رواية جبروت ام الفصل الأول 1 - بقلم هويدا زغلول

يعني إيه يا أمي نمشي من هنا؟ عايزانا نمشي من هنا؟ والله مرات أخويا كدابة، محدش جه جنبها. هي بتعمل كل ده علشان محدش يورث معاها. أنا أخاف على مرات ابني واللي في بطنها منكم. وبعدين معندناش بنات بتورث يا حبيبي، كل الورث هيروح لأخوكم. وقبل ما تبدأ الحكاية أعرفكم بنفسي، أنا لمياء. وكنت عايشة أنا واخواتي هند ورحمة مع ماما. فاكرة يوم ما ماما دخلت الأوضة وقالت:

"اسمعي يا لمياء، أنا رايحة عند خالتك وعايزة لما أجي ألاقي الأكل خلص. واعملي حساب أخوكي ومراته." "هو فيه إيه يا ماما؟ هي معندهاش مطبخ تعمل فيه أكل كل يوم تنزل تاكل عندنا هنا؟ وفي الوقت ده الأم قربت منها وقالت: "لما تبقي بتاكليها من بيتك يا حبيبتي ابقي قوليلي كده. إنما طول ما هي بتاكل من بيتي أنا مش عايزة أسمع صوتك." وبعدها مشيت. "بلاش تتكلمي مع ماما عن سحر، انتي عارفة إنها بتحبها ومش بتقبل حاجة عليها."

"بس والله رحمة دي كده هتدلع ولازم تعرف إن أيدها في إيد لمياء. خلينا بقى نتكلم في المهم، أخوكم كل شوية يبيع حاجة من ورث أبوكم ويكبر شركته، إحنا كده مش هيكون لينا حاجة." ولقيت هند عاملة تبص في الموبايل بتاعها. وقولت: "طب ركزي معايا شوية يا هند، إحنا لازم نتكلم في موضوع الورث ده، مينفعش كده." "تتكلمي مع مين؟ ما انتي عارفة أمك بتحب جاسر إزاي ومش هتوافق إننا نتكلم معاه في موضوع الورث." وفي الوقت ده دخلت سحر وقالت:

"فيه إيه يا هانم؟ عاملين اجتماع ولا إيه؟ أنا جعانة." "الفراخ بتفك، أي نعملها لحضرتك كده؟ وهي لسة طالعة من الفريزر." "ومين قالك أصلاً إننا عايزة أكل فراخ؟ أنا هاكل سمك. قومي انتي وهي يلا على المطبخ علشان تعملوا الأكل." "قومي يا بنتي، أنا عارفة إننا مش هنعرف نتكلم في البيت ده كلمة واحدة." وفعلاً قمنا وعملنا الأكل. والكل كان قاعد على الأكل وماما قالت: "مين قالكم تعملوا سمك؟

أنا قولت اعملوا فراخ، جاسر حبيبي ملوش في السمك." "ده أمر ست سحر، تقدري تتكلمي معاها." "أيوة طالما سحر اللي قالت يبقى نعمل اللي هي بتقول. أي فرحي قلبي وقولي إنك حامل." "حاسة بكده يا ماما، ادعيلي. أنا رايحة للدكتور بكرة بإذن الله." "وعرفتي منه؟ "طيب أنا مش بحب السمك، هعمل إيه دلوقتي." وفي الوقت ده ماما بصت وقالت: "ما العيب على الهوانم عارفين بكده وعملوا سمك، بس قومي منك ليها، اعملي أكل لأخوكي."

وبعدها قمنا من على الأكل ودخلنا المطبخ. "يوووه، إمتى بقى نرتاح من القرف ده؟ أنا تعبت والله، أنا عايزة أتـجوز." "مفيش جواز إلا لما ناخد حقنا، انتي ناسيه إن أمك قالت إننا مش هناخد الورث علشان ورث أبوكم ميروحش لراجل غريب." "غريب مين ده؟ هيكون جوز بنتها، والمفروض إنها تكون فرحانة إننا نكون مبسوطين." وفي الوقت ده دخلت سحر: "هو أنا كل لما أدخل عليكم تكونوا عاملين تتكلموا كده؟ هو إيه الموضوع بالظبط؟ "هو انتي عايزة منا إيه؟

مش المفروض بنعمل الأكل لجوزك علشان انتي كان نفسك في السمك؟ "فين الأكل ده؟ أنا ما شوفتش إن فيه حاجة على النار. أي الموضوع؟ المهم اللي عاملين تتكلموا فيه." "والله مالكيش دعوة، أخوات ومع بعضهم، ملكيش انتي دعوة." "ماشي، لما أنده ماما وأعرف بقى إيه الموضوع." "يوووه، أنا زهقت والله، اوعوا كده، أنا داخلة أوضتي." وبعدها دخلت الأوضة وكلمت رؤوف ابن خالتها. "تعرفي إن كنت لسه هرن عليكي؟ أي مال صوتك عامل ليه كده؟

"أنا زهقت بقي والله، انت مش عارف ماما عاملة فينا إيه ومخلية مرات أخويا كلمتها اللي ماشية في البيت." "وانتي عملتي إيه؟ "ماما قالت لي إن خالتك كانت عندنا النهارده وماما كانت ناوية تتكلم معاها في موضوع." "ارجوكي بلاش دلوقتي، انت عارف إن لسة مأخدناش نصيبنا في ميراث بابي." "وأنا قولتلك ألف مرة، مش عايز ميراث، ولو ده اللي هيعمل مشكلة لينا، فبلاش أحسن." "وانا مش هسيب فلوسي لسحر وجاسر مهما أن حصل." وفي

الوقت ده الأم دخلت وقالت: "أنتي بتكلمي مين؟ وبعدين قومي علشان سحر تعبانة وعايزة حد يوديها للدكتور." "ما جوزها يوديها ليه؟ كل حاجة إحنا اللي نعملها ليها." وفي الوقت ده دخلت سحر وقالت: "بقولك يا ماما معلش، أما دخلت أوضة رحمة، واخد الهدوم دي، مش قادرة أقوم. أطلع اللبس في شقتي؟ أه، يلا بقي يا لمياء، أنا تعبانة ومش قادرة أقف." وبعدها دخلت رحمة وقالت: