رواية جبابره الاسد الفصل الثالث 3 - بقلم الكاتبة مليكة

وجيهان جات تقوم وفجأة أسد مسك إيديها، وبص في عيونها لقاها مدمعة وحاسس إنها هتعيط خلاص. أسد: للدرجة دي؟ جيهان: وأكتر من كده. أسد: أحم، أنا لأول مرة بقولها، أنا معجب بيكي وممكن الشعور يتبادل. جيهان بصتله بصدمة ومسحت دموعها وضحكت إجباري: بجد؟ أسد ضحك جامد وده جعله وسيم جدًا: جد الجد كمان.

_بعد جواز أسد وجيهان قربوا من بعض جدًا وهي حبته أكتر وهو كمان بس مقالش ليها، واتأخر الحمل عند جيهان وكانت فاكرة إن أسد هيزعق ويتخانق لكن خد الموضوع ببساطة واتفهم ده. وده خلى حبه يزيد في قلبها وبقت بتعشقه، وبعد فترة أسد راح القصر بيدور عليها عرف إنه أغمي عليها النهاردة وتعبت، وطلع بسرعة ليها ودخل لقى رأفت وأليف ووجد وشمس مع فاضل، دخل وقعد جنبها ومسك إيديها. أسد بلهفة: إنتي كويسة يا روحي؟ فيكي حاجة؟ تعالي نروح للدكتور.

جيهان بفرحة: لا أنا كويسة يا أسد بس. أسد بمقاطعة: كويسة إزاي؟ أنا كام مرة أقول اهتمي بنفسك وإنتي مطنشة بس شكلي اتسهلت معاكي. أليف: يا عم ارحم نفسك، حتى في كده جبار ومش راضي يسمع أوف. أسد: اخرس يلا. أليف بإحراج: أحم اللي إنت شايفه. شمس بابتسامة: ما تقلقش يا أسد هي كويسة بس ابقوا تعالوا المستشفى علشان نتابع مع الهانم والبيبي اللي جاي في الطريق. أسد: ماشي مفيش مشكلة وبعد كده. بص ليها بصدمة: نعم يا أختي؟

الكل ضحك على أسد. أسد بتهديد: صوت كلب هسمعه هولع فيه، ويلا كله بره بقى. جيهان بكسوف من جوزها: أسد عيب كده. أسد: عيب إيه؟ هي دي أول مرة أطردهم بره يا حيوان منك ليه؟ رأفت: إيه الإحراج ده؟ يلا يا شموسة ننزل إحنا سلام بقى نشوفكم على الغدا. أليف

وهو بيشد مراته وشال جيسي: آه معاك حق وبالمرة الواحد يدور على حاجة ياكلها، يعني قصر بالطول والعرض ده مفيهوش أكل عدل كله بتاع أجانب، أنا أروح أحسن مصمت أم فتحي دي عليها شوية كوارع عنب. وجد: إيه القرف ده؟ هات بنتي دي كده علشان إنت هتبوظ أخلاقها، يلا يا جيسي. جيسي بقرف: يلا يا مامي هي ناقصة قلب معدة. أما أليف بسخرية: الله يرحم أمك. وجد بتحذير: أليف ألفاظك.

أليف وهو خارج: عندي نسختين ارحمني يا رب أنا عاوز أجيب ولد ويبقى شبهي، كده كتير الله يكون في عونك يا أسد والله على الخلفه ده إنت هتشوف أيام منيلة، ونزل هو ووجد وجيسي ورأفت وشمس وفاضل بعد ما بارك ليهم. أما أسد قعد جنبها ومتكلمش. جيهان بتردد: أسد إنت زعلان أنا ممكن... أسد بصلها بحدة: ممكن إيه؟ إنتي عارفة أنا مستني اللحظة دي من زمان. جيهان بحزن وعيونها دمعت: أصل أنا حاساك زعلان.

أسد حضنها: لا أنا بس من فرحتي مش عارف أقول إيه. جيهان بصتله بصدمة ومش مصدقة كلامه: بجد فرحان؟ أسد ابتسم وقرص خدها بخفة: آه... جيهان. جيهان باستماع: نعم. أسد: بحبك! جيهان بصدمة: إيه؟ أسد: بحبك وعلى فكرة من ساعة ما خبطتي فيا ولقيت حورية قدامي وأنا مبسوط إن ولادي هيبقوا منك. جيهان عيطت وحضنته جامد: وأنا بعشقك، وبعد شوية قالت بتردد: طب لو بنت؟ أسد وهو حاضنها: هبقى فرحان أكتر علشان بنت وهتبقى شبهك بس هتبقى بنت الأسد.

وعدت فترة حمل جيهان ودايمًا شمس معاها، وعرفوا إن وجد حامل معاها وده خلى الكل يفرح، وأسد دايمًا متابع مع جيهان ومش سايبها خالص. ويوم ولادة جيهان أسد كان مسافر ولما عرف رجع على أول طيارة وراح المستشفى وعرف إنه خلف ثلاثة بنات توأم، والكل بارك لي واطمن على جيهان، وفي نفس الوقت خلفت وجد، وجيهان ووجد في نفس الأوضة والكل قاعد معاهم. فاضل: أومال يا أسد هتسمي بناتك إيه بقى؟ أسد بص

بحنان على بناته الثلاثة: أول واحدة هتبقى نوران. الكل استغرب للاسم ده. جيهان: اشمعنى الاسم ده يا أسد؟ أسد: علشان معنى الاسم أميرة النور وبنتي هتبقى أميرتي الحلوة وبتاعتي أنا وبس. أما الثانية هتبقى نورين علشان معناها الابتسامة أو انعكاس ضوء القمر على الماء وهي هتبقى ابتسامتي سر سعادتي. والأخيرة هتبقى نور علشان تبقى نوري وقطتي بتاعتي أنا وبس.

رأفت بضحك: أحب أبشرك يا جيهان إن إنتي مش هتعرفي تشوفي بناتك أصلًا، أسد طالما قال بتاعتي أنا وبس هيبقوا نسخة منه الثلاثة وهيبقوا الجبابرة، الكل ضحك. أسد: محدش لي فيه واللي هيقرب من أميرتي وابتسامتي وقطتي هولع فيه. أليف: طب بص بقى بما إنك سميت فهد وجيسي وسميت بناتك وبصراحة كل اسم أحلى من الثاني ومعناهم أحلى، أنا عايزك تسمي ابني. أسد: يا ابني ده ابنك، وبعدين تلاقي وجد عايزة تسمي ابنها.

وجد بنفي: لا يا أسد، وبعدين ما هو هيبقى زي ابنك برضه ولا إيه؟ وأكملت بزعل طفولي: واشمعنى ابني أنا بقى؟ ما إنت سميت فهد وجيسي وبناتك سمي ابني، راح أليف حط الولد على إيد أسد اللي بصله. أسد بص ليه وأكمل بابتسامة: أممم إنت اسمك أوس. وجد بفرحة: حلو أوي الاسم ده يا أسد. رأفت: هموت وأعرف بيجيب الأسماء دي منين. أليف باستفسار: معنى أوس إيه بقى؟ أسد: معناه الفرصة أو الذئب وده من أصل يوناني.

أليف مال على رأفت: أسد ده مثقف أوي، أنا بحس إني خريج سلالم مش كلية لما بيتكلم معايا. أما أسد سمعه وقعد يضحك هو والكل. وتمر الأيام وأسد اتعلق ببناته أوي وبقى مش بيسيبهم غير وهو رايح الشغل وبيرجع بسرعة علشان خاطرهم، وجيهان كانت مبسوطة منه لإنها كانت فاكرة إنه هيزعل علشان بنات، ورغم تعلقه ببناته إلا إن هو بيهتم بجيهان جدًا، وخلصت دراستها وقررت إنها مش هتشتغل علشان خاطر بناتها وجوزها.

وأسد قدم معلومات عن نائل الحديدي وإنه بيتاجر في المخدرات والأعضاء وبسبب الجرائم بتاعته خد إعدام ومات، ولكن في نفس الوقت كان في واحد بيسعى للانتقام من أسد وهو رعد الحديدي ابن نائل الحديدي إلا إن أسد مدلوش اهتمام، وبقى الأولاد كلهم قريبين من أسد وبيحبوه أكتر من أبوهم وأمهم، وفهد اللي خد كتير من أسد، وفي عيد ميلاده أسد إداله حصان عربي أصيل هدية، وعيد ميلاد جيسي جيسي طلبت منه ذئب أبيض وهو وافق وجبلها ذئب أبيض جميل، وده

سبب خوف لوجد إنها تروح البيت وقررت تسيبه في بيت أسد وأسد يربيه مع أسوده، وعلشان وجد وبنات أسد كبروا وبقوا أذكى من سنهم وأسد كان مانع أي حد ينزل صور لبناته أو لجيسي وفهد وأوس ومحدش اعترض على قرار أسد، وده سبب فضول للصحافة والإعلام إنهم يشوفوا بنات أسد اللي الكل بيحلف بجمالهم.

وفي نفس الوقت كان سيف بيكبر وعقله بيكبر أكتر ودمج أكتر من سنة في سنة واحدة وخلص كلية هو وزين وقرروا يفتحوا شركة سوا وبقى وسيم جدًا بس هو مش مهتم بحد وعاوز يكبر شركته بسرعة وينافس شركات الأسد. (هنعرف مين سيف وزين قدام) وبنات أسد بقى عندهم عشرين سنة وبقوا بيعشقوا أسد وقريبين منه جدًا وقرروا ينزلوا الإجازة دي زي كل سنة مصر علشان يقعدوا مع أهلهم وكلموا جيسي فيديو كول من على اللاب توب ومعاهم أوس. جيسي

قابلتهم بابتسامة ساحرة: أهلًا ببنات الأسد واحشني أوي. الأربعة في صوت واحد: جيسي! جيسي ضحكت. نور بحب: وحشتيني أوي يا جيسي. جيسي: وإنتي كمان يا قطتي الحلوة. نورين: أهو يا ست جيسي ما نزلتيش فرنسا زي ما قولتي لي.

جيسي: طلع لي شغل ضروري وكان المفروض أبقى في تركيا وإنتي عارفة إن الشغل اتراكم عليا بعد موت جدو، وعلى العموم أنا كنت هكلمك إنتي وأوس علشان أبارك ليكم على الجائزة بتاعة أفضل مصممين للسنة، أنا بجد فخورة بيكي إنتي وأوس يا نورين. نوران: لا ده الشغل ده مينفعش إيه بتكلمنا دي، إحنا بنكلمك علشان تنزلي مصر هتقعدي الإجازة معانا السنة دي وكمان أسد يا ستي واكل نفوخي علشان تنزلي وعلى فكرة ده أمر من الإمبراطورة.

جيسي بضحك: طالما كده أنا هحضر الشنطة دلوقتي حالًا، وبعدين أسد واحشني أوي. أوس: طب يلا بقى يا جيسي روحي حضري الشنطة وشوية وتبقي في المطار. جيسي: حاضر يا أوسي. وفعلًا الخمسة نزلوا مصر واتقابلوا في المطار وراحوا قصر عز الدين، القصر اللي أول ما الكل شافهم انقلب، وأسد في الوقت ده كان قاعد مع أليف ورأفت سوا وكل واحد معاه مراته وسمعوا دوشة. أسد: إيه الصوت ده؟ أليف: مش عارف. رأفت: تعالى نشوف.

البنات أول لما شافوا أسد صرخوا وجريوا عليه ونطوا عليه حضنوه، وكلهم وقعوا في الأرض والباقي قعد يضحك عليهم. نوران وهي بتبوسه: وحشتني أوي يا أسدي. نورين: أسدي الحلو وحشتني أوي. نور: والله يا أبو الأسود ليك وحشة. جيسي: أسدي المز وحشتني أوي. وهو ضحك: طب واحدة واحدة وسلموا على الباقي وكل واحدة طلعت أوضتها تاخد شاور ونزلوا لقوا فهد جه قعدوا يضحكوا ويهزروا معاه.

ومرة واحدة جه اتصال لأسد إن فيه مشاكل في الشركة وأسد راح ورفض يخلي حد يروح معاه، ويجي اتصال لنوران يخليها تتنفض بخوف. نوران بأمر: نورين نور جيسي أوس فهد يلا معايا بسرعة. جيهان بخوف: في إيه يا نوران؟ نوران: مفيش في بس شغل يا جيجي اهدي إنتي بس، يلا يا شباب. الخمسة خرجوا سوا والكل بقى في حالة قلق. جيهان بدموع: حاسة إن قلبي مقبوض. شمس: اهدي يا جيجي إن شاء الله خير. جيهان بدموع: حد يتصل بأسد حاسة إن في حاجة.

ومرة واحدة يجي اتصال لأليف والتليفون يقع منه.