رواية جبابره الاسد الفصل السادس 6 - بقلم الكاتبة مليكة

مروان بوجع: الله يخربيتك يا شيخ. المجهول بضحك: لي بس كدا؟ مروان: دي قادرة يا عم، البت أول لما شوفتها قولت ملاك، أول لما اتكلمت لقيت ماسورة شتايم اتفتحت وبتقولي اعمل محضر وأنا أعمل محضر ونشوف مين هيمشي ولبستني قضية وقتي. بت جبروت الله يخربيتها وخلتني كمان أخلي الضباط هما اللي يشيلوا الشحنة وكنا نبقى في موسيقى الشرطة. أما المجهول ضحك بصوته كله.

مروان: رعد ابعد عني يلا، أنا أساعدك في أي حاجة إلا موضوع بنات الأسد ده، إذا كانت بنت مكملتش الواحد وعشرين سنة وبالجبروت ده، أومال أخواتها التانيين إزاي؟ أكيد هيبقوا أعن منها بمراحل. وكمان بعتالك رسالة بتقولك أنت مش قد بنات أسد. وفعلاً البت قادرة أعوذ بالله منها، يارب ما أشوفها تاني ولا هي ولا أخواتها القادرين دول. فعلاً الجمال مش كل حاجة. رعد بعصبية: مروان لم لسانك، كله إلا نورين فاهم؟

مروان: رعد، عشقك لنورين ده غلط، وأنت من متوقع إنها متعرفش إنك أنت اللي قتلت أبوها. أكيد عارفة وهيجي يوم تنتقم منك هي وأخواتها، عشان دول مش من النوع اللي بيسامح. رعد بعصبية: لا، ده العدل اللي حصل. أبوها كان السبب في موت أبويا وأنا قتلته، ونورين هتبقى ليا.

مروان: براحتك، أنا عملت اللي عليا عشان إحنا صحاب. وأبوك هو اللي حب أمها عشان تبقى فاكر. إذا نورين وافقت، متنساش الإمبراطورة والعقرب، عشان الاتنين أعن من بعض. وأوعى تستقل بنوران ولا نور، دي عاملة زي العقرب، هادي ومرة واحدة يسمك بسمه. ولا ماك الأندلسي ولا فهد وأوس وجيسي دي كوم تاني. وأي حد بيجي لحد عندها وبيقف. خلي بالك من نفسك يا صاحبي، بس معلش أنا بعيد عن الموضوع ده عشان أنا مش قد الجبابرة ولا بنات الأسد. سلام.

رعد بصوت عالي: حتى وأنت ميت بناتك مش ساكتين وبيحبوا المشاكل. أنت إيه؟ بس وربي في سماه لأخلص من نوران ونور اللي عاملين ليا زي اللقمة في الزور دول، وأخلي أسطورة الإمبراطورة والعقرب في الأرض. أما نورين فليا أنا وبتاعتي أنا، حتى لو هموت الكل عشانها. وهنشوف يا أسد يا أنا يا بناتك. وزي ما خلصت منك هخلص من بناتك الاتنين، ونورين هتبقى ليا. ويا أنا يا بنات الأسد. في الشركة. جيسي دخلت مكتب نوران. جيسي: عملت اللي طلبتيه مني.

نوران بأستماع: تمام، مين اللي داخل المناقصة دي؟ جيسي: شركات الوائل، ودي شركات لسه مبتدئة في سوق العمل وملهاش شهرة أوي، وأصحابها ثلاث ولاد وتلات بنات، كانوا مع بعض في الجامعة وبعد التخرج قرروا يفتحوا شركة. بس عيال شمال عايزين فلوس وبس، يسيبوا المناقصة مقابل الفلوس. وشركات السلطان، ودي أصحابها ولاد بس، والمالك بتاعها اسمه سيف الجارحي وزين التهامي ومعاهم إخوانهم، بس هما شغلهم كله سليم ومفيش حاجة.

نوران بهدوء: كملي يا جيسي. جيسي بتردد: وشركات الحديدي، وفي شركات تانية بس دول الأهم. نوران بصت ليها بنظرات جيسي فهمتها كويس. وليه لا، ما هما أكتر من إخوات، وعرف إن اللي جاي كله كوارث. نوران ببرود: اتصلي على الشباب، هما في المصانع وخليهم يجوا عشان هنبتدي شغل في المناقصة الجديدة.

جيسي: أوكي. اتصلت جيسي على فهد وقالتله يجيب الكل الشركة عشان يتكلموا في المناقصة الجديدة، وفي ظرف نص ساعة الكل وصل، ونوران لقتهم عملوا كتير من الشغل وهي كملت معاهم الباقي. في شركة السلطان عرفوا إن شركات الأسد داخلة المناقصة مع شركات الحديدي. أدهم: هما بيعملوا إيه؟ ياسين: شكلهم خرف، مناقصة إيه اللي يدخلوها بكم المشاكل اللي عندهم دي.

زين: بصراحة أنا مش عارف هما بيفكروا في إيه وإزاي، ده المشاكل اللي موجودة تهد جبل مش شوية بنات. سيف بهدوء: للمرة الألف، أوعوا تستقلوا بيهم عشان دول بنات الأسد، وأكيد بيفكروا في حاجة. ياسين: تلاقيهم عايزين يعملوا شو ليهم ولا حاجة. أدهم: هما مش من النوع ده، ولو كانوا عايزين يعملوا كده كان في ألف طريقة غير دي. زين: معاك حق، خبر بفلوس بكرة يبقى ببلاش. سيف: ادهم، أنت عملت المناقصة خلاص؟

أدهم: آه، وهبعت حسام بكرة عشان يقدم، بس ونشوف السعر النهائي. سيف: تمام كده كويس، وأظن ولا حد حتى بنات الأسد هيعرفوا يعملوا السعر ده. ياسين: أكيد، بس أنا نفسي أشوفهم بيقولوا الثلاثة مزز الصراحة. سيف: بنفس الخبث: آه والله، وأنا كمان، ده حتى ننبسط. أدهم: طب يلا نخرج بقى شوية. زين: يلا. وخرجوا الخمسة من الشركة وراحوا يسهروا مع أقذر ناس على وجه الأرض، وهما خارجين بيضحكوا على بنات أسد وغبائهم حسب اعتقادهم.

ومش عارفين إن دول هما اللي هيبقوا أسياد الكل، وأولهم هما أسياد قلوبهم.