رواية جبل الرفاعي الفصل العاشر 10 - بقلم دنيا ثروت

مراتي بنت أكابر مش هلاقي أحلى منك خدامة. يارهف، بتهتف بعياط هستيري: انت عبيط؟ انت مش عاقل. جبل: بقولك إيه، أنا اللي أقوله تنفذيه من غير ما تنطقي حرف واحد. رهف فضلت إنها تكون ساكتة ومتجادلش معاه. جبل: حضرتك هتخدمينا لما أجيبها ومش هتتطقي بحرف ولا تحاولي تقوليلها حاجة. وقرب عليها بخبث شديد: واليوم اللي يكون مزاجي حلو هاجي ألعب معاكي. قرب أكتر لغاية ما تقاربت أنفاسهم:

بس صدقيني المرة اللي تفكري تلعبي بدالي فيها، هكون مخلص عليكي. ابتعد عنها وهو يضحك على خوفها ومشى من القصر. اليوم التالي. في بيت نسرين ومعتصم. نسرين كانت في الأوضة ماسكة التليفون وهي بتتكلم بخوف: يابيه البت أخدها العمدة. مجهول: إزاي أخدها؟ انتي مش عارفة إن ده اتفاق؟ ولا إيه؟ نسرين: دي المعلومة اللي عندي. العمدة أخدها ومن يومها ما نعرفش حاجة عنها. مجهول:

البت دي لازم ترجع. انتوا عارفين أنا دافع كام عشانها. وقولتلكوا خلصوا الشغل اللي عايزينه منها وسيبوها لي. نسرين: صدقني مش هعرف أعمل حاجة. أنا قولت أقولك عشان تبعد عن معتصم. أرجوك يابيه. مجهول بضحك شديد: هبعد عنه في منامك يانسرين. وقفل في وشها. خرجت بانهيار ووشها أحمر. معتصم فهم من تعابير وشها: إيه؟ مالك؟ نسرين بتحاول تنطق الحروف بالعافية: إن... أنا... أنا كلمته. معتصم قام من على السفرة ومسكها من شعرها:

كلمتي مين يابنت الكلب؟ نسرين بصر*يخ: كلمت البيه وعايز رهف في أسرع وقت. معتصم رماها على الأرض بعصبية وغضب شديد: قولتلك متعمليش كدا، قولتللللك. جرى وجاب زجاجة البنزين من ورا الستارة ورماها عليها. جبل بابتسامة خفيفة على السفرة: إيه ياحج؟ ولا كأني بقول همشي لآخر الدنيا. محمد: يابني ليه تسيب البيت وتمشي؟ جبل مسك إيد لبنى بتمثيل: حابب أكون مع مراتي في بيت لوحدنا حتى نرتاح أكتر ياحج. صابرين:

سيبهم ياحج يرتاحوا. دول مهما كانوا ولاد برضو وعايزين راحتهم. جبل ولبنى ودعوا الكل وأخدها القصر. دخل القصر هو ولبنى. كانت رهف في الأوضة فوق. جبل: بقولك إيه، اطلعي الأوضة متخرجيش منها غير لما أقولك. لبنى: حاضر. طلع وراها ودخل أوضة رهف. بص عليها بتفحص جسمها. رمى عليها بدلة رقص واتكلم بكل شهوة: البسيها قدامي.