رواية جبروت عائلة الرشيدي الفصل السادس عشر 16 - بقلم دعاء احمد

في بداية يوم جديد في قصر الرشيدي. رحمه كانت قاعدة وبتقرا في كتاب الله بصوت يقسم المرء أنه ما سمع مثله من قبل. خشوع في القرآن كان كفيل بأن يجعل كل من يسمعها يبكي. قال تعالى: بسم الله الرحمن الرحيم

(أم حسبت أن أصحب الكهف والرقيم كانوا من ءايتنا عجبا*إذ أوي الفتيه الي الكهف فقالوا ربنا آتنا من لدنك رحمه وهيئ لنا من أمرنا رشدا *فضربنا على اذانهم في الكهف سنين عددا *ثم بعثنهم لنعلم اي الحزبين احصي لما لبثوا امدا*نحن نقص عليك نباهم بالحق إنهم فتية آمنوا بربهم وزدناهم هدي*وربطنا على قلوبهم إذ قاموا فقالوا ربنا رب السموات والارض لن ندعو من دونه آلهًا لقد قلنا إذا شططا *هؤلاء قومنا اتخذوا من دونه آلهة لولا ياتون عليهم

بسلطان بيّن فمن أظلم ممن افتري على الله كذبا *وإذا اعتزلتموهم وما يعبدون الا الله فأووا الي الكهف ينشرلكم ربكم من رحمته ويهيي لكم من أمركم مرفقا *وترى الشمس إذا طلعت تزاور عن كهفهم ذات اليمين واذا غربت تقرضهم ذات الشمال وهم في فجوة منه ذلك من آيات الله ومن يهد الله فهو المهتد ومن يضلل فلن تجد له وليا مرشدا)

صدق الله العظيم. ملاك وهي بتمسح دموعها: بسم الله مشاء الله صوتك جميل أوي يا رحمه. رحمه بحزن: بابا الله يرحمه علمني أقرا القرآن بأحكام التجويد. ملاك: الله يرحمه. ممكن تفهميني معنى قصة أصحاب الكهف أصل بصراحة أنا يعني مش ملتزمة أوي.

رحمه بطيب نفس: أول حاجة هو السبب في نزول قصة أهل الكهف إن أهل قبيلة قريش بعتت عقبة بن معيط والنضر بن الحارث لـ يهود المدينة، حتى يسألوهم عن النبي صلى الله عليه وسلم وعن صفته، لأن اليهود كان عندهم علم بالأنبياء لما ورد في الكتب السماوية. ولما وصلوا للمدينة واتقابلوا بأحبار اليهود ووصفوا لهم النبي محمد صلى الله عليه وسلم،

قال الأحبار: "سلوه عن خبر فتية الكهف وعن الرجل الذي طاف في مشارق الأرض ومغاربها وعن الروح. فإن أجاب فهو نبي مرسل وإن لم يجب فهو يتكلم بغير حق". فعاد عقبة والنضر بهذه الأسئلة الثلاثة لـ قريش. فجاءوا للنبي صلى الله

عليه وسلم وسألوه فقال لهم: "سأجيبكم غدًا" ولم يقل إن شاء الله. فجلس النبي صلى الله عليه وسلم خمسة عشر ليلة لا يأتيه الوحي، وقد ذكره أهل المدينة بسوء. فأنزل الله تعالى سورة الكهف كاملة كإجابة على الأسئلة وفيها معاتبة للنبي صلى الله عليه وسلم. قصة أصحاب الكهف بقى هي:

أصحاب الكهف هم فتية مؤمنون أنزل الله عليهم سورة باسمهم، وقد واجه هؤلاء الفتية قومهم الذين رفضوا التوحيد واتخذوا من عبادة الأوثان والشرك بالله تعالى دينًا لهم؛ فكان في خبرهم ما هو خارق للعاده مما دفع قريش للتعجب. قال تعالى: (أم حسبت أن أصحب الكهف والرقيم كانوا من آياتنا عجبا)

بمجرد دخولهم الكهف ربنا ألقى عليهم نوم ثقيل مدة طويلة من الزمان لحكمة عظيمة أرادها الله. ولما انتهت هذه المدة واستيقظوا وعلموا بما حدث أيقنوا بكمال قدرة الله عز وجل. ومما يظهر للناظر في عمر هؤلاء الفتية أن الشباب هم الأكثر قبولًا للحق من الكبار في السن. فقد ورد عن ابن كثير أنهم كانوا في فترة ما قبل مجيء المسيح عيسى ابن مريم عليه السلام. وقد ثبت هؤلاء الفتية وعلموا أن عبادة غير الله تعالى ابتعاد عن الحق. وقد ظهر لطف

الله تعالى بهم في أن الملك الظالم قام بدعوتهم لعبادة الأصنام وعندما رفضوا أمهلهم حتى يرجعوا عن توحيدهم ففروا بينهم واختاروا المادية بالقرار بأبدانهم، والعزة المعنوية بالفرار بعقيدتهم. وقد لجأوا إلى كهف كانت الشمس إذا طلعت عليه تميل إلى اليمين وإذا غربت تميل إلى الشمال فلا تؤثر بهم في طلوعها أو غروبها مع أن الكهف معرض للشمس. ولو نظر إليهم أحد لفر هاربًا لما ألقى الله عليهم من الهيبة والوقار. ولما استيقظوا كانوا جياعًا

فذهب أحدهم بقطعة من النقود ليلتمس طعامًا ليسد جوعهم على ألا يشعر به أحد فيكشف أمرهم. وأراد الله تعالى أن يطلع الناس على حالهم؛ ليوقن أهل المدينة أن الله قادر على إحياء الموتى من قبورهم للبعث والحساب.

عاصي وقاسم ودياب كانوا واقفين يسمعوا رحمه وكل واحد بيراجع نفسه على أخطائه. عاصي لنفسه: كل يوم بتثبت لي أنها ملهاش مكان في العيلة دي. حور بهدوء: السلام عليكم ورحمة الله وبركاته. ملاك ورحمة: وعليكم السلام ورحمة الله وبركاته. رحمه: العيلة دي كل يوم تثبت لي أنهم بيعرفوا يختاروا. ملاك بـ لوية بوز: وغيره، بكرة تشوفي ناهي هانم وانتِ هتغيري رأيك. دي عاملة زي الماشا. لا لا دي كركوبة وعقربة. ثم تابعت بضحك: استنى استنى.

وبصوت ناعم: هاي جيرل، آيم ناهي الجيار ابنة عائلة الجيار المشهورة كتير مو بس في إسكندرية، إحنا مشهورين كتير في كل أنحاء العالم. رحمه وحور فطسوا من الضحك بسبب طريقة ملاك. دياب بضحك: عقربة وكركوبة، يلهوي البس يا معلم. قاسم بخبث: ماشي يا زفتة. نزل وهو عايز يضحك لكنه ساكت. ملاك بخوف: أسودك يا قرمط، مكنش يومك يا صغيرة على البهدلة يا ملاك. قاسم بغيظ: بقى ناهي ماشا دي مزة؟ هههههه بصي لنفسك في المراية ياختي الأول.

ملاك: دا أنا ملكة جمال واقولك حاجة، أنت حمار وغبي. قاسم: بت انتي لسانك دا إيه مبرطم؟ ملاك بابتسامة سماجة: من بعض ما عندكم بعد إذنكم. رحمه موبايلها رن، قامت وسابتهم. رحمه: أيوه يا صقر. صقر بتوتر: رحمه لازم نتقابل ضروري. رحمه: مالك يا صقر في إيه؟ صقر: انتي مفتحتش الأخبار؟ رحمه: لا، إيه اللي حصل؟ صقر: مصيبة يا رحمه مصيبة، اتجار بحياة الناس. رحمه: قصدك إيه؟

صقر: ظهر في معظم المستشفيات الحكومية والخاصة مرض بينتشر عن طريق اللمس وفي حالة طوارئ في المستشفي ومحدش عارفه يشخصه. رحمه: وإيه أعراض المرض ده؟ صقر: الصداع الدايم والنزيف من الأنف والفم. رحمه: الحالة انتشرت في البلد؟ صقر: لا، اللي اتصابوا مرضى من جوه المستشفيات وأعدادهم لحد دلوقتي بسيطة بس المشكلة لو انتشر. رحمه: في حالات وفيات؟ صقر: لا، واضح أنه على المدى الطويل.

رحمه بتفكير: صقر، أنت فحصت الدوا اللي موجود في معامل بتاع المستشفى؟ الكمية الموجودة كبيرة جدًا وده مثير للشك. صقر: لسه مخلصتش بس ليه؟ أو إوعي تكوني بتفكري في اللي أنا فكرت فيه؟ وبعدين دول زودوا الحراسة على المعامل واللي بيدخلوها دكاترة قليلين جدًا. رحمه: عايزة أعرف مين مالك المستشفى اللي إحنا فيها. المالك الحقيقي يا صقر؟ صحيح أنت وممرضة شوق تيجوا ثريا الرشيدي النهارده في حفلة إعلان جوازي من عاصي الرشيدي.

صقر: ما بلاش، انتي عارفة عاصي. رحمه بصوت واطي: لازم تيجي، بص أنت وشوق هتساعدوني نخرج واحدة من القصر. صقر: قصدك إيه؟ رحمه: رغد الرشيدي. بص شوق هتدخل تغير هدومها ورغد هتلبس الهدوم دي، انت تاخد رغد وتطلع على شقة عمر ومحدش يعرف عنها حاجة، وشوق أنا هديها هدوم من عندي وتفضل في الحفلة عشان محدش يشك فينا، ولما توصل الشقة تجيب لها دكتور ياسر. صقر: دكتور ياسر! بتاع المصحة؟

رحمه: رغد بتاخد مخدرات يا صقر بس مبدئيًا واضح أنها لسه في مرحلة أولى، وهناك شوق هتفضل جنبها، عايزها تخرج وهي إنسانة جديدة. صقر: وانتي ليه عايزة تهربيها؟ رحمه: مش وقته يا صقر، إحنا لينا قعدة طويلة سوا عشان نشوف اللي بيحصل في المستشفى. صقر: تمام، نتقابل بليل. رحمه: مع السلامة. عاصي من وراها: بتكلمي مين؟ رحمه بتوتر: دا دكتور صقر كان بيسألني عن حاجة تخص مريضة أنا الدكتورة المتابعة بتاعتها.

عاصي: تمام، في فستان فوق البسيه في الحفلة. رحمه بسعادة: حاضر. عاصي: ومش عايز مكياج. رحمه بسعادة: حاضر. عاصي: أنا هروح الشغل، خلي بالك على نفسك. وبسرعة قرب وحط إيديه على شعرها، با"س راسها وخرج. رحمه ضحكت وفضلت تدندن ودخلت السرايا وهي مبسوطة. بالليل في أوضة دياب. حور كانت لابسة فستان سماوي واسع طويل وحاطة لمسة بسيطة من المكياج وبتلبس طقم ماس وكانت جميلة جدًا.

دياب دخل الأوضة وواقف مصدوم من جمالها لأنها ولا الحورية بشعرها الأسود الطويل وبشرتها البيضاء وعيونها العسلي. دياب بابتسامة جانبية: شكلك حلو. حور: طول عمري. دياب فاق وبـ حدة: امسحي المكياج. حور: بس دا بسيط. دياب: اللي قالته يتسمع من غير مناقشة. حور بتدبدب في الأرض: حاضر. دياب: البت دي هبلة ولا إيه؟ في الحفلة. قاسم كان لابس بدلة سوداء شيك جدًا وناهي لابسة فستان أبيض بسيط وحاطة مكياج جميل.

عاصي نزل هو ورحمه وهو حاطط إيديها في إيديه. الصحافة بدأت تصورهم. وبعد شوية نزلت حور ودياب وكانوا جذابين جدًا. في أوضة ملاك. لابسة فستان وردي جميل جدًا وحاطة مكياج بسيط وهي كاتمة دموعها. هدي: خطيبك وصل يا لوكه ومستنيكي برا. ملاك بابتسامة رقيقة: حاضر يا ماما جايه وراك. بعد شوية بتخرج بهدوء. تقريبًا كانت ملكة جمال الحفلة هي رحمه وحور وناهي. محمد بابتسامة جميلة: إزيك؟ ملاك بابتسامة: الحمد لله، أنت عامل إيه؟

محمد بحب: لما شفتك بقيت كويس. قاسم واقف بيسلم على رجال الأعمال وعنيه بتتابعهم وهو هيموت ويروح يضرب محمد. بعد شوية. ناهي بخبث: ملوكة، ألف مبروك على الخطوبة. ملاك: الله يبارك فيكي. ناهي: بس فين هدايا كتب كتابي على قاسم؟ ملاك بابتسامة: هدايا كتب الكتاب موجودة. ناهي: بس أنا اسمع إن صوتك حلو أوي يعني قاسم كان دايما يحكيلي عنك. ملاك: فعلًا! ناهي بغيظ: إيه رأيك تغني لنا؟ المأذون شوية ويوصل وبصراحة أنا نفسي أسمع صوتك.

ملاك وهي كاتمة دموعها: وماله. وراحت مسكت الميك والكل بقوا مركزين معاها ومع صوتها. بتغني بصوت جميل لكن صادق: بحبك وداري ليلى ونهاري عملت لقلبي إيه؟ صوتك نداني نسيت زماني أعمل في حبك إيه؟ عينيك حبايبي جرحتلي قلبي ورموش عينيك تداويه بحبك يا ويلي سهرت ليلي حتى القمر سهران أنا والليالي عشاق يغالي عشاق بقالنا زمان ملكت روحي وتقول جروحي اجرح كمان وكمان.

قاسم كان مركز معاها وكان نفسه يسيب ناهي ويروح ياخد ملاك ويقول إنه بيحبها هي وعايزها هي مش ناهي، لكن فضل ساكت. كلهم صقفوا لملاك اللي دارت وشها بسرعة ومسحت دموعها ورسمت الابتسامة على وشها. عند رحمه. قدرت تفتح أوضة رغد بالمفتاح اللي أخذته من أوضة ثريا وهي مشغولة في الحفلة. أول ما دخلت رغد كانت قاعدة وضمة نفسها وبتعيط. رحمه: يالا يا رغد. رغد بدموع: أنا عايزة أمشي من هنا، أرجوكي.

رحمه: هتمشي صدقيني وأنا بكرة بنفسي هجيب لك إياد. رغد: إياد! بجد؟ رحمه: آه والله، بس بسرعة. شوق كانت غيرت هدومها في أوضة رحمه. شوق: الهدوم أهه يا دكتورة رحمه. رحمه: خدي يا رغد، البسي بسرعة لو سمحتي عشان نلحق نخرج أول ما المأذون يوصل ويكتبوا الكتاب هتخرجي مع دكتور صقر وأنا متفقة معاه على كل حاجة. رغد قامت ودخلت تغير. رحمه: شوق معلش، لف لي الحجاب على ما أمان الطريق.

بعد شوية بتنزل رحمه والكل مشغولين والماذون بيكتب كتاب ناهي وقاسم وطلعة من الباب الخلفي بتاع الخدمين. رحمه: صقر، خلي بالك عليها لو سمحت، ساعتين بالكتير وشوق هتجيلك على الشقة، خلي بالك عليها. صقر: متقلقيش. وساعد رغد اللي كانت بتتحرك بالعافية وخرجوا. عند قاسم. كتبوا الكتاب وفجأة الأغاني اشتغلت. قاسم مد إيديه لناهي وقاموا يرقصوا. حور: هو ممكن نرقص؟ دياب بابتسامة غرور ومقاطعة: مبحبش أفرج ممتلكاتي لحد. اترزعي.

حور لنفسها: رزعة تاخدك وأنت محترم في نفسك بس سافل. معرفش إزاي بس ليه هيبة غريبة وشكله مز. داهية تاخدك. عاصي ورحمه قاموا يرقصوا بجانب ناهي وقاسم. محمد: تسمحي لي بالرقصة دي؟ ملاك بابتسامة جميلة: طبعًا. وفعلًا بقوا يرقصوا سوا. قاسم كان طول الوقت مركز معاهم وده ضايق ناهي. قاسم بحركة سريعة بدل ناهي بملاك وناهي بقت مع محمد. ملاك: ألف مبروك.

قاسم: الله يبارك فيكي يا لوكا. أنا آسف على طريقتي معاكي طول الفترة اللي فاتت. عارف إني كنت بجرحك. ملاك: تمام، بس أوعى تكون فاكر إني بكده هسامحك. قاسم: ملاك أنا... ملاك بمقاطعة: أنت دلوقتي متجوز واحدة من مستواك وأعتقد إنها بتحبك حتى لو طريقتها متعجرفة. بص هناك كدا، شايف نظرات محمد. ساب الكل وبص لي أنا لأنه اختارني أنا وأنا كمان اخترته. وسحبت إيديها منه وخرجت.

واقفة قدام حمام السباحة وهي تتنهد براحة، متعرفش ليه. جايز دلوقتي حاسة إنها حرة من قيود الحب وأنها ممكن تكون مع محمد وهي ناسيه قاسم. (قاسم دا غبي ليه بقى؟ إحنا بنحب اللي يقتحم حياتنا. متقوليش متيجي نخرج، امسكني من افايه وقولي اجهز عشان خارجين. متقوليش تقبلي تتجوزيني، تعالي أتقدم على طول. إحنا بنحب اللي يجي معانا دغري، لف ودوران هتتعب)

بعد شوية قاسم بيسمع صوت ملاك وهي بتصرخ، بيتخض وبيسيب ناهي ويخرج هو والكل طلعوا على صوت صرختها.