رواية جاسوسة في الصعيد الفصل الأول 1 - بقلم هاجر حسين

في بيت كبير بالصعيد. زينة: كمال، أبوس ايدك اخرج من الأوضة دلوقتي، لو حد شافنا هتبقى فضيحة. كمال: مش خارج غير لما تقوليلي إنك مش هتتجوزي سليم. زينة: أنت عارف إني مقدرش أكسر لأهلي كلمة، ودي عوايدنا، البنت مينفعش تقول رأيها. كمال: بس بتعرفي تكسري قلبي. أنا، تقدري تقوليلي، خليتني أحبك ليه؟ طب بلاش إني حبيتك، انتي محبيتنيش يا زينة. زينة: يعلم ربنا إن كل كلمة طلعت مني ليك حقيقة، بس غصبن عني، صدقني مش بإيدي.

كمال: قولي إنك عايزاني، ولو لمرة واحدة، وصدقيني كل ده هينتهي. زينة: لا يا كمال، مش عايزك، ولو سمحت اطلع بره عشان أجهز. في الأوقات دي. مريم: إيه يا عم أنت، مش تحاسب. سليم بيبص لمريم بصة. مريم: المفروض أخاف من بصتك دي يعني. سليم لسه هيرفع إيده على مريم. أكرم: امشي أنت دلوقتي يا مريم. مريم: إيه بقا، ماتفك كده يا سليم، ده حتى الليلة ليلتك. سليم: ليلة إيه؟

أنت فاكرني معرفش حاجة. أنا عارف إن زينة مبتحبنيش، وعارف إنها بتحب حد تاني. أكرم: طب ليه مسبتهاش تشوف حالها. سليم: شكلك أنت كمان من كتر قعادك في مصر خدت على عوايدك. أكرم: الحب مش لوش عوايد يا سليم، وأنت مسيرك تحب، وساعتها هتعرف قصدي إيه. سليم: بلا حب بلا وجع دماغ، أنت عارف إن أنا اللي يهمني الشغل وبس، والبت دي هتتجوزني يعني هتجوزني. في الوقت ده. مريم: ممكن اتدخل. زينة: طبعًا يا مريم.

مريم: انتي لسه مصممة على جوازك من سليم ده؟ ده يابنتي يخوف، بعدين أنا سمعت ناس بتقول إنه بيتاجر في السلاح. زينة: مش عارفة يا مريم، من ناحية حبي الوحيد، ومن ناحية أهلي. مريم: بقولك إيه، انتي هتهربي من هنا. زينة: أنتِ بتقولي إيه؟ مريم: بقولك إن كمال خلاص آخر يوم ليه في مصر، كمال هيسيب البلد ويمشي، يعني مش هتشوفيه تاني. مريم: ها يا زينة، فكّري. فجأة بيدخل سليم. سليم: وكمان بتحرضيها؟ يابنت الكلب، ده انتي نهار أبوكي أسود.

أكرم: خد بنت الكلب دي احبسها ومتطلعش لحد ما الفرح يخلص. سليم: أما أنتِ بقا تقوليلي دلوقتي حالا مين كمال من الناس اللي بره دي.