رواية جبروت قاسي الفصل التاسع 9 - بقلم حورية مصطفى

قمر بعصبية: لا مش هخرس. أنا عايزة أفهم، أنت ليه بتعامل ماما بالأسلوب ده؟ من وقت لما بابا اتوفى. وأكملت بغضب: وأنت مش ليك الحق ترفض إن أكرم يعيش هنا، لأنه أخونا وليه حق في القصر زيك بالظبط. داغر بعصبية: ده مش أخونا ولا عمره هيكون. ده ابن سلوى هانم الغير شرعي. قمر بصدمة: يعني إيه؟ داغر بعصبية: يعني ده ابن حرام عشان سلوى هانم كانت ماشية ورا شهواتها. كان الجميع يقف في حالة صدمة من كلام داغر، حتى استفاقت قمر من صدمتها.

قمر بغضب: أنت إيه اللي بتقوله ده؟ معقول وصل كرهك لأمي يخليك تتهمها اتهام زي ده؟ وكمان بتقول إن أكرم مش أخويا الشرعي؟ أنا بجد مصدومة فيك يا داغر. داغر بسخرية: لا متتصدميش فيا يا قمر هانم. تقدري تسألي سلوى هانم، بابا مات إزاي؟ وأكمل حديثه وهو ينظر إلى سلوى: قولي لها يا هانم، بابا مات إزاي. سلوى بتوتر: أبوك مات بسكتة قلبية يا داغر.

داغر بغضب: لا مش عايز الكلام الفارغ اللي الكل يعرفه. عايزك تقولي لها الحقيقة، انطقيييي يلااا. سلوى بتوتر: حقيقة إيه اللي عايزني أقولها؟ أنت عايز توصل لإيه يا داغر؟ ما الكل عارف إن أبوك مات بسبب سكتة قلبية. داغر ببرود وسخرية: يعني مش مات عشان حضرتك اديتيله دواء يوقف القلب لما عرفتي إنه عرف الحقيقة وقرر يكتب ليا كل حاجة وخلاني وصي على أملاك قمر؟ سلوى بعصبية وخوف: إيه الكلام اللي أنت بتقوله ده؟ أنت اتجننت؟

داغر بسخرية: لا، للأسف مش اتجننت. بس كشفت حقيقتك. قمر بعصبية: داغر، أنت إزاي تكلم ماما بالطريقة دي؟ وإزاي قدرت تقول عليها الكلام ده؟ داغر بغضب: لأن ده الحقيقة اللي حضرتك مش عايزة تشوفيها. تقدري تقوليلي إمتى اهتمت بيكي؟ إمتى؟ ده حتى ساعة لما كنتي بتتعبي كانت بتسيبك للدادة وتروح الحفلات والسهرات. انطقي، كلامي صح ولا غلط؟ ولكنه لم يأخذ منها أي رد. ظلت قمر تنظر إلى الأرض والدموع تنهمر على وجهها بغزارة.

نظر داغر إلى سلوى بغضب: صدقيني هأندمك على كل حاجة عملتيها. هأندمك على قتل أبويا وتدمير طفولتنا. ولو انتي مفكرة إنك واللي معاكي إن أنا معرفش حاجة من اللي أنتم بتدبروها، تبقوا غلطانين. لأن أنا عارف كل حاجة، بس سيبكم لحد ما تجيبوا نهايتكم. وتركم وغادر من القصر بغضب شديد. في وقت لاحق. كانت تجلس سلوى في غرفتها وشارده، حتى قاطعها دخول أكرم إلى الغرفة. أكرم بغضب: هنعمل إيه دلوقتي؟ داغر طلع عارف كل حاجة وإننا متفقين سوا.

سلوى بغضب: معرفش. بس لازم ألاقي طريقة أبعد داغر بيها عن طريقي عشان آخد كل الفلوس دي. لأن مش بعد التعب اللي تعبته ده كله أطلع من المولد بلا حمص. أكرم بهدوء: وإنتي بتفكري في إيه؟ كانت ستجيبه، ولكن قاطعها دخول فاتن إلى الغرفة. فاتن بسخرية: بتفكري في إيه يا هانم؟ طلعت كل مخططاتك مكشوفة بالنسبة لداغر. هو أنتوا كنتوا مفكرين إن داغر مش عارف حاجة؟ أنا من الأول شكيت إن هو عارف حاجة، وحاجة خطيرة كمان.

وأكملت بسخرية: بس هو صحيح يا سلوى هانم، إن إنتي كان عندك علاقات غير شرعية، وأكرم جاه منهم؟ الصراحة، مكنتيش أتوقع كده. بس بجد شابو ليكي. نظرت إليها سلوى بغضب. فاتن: بس تعرفي، أنا عندي خطة هايلة ليكي، تقدري منها تتخلصي من داغر للأبد. أكرم بهدوء: وإيه هي الخطة دي؟ إنتي ناوية على إيه؟ فاتن بشر: ناوية على موته. سلوى بصدمة: إيه اللي بتقوليه ده؟ إنتي اتجننتي؟ فاتن بسخرية: إيه، حنيتي؟

سلوى بتوتر: بس ده ابني. عايزني أشترك في موته؟ إزاي؟ أنا كان آخرى أخليه يفلس وآخد كل الأملاك، بس مستحيل كنت أفكر أقتله. فاتن ببرود: والله ده الحل. غير كده مفيش. بس اعرفي حاجة، إن داغر مش ناوي يخليكي حرة كده على طول، وهيدخلك السجن لأنك قتلتي باباه. وممكن في أي وقت يعيد فتح القضية من تاني ويطلب تحاليل. سلوى بخوف وتوتر: أنا موافقة. بس هنفذ إزاي؟ فاتن بشر: هقولك… سلوى بتساؤل: بس هتستفادي إيه من موت داغر؟

فاتن بطمع: 5 مليون دولار. ده مقابل مساعدتي ليكم. سلوى بغضب: نعم يا روح أمك! إنتي هتستعبطي؟ فاتن بسخرية وطمع: اممم، أظن اللي إنتي وابنك هتاخدوه أكبر من كدا بكتير أوي. واللي بطلبه دا مجرد شوية ملايين بالنسبالكم. سلوى بخبث: هدفعلك اللي انتي عايزاه، بس أهم حاجة داغر يموت في أقرب وقت ومن غير ولا نقطة دم. أنا مش عايزة شوشرة. فاتن: أوكي. بس لازم تحصل مشكلة بين داغر وروز عشان يجي معايا بيتي، وهناك أنا هخلصلك عليه.

سلوى: مشكلة؟ إنتي ناوية تخلصي عليه إزاي؟ فاتن: تؤتؤ. مش شغلك. إنتي ليكي التنفيذ بس. لازم يحصل مشكلة بين داغر وروز، لأن طول ما هما سوا، أنا مش هقدر أنفذ. سلوى: والمشكلة دي إيه بقى؟ فاتن بخبث: هو مش شهاب كان عايز روز؟ يبقى أكيد كان بيحاول يقرب لها ويلمسها. لازم الفكرة دي تنزرع جوه داغر، فبالتالي هيكون كرهها. سلوى: ودا هتعمليه إزاي؟ فاتن بسخرية: يعني كام صورة حلوة كدا ليهم مع بعض. سلوى بسخرية: وتفتكري داغر هيصدق؟

وهو أول واحد يقرب لها. أكيد هيفهم إنها فيك. فاتن بشر: دي شغلتي بقى. ومسكت موبايلها وكلمت شخص مجهول. سلوى بخبث: دماغك سم. ابتسمت فاتن لها بكل شر. في وقت لاحق. دلف داغر إلى غرفته وتفاجأ بروز تجلس على الفراش وشارده. داغر بخبث وهو يقترب منها ويطبع قبلة خفيفة على شفتيها: القمر بيفكر في إيه؟ روز بخضة: داغر! وأكملت بخوف: أنت كويس صح؟ أنا كنت قلقانة عليك أوي، لأنك لما طلعت من القصر كنت مدايق ومتعصب، فخفت لتتهور. داغر

بابتسامة وهو يحاوط وجهها: بجد يا روزي، أنت كنتي خايفة عليا؟ اقتربت منه روز بخجل. داغر وهو يضمها إلى صدره: نفسي ندي لعلاقتنا فرصة تانية يا روز. صدقيني مش هخليكي تندمي. أنا محتاجك أوي. أقرب الناس ليا بيغدروا بيا، وكل ده عشان شوية فلوس. روز بابتسامة: أنا معاك دايما. خليك واثق من ده. قاطعهم صوت فون داغر يعلن وصول رسالة. فتح داغر الرسالة، وفجأة اسودت عينيه من شدة الغضب. أمسك روز من شعرها بعنف. روز بألم: إيه في إيه؟

أنت اتجننت؟ إزاي تمسكني كده؟ دخل بغضب وهو يضربها بالقلم: في إنك واحدة زبالة. شوفي يا هانم، صورك إنتي والبيه. وعاملة نفسك الخضرة الشريفة. روز بغضب وبكاء: ضربته بالقلم وأكملت: أنت أحقر إنسان شفته. وشكلي غلط لما فكرت أدي لعلاقتنا فرصة. تانية. البيه شكله نسي إيه اللي حصل امبارح. داغر بصدمة بعدم استيعاب فداحة الذي فعله: روز، حبيبتي، أنا آسف. صدقني، أنا شفت الصور ومقدرتش أفكر.

روز بدموع: للأسف، علاقتنا مش هتنفع تكمل يا داغر. لأن العلاقة اللي مش فيها ثقة متنفعتش. وأكملت بقوة: طلقني يا داغر، لأن الحياة معاك مستحيلة. داغر بغضب: مش هيحصل يا روز. وأكمل بهدوء: أنا عارف إني غلطت، بس غصب عني. لما شفت الصور دي معرفتش أفكر. نظرت إليه روز بغضب: أنا بقيت بكرهك وأكرهك. إنت كل يوم بتثبتلي إنك إنسان قذر. وهطلق منك يا داغر. ولو ده محصلش، صدقني هأقتل نفسي. نظر إليها داغر بغضب وتركها وغادر من الغرفة.