رواية جبروت قاسي الفصل الحادي عشر 11 - بقلم حورية مصطفى

روز بدموع: داغر جراله حاجة، قلبي مقبوض أوي يا قمر. قمر بهدوء: اهدي، أكيد كويس. متخافيش. لم تهتم بحديثها وخرجت من القصر وهي تركض، عندما استمعت إلى صوت سيارة. كل تفكيرها أن داغر برا. لكن وقفت مرة واحدة لما لقيت ناس شايلين داغر ووشه عليه دم. روز وقفت مرة واحدة بصدمة من منظر داغر، وخلفها قمر. اقتربت روز من داغر بخطوات بطيئة، والخوف ينهش قلبها. روز بدموع: داغر كويس صح؟ انتوا شايلينه كده ليه؟

الحارس بحزن: للأسف، داغر باشا اتوفى يا هانم. روز بعصبية: إيه الكلام اللي بتقوليه ده؟ داغر مستحيل يسيبني لوحدي. انت اتجننت! نظر الحارس إلى الأرض بحزن. انهارت قمر على الأرض وظلت تبكي وتصرخ. روز بصدمة ودموع: مستحيل يموت. داغر عايش، أكيد ده مقلب عشان أسامحه ونبدأ صفحة جديدة مع بعض. خرجت فاتن من القصر، وخلفها أكرم وسلوى على وجهها علامات الحزن كما نظن. فاتن بدموع مزيفة: معقول داغر حبيبي سابني؟ وأكملت

وهي تنظر إلى الحارس بدموع: طيب، هو إزاي مات؟ إزاي يعني؟ إيه اللي حصل؟ اقتربت سلوى من داغر وقالت بهمس بجانب أذنيه: انت اللي وقفت قصادي، ودي كانت نتيجة اللي يقف قصادي. الموت. الموت وبس يا بني. الحارس بحزن: لقينا العربية مقلوبة على الطريق وداغر بيه موجود جواها، وللأسف عقبال ما الإسعاف وصلت كان داغر بيه اتوفى، لأن اللي خبطه مشي وسابه. وأكمل وهو ينظر إليهم: ودلوقتي لازم يتدفن لأن إكرام الميت دفنه.

سلوى بدموع: معاك حق يا ابني. أكرم بهدوء: لو سمحتوا، دخلوه القصر جوه. وبكرة هنبدأ في مراسم الدفن. الحارس بإيماء: حاضر يا بيه. في صباح اليوم التالي، انتشر خبر وفاة رجل الأعمال داغر الشهاوي نتيجة حادثة سير. في قصر الشهاوي، مرت إجراءات الدفن. بعد مرور 3 أيام، في جناح سلوى، كانت تجلس فاتن على ساق أكرم وهي تلعب في أزرار قميصه. سلوى بهدوء: اتخلصنا من داغر نهائي. هنعمل إيه في رزان؟ فاتن بضحكة خبيثة: دي سيبها عليا أنا.

أكرم بابتسامة: حبيبتي العاقلة، بسبك انتي قدرنا ننهي على داغر وجبروته. ابتسمت فاتن وهي تتذكر ما حدث. فلاش باك فاتن ببرود: دلوقتي لازم نعمل حاجة عشان الموضوع يبان إنها حادثة ومحدش يشك في حاجة.

أكرم بابتسامة خبيثة: هتصل بالرجالة عشان يجوا ينقلوه ونحطه في العربية ونسيب العربية على الطريق السريع. والطريق ده معروف بحوادثه الكتير، وبكده في أي لحظة ممكن تيجي عربية وتخبطه. وكده الموضوع يبان على إنه حادثة. لأن تأثير السم ده مش بيبان في الجسم، يعني حتى لو حد نقله المستشفى محدش هيقدر يشخص حالته على إنها حالة تسمم. وبالفعل حدث ما خططوا إليه. وتم نقل داغر إلى سيارته وتركوها في وسط الطريق. باك

فاتن بابتسامة: كل شيء مباح في الحرب والحب. بس أنا كان حبي لمال داغر. في جناح روز وداغر، كانت روز تجلس على الفراش وبجانبها قمر. قمر بحزن: هتفضلي ساكتة لحد امتى كده يا روز؟ داغر مات والمفروض إننا ندعيله. رفعت روز عينيها بتوهان وقالت بدموع: مات يا قمر من غير ما يعرف إني سامحته وكنت ناوية نبدأ صفحة جديدة. قمر بحزن: انتي لازم تكوني قوية عشان جنة أختك، مينفعش تشوفك بالحالة دي أكتر من كده.

وأكملت بدموع: وعشان داغر يكون مبسوط يا روز. روز بدموع: مش قادرة يا قمر. كل أما افتكر إنه طلع من القصر مدايق مني، ويمكن ده السبب اللي خلاه يعمل الحادثة دي، بحس إني بتخانق. أنا تعبانة أوي يا قمر. قمر بابتسامة حزن: ده قدر ومكتوب يا روز، ومحدش يقدر يعترض عليه. روز بدموع: ونعم بالله. قمر بابتسامة: يلا تصبحي على خير. وجنة هتنام معايا النهارده. روز بهدوء: وانتِ من أهل الجنة. في صباح يوم جديد، صحت روز على صوت صراخ فاتن.

كان الجميع يقف في بهو القصر. فاتن بصراخ: الهانم كانت لسه نايمة لحد دلوقتي ومش عارفة إنها عليها شغل القصر كله من اليوم. روز ببرود: شغل إيه يا فاتن؟ فاتن بهدوء: أؤبص. أنا إزاي أنسى أقول روز هانم إنني مشيت كل الخدم اللي في القصر، وهي اللي هتخدمنا. روز بعصبية: انتي بتقولي إيه؟ انتي اتجننتي يا فاتن! فاتن بابتسامة: لا يا حبيبتي، بس داغر قبل ما يموت كتب كل أملاكه باسمي أنا. سلوى بابتسامة وهي

تقف من على كرسيها المتحرك: انتي ماسمعتيش هي بتقول إيه؟ ياريت تنفذي كلامها بدون كلام. روز بصدمة: انتي إزاي بتمشي؟