رواية جبروت قاسي الفصل الثاني عشر 12 - بقلم حورية مصطفى

انت مسمعتيش هي بتقول ايه ياريت تنفذي كلامها بدون كلام. روز بصدمه: انتي ازاي بتمشي. سلوي ببرود: انا مكنتش مشلوله اصلا زي ما انتوا مفكرين، كل دي كانت تمثيلية مني عشان اقدر اعيش في القصر ده من وقت ما عرفت ان كل الأملاك بقت باسم داغر، ونا كنت عارفه انه هيخليني اسيب القصر بعد ما اكتشف حقيقتي، فكان لازم امثل اني قعيدة، ودلوقتي داغر مات فمش مضطرة امثل اكتر من كده. كانت قمر ورزان في حالة صدمة وذهول من حديثها.

رزان بصدمه: ده ابنك ازاي هان عليكي، هتعملي فيه كده انتي لا يمكن تكوني أم. سلوي ببرود: هههههههه، وهو داغر ابني عامل لي ايه حلو في حياتي عشان يهون عليا. قمر بدموع وصراخ: ليه يا ماما قولي ليه، كل ده عشان الفلوس، حرام عليكي، يلعن الفلوس اللي تخليكي تاذي ضناكي بالأسلوب الحقير ده. سلوي بغيظ: اه كل ده عشان الفلوس يا قمر، عشان العز اللي انتي شايفه ده، واللي داغر كان هيحرمني منه.

فاتن ببرود: كفاية كلام ملوش لازمة يا قمر، وخلينا نستمتع بحياتنا، احنا ما قصدنا خلصنا من تحكمات داغر. قمر بصراخ وعصبية: انتي نسيتي نفسك ولا ايه يا فاتن، ونسيتي المكان اللي جيتي منه. نسيتي أصلك يا فاتن، وان داغر هو اللي لمك من الشارع، يعني كل ده بفضل أخويا داغر يا حيو... فاتن بغضب: الزمي حدودك معايا يا قمر، لان كل ده بقى ملكي أنا. اكرم ببرود أعصاب: كفاية كلام في الموضوع ده.

ووجه حديثه إلى قمر: عاوزة تعيشي في القصر ده يبقى تحترمي اللي فيه. قمر بابتسامة: وأنا هستنى ايه من واحد وسخ وخاين زيك. وأكملت حديثها وهي تشد يد روز: يلا يا روز من هنا، عشان في ناس عايشة دور مش دورها، ومكان مش مكانها. *** في وقت لاحق. في جناح فاتن. كان يجلس كل من أكرم وسلوي، وعلى ملامحهم علامات الغضب. فاتن بعصبية: قمر نسخة مصغرة من داغر، احنا لازم نتخلص منها في أسرع وقت.

سلوي بعصبية: انتي بتقولي ايه يا فاتن، أنا مستحيل أذي قمر، أو اخليكي تاذيها. فاتن ببرود: ليه هي فرقت ايه عن داغر يا سلوى هانم. سلوي بتوتر: فيه ايه يا فاتن، قلت مش هنأذي قمر، وانتهى الموضوع. فاتن بخبث: اوكي يا سلوى هانم، اللي تشوفيه. سلوي بابتسامة: انت لازم تبدأ تروح الشركة من بكرة يا أكرم. أكرم بابتسامة: حاضر يا أمي. في جناح روز وداغر. رزان بهدوء: اهدي يا قمر، بلاش عصبية، انتي نسيتي كلامك ليا.

قمر بدموع: كنت بقف في صفها ديما ضد داغر يا روز، وكنت بمنعه يقول أي كلمة تأذي مشاعرها، بس أنا طلعت مغفلة وظلمت داغر. رزان بابتسامة: محدش بيختار أهله يا قمر، استغفري ربك، وادخلي اتوضي عشان نصلي الضهر. قمر بابتسامة: حاضر يا روز. وبالفعل دخلت قمر لكي تتوضأ، وبعد فترة خرجت. رزان بابتسامة: يلا نصلي يا قمر. قمر بابتسامة: يلا. وبدأوا في الصلاة. بعد وقت، انتهت كل من رزان وقمر من الصلاة. قمر بابتسامة: تقبل الله.

رزان بابتسامة حب: منا ومنكم صالح الأعمال. *** في صباح يوم جديد. في شركة الشهاوي جروب. أكرم بعصبية: انت ازاي تمنعني أدخل الشركة يا حيوان انت. الحارس ببرود: آسف يا أكرم بيه، انت ممنوع تدخل الشركة تحت أي ظرف كان، ودي كانت أوامر داغر بيه. أكرم بعصبية: ودلوقتي داغر بتاعك مات، وأنا المسؤول عن الشركة دي. _ومن قالك إنك المسؤول عن الشركة يا أكرم. أكرم ببرود: ده الأكيد يا حازم، بعد ما داغر مات، المفروض أنا اللي أمسك الشركة.

حازم بهدوء: للأسف انت مالكش مكان هنا، وحسب أوامر داغر قبل ما يموت، انت مستحيل تدخل الشركة. أكرم بابتسامة: وهنسيب الشركة من غير مسؤول عنها بسبب أوامر داغر. حازم بابتسامة: ومين قال كده يا أكرم، داغر قبل ما يموت عملي توكيل للشركة، عشان كده ياريت تتفضل من هنا. وذهب إلى الداخل، تاركاً أكرم خلفه يغلي من الغضب والحقد. *** في مكان آخر *** تفيق روز وتتفاجأ بأنها في غرفة في غاية الجمال، باللون الأبيض.

روز بصدمة: أنا فين وإيه اللي جابني هنا. هو بضحكة خبيثة: أنا اللي جبتك هنا يا روزي. التفت روز نحو مصدر الصوت، وتفاجأت بـ...