رواية جبل الرفاعي الفصل التاسع 9 - بقلم دنيا ثروت

جبل خلع الحزام وضربها وهو أعمى مش شايف قدامه. بعد دقايق، بعد عنها وهو بيبص ليها بقرف: عرفتي إني راجل يازبالة. رهف انكمشت على نفسها وبتعيط بشهقة: ابعد عني. جبل: متقلقيش مش مزاجي ألمسك خالص، اليومين دول بوظتيلي مزاجي. ومشي من القصر وهو سايبها شبه ميتة. ركب العربية بعصبية ووصل المخزن بعصبية، بدأ يكسر كل حاجة فيه. سيف من وراه: جبل اهدي، مش في إيدينا اللي حصل. جبل لف ليه والدموع مالية عينيه: مش في إيدينا!

مش في إيدينا ياسيف.. أنا أخويا مات وأبويا وأمي مش عارفين إن ابنهم مات. سيف: لازم نشتغل صح عشان نعرف هو مين. جبل عينيه بقت حمرا تماماً: أنا أعرف بس مين وهو، وربي لأكون أخلص عليه بإيدي. معتصم: رجعت وايدي فاضية، البت مش معايا، مش معايا. نسرين: معتصم خلاص كفاية، انت أي مزهقتش. معتصم: ولا هزهقت، البت دي تخصني، متخصهوش. نسرين بزعيق: البت عمرها قد بنتك ياشيخ، حرام عليك. افرض اللي بتعمله في رهف يتعمل في بنتك.

معتصم ضربها بالقلم: بنتي مش هيحصلها حاجة طول ما أنا عايش. نسرين بعياط: البيه الكبير لو عرف بنتك هتموت بسببكم. معتصم: البيه الكبير مش هيعرف طول ما انتي خرسا، والزفتة هترجع يعني هترجع. بعد مرور يومين. جبل دخل قصر رهف الخاص. دخل أوضتها وهي كانت صاحية، باصة للسقف بقله حيلة. جبل قعد على الكنبة بضحكة رجولية: مالك زعلانة لي، ده انتي حتى في قصر كبير. رهف كانت بتبص ليه ومكنتش بتنطق. جبل: أقولك خبر حلو، طيارة.

رهف جواها: يارب يقولي إن أمشي ويسيبني. جبل قطع حبل أفكارها بشموخ: هجيب مراتي. رهف بصت عليه بصدمة ومش عارفة تنطق. جبل: لسه متجوزها من يومين وحابب أعرفكم على بعض. وقرب عليها وهو بيمسكها من وشها بشدة: اهو لقيت خدامة ببلاش.