رواية غدر الصحاب الفصل التاسع عشر 19 - بقلم شيرين جمال

تفتح الباب مرة واحدة. "انت بتكلم مين؟ ومين دي اللي حبيبتكم؟ محمد يكون مبسوط أن نور بدأت تظهر مشاعر ناحيته، بس يتذكر شيئاً ويتحفظ. "نور، بعد إذنك، مدخليش الأوضة من غير استئذان. وإحنا بنكلم واحدة، فيها إيه؟ إحنا جواز مؤقت." "فعلاً، أنا آسفة." تخرج نور تجري على الأوضة وتنام بجوار يوسف. محمد: "الو، أيوه يا أمي. عارف إنك سمعتي كل حاجة، بس ده الصح. أنا عارف أنا بعمل إيه."

يدخل محمد الغرفة ويلقى نور نائمة ودموعها في عينيها. يمسح دموعها ويملس على شعرها. "أنا آسف، بس مش بإيدي. أنا عارف إن إحنا لخبطنا حياتك، بس صدقيني مش بإيدي." يبوس رأس نور ويخرج. كل هذا ونور تسمع الكلام وتعمل نفسها نائمة. بعد ما محمد يخرج. "لازم أعرف إيه مخبي عليا؟ كلامك بيقول حاجة وأفعالك حاجة تانية." عند مراد. يصحو وينادي على هند. "انتي يا زفت." هند (بنوم) : "نعم." مراد: "لسه نايمة؟ هتعملي فيها هانم؟

قومي يا أختي، حضري الحمام والأكل عشان أنزل." هند: "حاضر." وفي نفسها: "ماشي يا مراد، والله لأخليك تندم على كل ده." مراد يفطر وينزل. هند: "الو؟ نادية: "خير، في إيه؟ هند (بخبث) : "إنتي متعرفيش إني بقيت مرات مراد؟ نادية: "إنتي كدابة." هند: "وهكدب ليه؟ أنا قولت أعرفك." نادية (بغيظ) : "وعايزة إيه دلوقتي؟ أقولك مبروك؟ هند: "إنتي عرفتي إن مراد هيكتب ابن نور باسمه؟ وتكمل بخبث: "وكمان ملكي." نادية (بعصبية وغضب) : "إزاي ده؟

مش هيحصل! بنت نعمة تاخد كل حاجة؟ هند: "أنا قولت كدا برضو. أعرفك وبعدين لو عرف إن حد من الماضي هيفتح... نادية (بخوف وارتباك) : "اكيد مش هيعرف." هند: "ليه؟ ممكن يعرف في أي وقت إنه هو ونور قريب." نادية: "اخرسي، ومتتكلميش في الموضوع ده تاني." هند: "أنا قولت أعرفك. براحتك، وأنا عندي الحل. لما تحتاجي، كلميني." هند بخبث: "هخلص عليكوا واحد واحد لحد مراد ميلاقيش غيري يرجعله." عند نور.

تصحى تفطر هي ويوسف، وتجهز فطار محمد وتحطه على السفرة. محمد يصحو. "إزيك يا بطلي؟ يوسف يجري على محمد ويحضنه. "وأنا عايز أقولك يا بابا." صدمة من نور ومحمد. يكمل يوسف بطريقة أطفال. "كل الولاد عندهم ماما وبابا، وأنا عندي ماما بس. ليه؟ نور (بدموع) : "لا يا حبيبي، إنت عندك بابا. بس هو مسافر." محمد (بحزن على يوسف) : "بابا راجع قريب. وأقولك حاجة يا بطل، البس عشان نخرج." "صباح الخير يا نور." نور (من غير نفس) : "صباح النور."

يمسك محمد يدها. "أنا آسف على امبارح." نور: "ولا يهمك، إنت ابن خالتي برضه." محمد بغيظ من طريقة نور وجوازك كمان. نور وهي داخلة المطبخ وبطريقة دلع: "جواز مؤقت يا ميدو." محمد: "البت بتكلم كدا ليه؟ يخرب بيتك، دي بتلعب معايا بالنار. هو أنا مستحمل الرقة عشان استحمل الدلع؟ ويمسح على وجهه. "صبرني يارب." "لبس يوسف، أنا جاهز." ومحمد يكون جاهز. "مش هتيجي معانا؟ نور بلامبالاة: "لأ."

محمد بغضب: "نور، بلاش كدا. قولت آسف، قومي البسي بقى." نور: "لأ، أنا هدخل أنام." محمد ياخذ يوسف وينزل ويرزع الباب وراه. نور تلبس بسرعة وتنزل وراهم. "لازم أشوف مخبي إيه." محمد في العربية. "بص يا بطل، إحنا هنروح عند نانا. وأوعى تقول لحد. يوسف ده سر، يا إنكل." يوسف: "أيوه يا حبيبي." يطلع محمد عند أمه. "ماما، أنا جيت ومعايا ضيف." يدخلون. وفجأة الباب يخبط. يفتح محمد بصدمة. "إنتي... نور (بدموع) : "كلكوا زي بعض."

محمد: "افهمي الأول." نور (بعصبية وغضب ودموع) : "مش عايزة أعرف حاجة. حرام عليكوا، كلامكم كدا." صوت من وراء محمد: "ادخلي يا نور." محمد: "...