رواية جبروت قاسي الفصل الثامن 8 - بقلم حورية مصطفى

بعد مرور فترة... رزان بدموع: يعني أنا كنت لسه بنت. داغر ببرود: أيوه لسه بنت. رزان بصراخ: طيب ليه عملت كده لي؟ فهمتني وفهمت الكل إنك اغتص"بني. بسببك حياتي تدمرت واضطريت أتجوزك. لو مفكر إن لما أعرف إني كنت لسه بنت هسمحك تبقى غلطان يا داغر. أنا بقيت بكره"ك وبقرف منك أكتر من الأول. أنت إنسان أناني ومش بتفكر غير في نفسك. داغر وهو يمسكها من ذراعها بعنف: كلمة كمان وهدف"نك مكانك هنا.

رزان بعصبية ودموع: يكون أحسن عشان أنا تعبت وعايزة أرتاح. أمسكها من شعرها بعصبية وقال بفحيح أفعى: بس أنا مش هريحك يا روز. رزان بقوة: تعرف يا داغر لو بإيدي كنت مو"تك وهكون مبسوطة. ووقتها بس أنت اللي زيك المو"ت خسارة فيهم. داغر بهمس وهو يقترب منها: واحدة مكانك كان زماني قت"لتها على كلامها ده يا روزي. بس أنتِ غيرهم. مهما تعملي مش هقدر أذي"كي لأني بحبك. وذهب تاركًا لدموعها تأخذ مجراها. في الخارج...

كانت فاتن مرتدية فستان يكشف أكثر ما يستر. فاتن بمياعة: داغر حبيبي، أنت رايح فين؟ داغر بعصبية: ابعدي عن طريقي دلوقتي يا فاتن. فاتن بابتسامة وهي تقترب منه: تعالي وأنا أغير مودك يا بيبي بدل ما ال... داغر بهدوء وهو يبعدها عنه: أوعي تعمليها وتغلطي فيها يا فاتن. وقتها هيكون لي تصرف مش هيعجبك. بلعت فاتن باقي كلامتها في خوف. فاتن بغيظ: اللي تشوفه يا بيبي. وأكملت بسهوكة: مش هتيجي معايا؟ داغر ببرود: لا، ماليش مزاج. وسبها ومشي.

فاتن بعصبية: صدقني يا داغر، هندم"ك على رفضك ليا ده. بكرة تجيلي راكع. في أحد المنازل الراقية... حازم بسخرية: عايزها تحبك إزاي وأنت خدتها غصب عنها يا داغر. داغر بعصبية: أنا جاي أقعد معاك عشان مضايق وأنت بتحرق في دمي يا حازم. حازم بهدوء: أنا بنصحك يا داغر. أنت كده بدل ما تقربها منك بتبعدها عنك بتصرفاتك.

داغر بحزن وعيون دامعة: مقدرش أسيبها يا حازم. أنا بحبها، همو"ت من غيرها. مجرد التفكير إنها تكون لحد غيري بيقت"لني. عارف إنها هتأخد وقت لحد ما تسامحني وتحبني، بس أنا تعبت يا صاحبي. حازم بحزن على صديق عمره: أنت لازم تتغير يا داغر. لو مش عشانك، عشان روز، لأنها تستاهل إنك تعافر عشانها. داغر بابتسامة: معاك حق. حازم بمرح: أخيرًا فهمت. ده أنا كنت يأست منك يا أخي. داغر بعصبية مزيفة: أنت قد كلامك ده؟

حازم بتمثيل الخوف: لا يا باشا، أنت هتاخد على كلام عيل زيي. داغر بضحك: ناس مبتجيش غير بالعين الحمرا. حازم بابتسامة حب: ربنا يريح قلبك يا صاحبي. داغر بابتسامة: آمين يارب. وأكمل: أنا لازم أمشي دلوقتي، يلا سلام. حازم بهدوء: سلام. في قصر الشهاوي... كانت روز تجلس مع جنة وتلاعبها حتى قاطعهم خبط على باب الغرفة يليه دخول داغر. جنة ببراءة: داغر. داغر بابتسامة شالها وقال بحب وهو ينظر إلى رزان: قلب داغر.

رزان بابتسامة: يلا يا جنتي، ادخلي اغسلي سنانك عشان تنامي لأن الوقت اتأخر. جنة بطفولة: حاضر يا روزي. وذهبت إلى المرحاض. اقترب داغر من رزان وقال بحب: أنا عايز نبدأ صفحة جديدة مع بعض يا روز. رزان بضحك: ليه؟ أنت كسرت كوباية يا داغر بيه؟ وذهبت إلى إحدى الطاولات الموجودة في الغرفة وأمسكت كأس المياه ورمتها أرضًا. رزان بابتسامة: لو تقدر تصلحها زي ما أنا كسرتها، وقتها فينا نبدأ صفحة جديدة يا داغر.

داغر بابتسامة: هصلحها يا روزي. ثم انحنى ولم الزجاج المكسور من الأرضية. رزان بهدوء: دي فرصتك الوحيدة يا داغر. داغر بابتسامة: عمري ما هضيع الفرصة دي يا روزي. جنة بطفولة: أنا غسلت سناني يا روز. روز بابتسامة: يلا روحي نامي يا حبيبتي. جنة ببراءة: نامي معايا يا روز. روز بابتسامة: حاضر يا حبيبتي. وأكملت لداغر: أنا هنام مع جنة النهارده. هز داغر رأسه بالموافقة وخرج. الساعة الثانية منتصف الليل...

كان داغر يتحرك على الفراش لا يستطيع النوم. داغر بعصبية: أوف، مش عارف أنام من غيرها. نهض من على الفراش بعصبية وذهب باتجاه غرفة جنة. في غرفة جنة... كانت روز تنام وبداخل أحضانها جنة. داغر بغيره: المفروض أنا اللي أكون مكانها دلوقتي. محدش ليه الحق في حضنها غيري. ذهب باتجاه الفراش وأزاح جنة بعيدًا عن روز ونام هو مكانها. في صباح يوم جديد...

صحت روز على صوت ضحكات عالية داخل الغرفة. تفاجأت بداغر يلاعب جنة وصوت ضحكتهم يعلو المكان. رزان بابتسامة: صباح النور. داغر بابتسامة حب: صباح الورد والياسمين يا روزي. رزان بهدوء: غسلت سنانك لما صحيتي يا جنة؟ جنة بطفولة: لا، نسيت يا روز. رزان بابتسامة: يلا زي الشاطرة ادخلي اغسلي سنانك. داغر ببراءة وهو يقترب منها: أنا برضو مغسلتش سناني يا روز. رزان بجدية: وأنا أعمل إيه؟ وذهبت لكي تصلي فرضها.

داغر بضحك: شكلي هتعب معاكي يا روزي. بعد فترة، كان كل من داغر وروز وجنة يجلسون على طاولة الطعام حتى قاطعهم دخول سلوى وبجانبها شخص آخر. سلوى بهدوء: أكرم هيعيش معانا هنا يا داغر. داغر ببرود: بصفتك إيه قررتي إنه هيعيش معانا يا سلوى هانم؟ سلوى بهدوء: بصفتي أمك وليا في البيت ده زيك يا داغر. داغر بعصبية: ده بيتي أنا يا سلوى هانم، وأنتِ عايشة هنا شفقة مش أكتر. قمر بعصبية: إبيه، أنت إزاي تكلم ماما بالأسلوب ده؟

داغر بعصبية: اخرسي يا قمر. قمر بعصبية: لا مش هخرس. أنا عايزة أفهم أنت ليه بتعامل ماما بالأسلوب ده من وقت لما بابا اتو"فى. وأكملت بغضب: وأنت مش ليك الحق ترفض إن أكرم يعيش هنا لأنه أخونا وليه حق في القصر زيك بالضبط. داغر بعصبية: ده مش أخونا ولا عمره هيكون. ده ابن سلوى هانم الغير شر"عي.