رواية غابة الصقر الفصل الثالث 3 - بقلم سلمى شريف

ريم بخنقة: انتي جايبني علشان تعذ*بني صح؟ صقر: بتفهمي؟ انتي جاية هنا علشان تدفعي تمن أخطائك. ريم ببكاء: أنا مكنتش في وعيي. صقر: بس روحتيله. سبها من إيده ووقعت في الأرض وهي بتعيط بكسرة. كل حاجة بتحلم بيها اتقلبت لجحيم. أحلامها الوردي بقت سودا. مسكها من إيديها وقل*عها الجاكت اللي كانت لابساه علشان الجو برد، وخلاها تق*لع الفستان وبقت بتيشرت نص كم بس وبنطلون. كنت واقفة قدامه بتترعش من السقعة.

وفاجأة لقيته ضر*بها بالقلم على وشها. صقر ببرود: هتنامي في البلكونة. ده بعد ما تروقي البيت كله. ومتنسيش تحضريلي الفطار قبل ما أصحى. أبوكي وأمك مش هتشوفيهم. هما أصلاً مش عايزينك تاني بعد عملتك السودا. كل حاجة هتتنفذ بالحرف. حتى لو اضطر مو*تِك. يلا شوفي وراكي إيه. بتخلص ريم كل حاجة طلبها منها وبتدخل البلكونة وهي بتتلج. بتلاقي بطانية سايبالها في الأرض بتتغطي بيها بسرعة وبتعيط. وفي ناحية تانية صقر نايم وهو بيعيط.

بتصحي الساعة 6 وبتعمله الفطار وهي بتكح وبتحطه على السفرة وبتغمض عينها. مش بتفوق إلا على ماية بتتدلق على وشها. صقر: الفطار طعمه وحش، اعملي غيره. بتقوم جري تعمل غيره وهي تعبانة. ولما بتطلع بتلاقي مش موجود وبتعرف إنه مشي. وبتلاقي ورقة على السفرة مكتوب فيها: "اعملي حسابك، عايز أرجع ألاقي البيت بيلمع. ولما أرجع مش عايز أشوف وشك علشان مراتي حبيبتي هتيجي هنا." بتترعش وهي بتقرا الكلام وبتحط إيدها على بوقها ودموعها نازلة.