنوا إزاي، لأن أحجار الأهرامات كبيرة وتقيلة إن البشر يشيلها. غير إن الأحجار دي موجود في جنوب مصر والأهرامات في الجيزة. غير إنهم كمان عرفوا التحنيط، وكانوا بيؤمنوا بالبعث بعد الموت والحساب، وكان عندهم إله العدل. غير ليهم إنجازات كتيرة زي تعامد الشمس على رمسيس الثاني في كل عام في ميعاد معين مبتتغيرش. غير إن زي قناع توت عنخ آمون ده قناع يعتبر أغلى قطعة في عصرنا ده، يعني

اللي هو معمول من الدهب والأحجار الكريمة وموجود فيه أحجار انقرضت من على الأرض، ومعمول بتقنية وحرفية عالية جداً.

طيب، هما عرفوا كل ده منين يا حسام. تعددت الأسباب ورا الموضوع ده، بس هما كانوا أذكياء جداً وكانوا كل حاجة يعملوها بالعقل والمنطق السليم. بس محدش يعرف أسرارهم. هما كانوا ملوك العالم في الماضي، وما زالوا ملوك العالم حتى في عالمنا ده. عارف يا حسام، أنا بتفرج على الموكب وأنا فخورة جداً إني مصرية. مصر كلها فخورة بالموكب العظيم ده. طيب يا حسام، إيه موضوع لعنة الفراعنة المنتشر على السوشيال ده.

بصي يا شمس، هي حاجة الله أعلم، بس هو حصل مجموعة كوارث ورا بعض لما أعلنوا على الموكب. لكن ده قضاء وقدر ومقدر إنه يحصل كده في أي وقت، يعني ممكن يحصل في أي ظرف كده. بس دي حاجة في علم الغيب. أيوه عندك حق، ده كله قضاء وقدر والله أعلم. اتفرجوا انتوا، هروح أجيب حاجة من المطبخ نأكلها عشان سعاد مشيت ودادة نايمة. خليك انت وأنا هقوم أعمل فشار. لأ، اتفرجي انتي وأنا هعمله وأجي. وقام وتركهم. على فكرة يا قمر، حسام طيب جداً.

عارفة يا شمس، وأنا سامحته، بس مستنية أخلص من المدرسة وأقول له كل حاجة. خايفة يزعل منك بسبب إنك بتكدبي عليه يا قمر. إن شاء الله مش هيزعل، ويبقى خير. إن شاء الله. قمررررر، إيه ده. في إيه يا حسام. كتاب مين ده، ومن المدرسة بتاعة لبنان اللي كنت عايز أجيبك منها. ها. ردي يا قمر، كتاب مين ده.