رواية غابة ادم الفصل الثاني 2 - بقلم نوبرومس

الخاطف ورجالته أول ما يبصوا في عيون العجوز بيتحولوا في ثواني لتماثيل. وفي لحظة، العجوز بيفتح بوابة مليانة ناس جوه، كلها تماثيل زي اللي حولهم. العجوز بيروح حاططهم جوه وقافل البوابة، ويرجع لمريم. العجوز: إيه اللي دخلك غابة آدم؟ مريم: بخوف. أنا معرفش إيه اللي حصل. أنا صحيت لقيت نفسي مع اللي خطفوني، وفجأة العربية وقفت هنا. ولما حاولت أهرب، ملقتش غير الغابة دي. مريم لسه بتكلم، بتلاقي فجأة العجوز اختفى.

مريم بتخاف وبتروح قاعدة تحت الشجرة بتبكي في مكانها. في مكان تاني في الغابة. العجوز بيظهر قصاد بحيرة، المياه بتاعتها من ذهب. بيروح داخل فيها لحد ما المياه بتغطي كله. وفي ثواني بيطلع من المياه شاب في الثلاثينات من عمره. وأول ما رجله بتخرج من المياه وتلمس الأرض، الغابة كلها بتحيا تاني والورود بتتفتح. وبيجي رجل كبير في السن، بيكون الحكيم، وبيقدر يفهم ويعرف كل حاجة. الحكيم: بيروح مدد إيده للشاب اللي طلع من المياه.

الحكيم: آدم. الحكيم: في بنت في الغابة؟ آدم: عارف. الحكيم: قصدك إيه؟ الحكيم: الزمن رجع يعيد نفسه من تاني يا آدم. آدم: قصدك إن البنت دي... الحكيم: الأميرة نادرة، حبك الأبدي. آدم: بس دي مش هي، ولا حتى عرفتني. لو كانت نادرة، كانت أكيد هتعرفني. الحكيم: الزمن اتغير، لكن الروح لأ. مريم تبقى نادرة يا آدم، وهي اللي هتقدر تفك اللعنة اللي أنت فيها. آدم: بس إزاي جت هنا؟

الحكيم: الموضوع دلوقتي مش إزاي. طالما نادرة رجعت اتولدت تاني وبقيت هنا، يبقى أكيد كل الأشرار اتولدوا. آدم: أنا جاهز لكل حاجة. زمان كان زمن السحر وقدروا يلعنوني، لكن دلوقتي هما اتولدوا كبشر عادي، وأنا اللي معايا القوة. الحكيم: الشرير يا بني غير الطيب. آدم: أنا مش فاهمك يا حكيم. الحكيم: نادرة عشان قلبها نقي، لازم تشرب من ماء الذهب، وساعتها هتفتكر كل حاجة. لكن الشرير مهما اختلف الزمان، شره دايماً بيتغلب عليه ويفكره.

الحكيم: المفروض دلوقتي نخلي مريم تشرب من المياه قبل ما الشر يفتكر كل حاجة. آدم: أنا مش فاهم إزاي هي وصلت لهنا. الحكيم: أنا لازم المس إيد البنت دي. آدم: بيمسك إيد الحكيم، وفي ثواني بيتنقلوا وبيكونوا عند مريم. الحكيم بيبص على مريم اللي بتبقى نايمة تحت الشجرة، وبيروح مقرب منها ولمس شعرها. الحكيم أول ما بيلمس شعر مريم، عيونه بتبرق وبيرجع كام خطوة لورا. آدم: حكيم، أنت كويس؟ حكيم، إيه؟

الحكيم: هي هي، ببرائتها بكل تفاصيلها. فيها... بس. آدم: بس إيه يا حكيم؟ الحكيم: الشر حواليها هو اللي جابها هنا. إحنا لازم نعمل تقوس رجوعها بسرعة، قبل ما الشر ذاكرته تكتمل وترجع و...