رواية غنوة يونس الفصل التاسع عشر 19 - بقلم سلوى عوض

انتِ يا مرا يا أم ساميه دخلنا البت عنديكي، خشي اكشفي عليها وخلصي. حاضر يا بيه. بعد عشر دقائق، تخرج أم ساميه. طلعت إيه؟ وجولي الحج أحسن ما أديكي طلجة أخليكي تفرفري كيف الفروج. شاهد ربنا ووكيل الست فريدة بختم ربها زي الفل. عارفة لو بتكذبي هيبجى يومك مطين على رأسك. هنروح المشتشفي وكل حاجة هتتعرف. له يا بيه الست فريدة صاغ سليم.

متجفل خشمك ديتي جطع لسانك كيف تجيب سيرة خيتك بالكلام العفش ديتي. انت إيه بهيمة ده حتى البهيمة بتفهم عنيك. جبر يلم العفش كله مش كفاية. كتلت الواد الغلبان اللي لابيهش ولابينش. عاوز إيه تاني ياخي غور بجى وهملنا. أهمل مين وأغور فين ياك فاكر نفسك كبير عليا. بجولك إيه بعد عني أحسن، روح خلفلك حتت عيل بدل ما انت مجطوع من العيلة ومعندكش واد يسند ضهرك وتتعكز عليه لما تكبر. أنا بجى عندي ولدين وبنيه. روح دور على بت صغيرة تخلفلك.

اخص عليك بتعاير خيك وبعدين ممرتي كانت حبله ومرتك اللي سجطتها. اه حملت بعد تلت سنين ولا يكون انت يعني اللي مجصر معاها. اخرس جطع لسانك من لغلوغه. أنا هتصل بيونس يجي يشوف أخوه بيعمل إيه. ياك هتخوفني بيونس؟ طب ده أنا حتى عما أترعش من سيرته. أمانة عليك متجلوش لحسن ياجي يضربني. مش ناجص كماني الا العيل ديتي. هم خلينا نودو الغلبانة ديه المشتشفي. أنا هجهز العربية عشان أشوف آخرتها معاكم. غور وبطل رط كتير.

اديني غاير معذور، انت جليل العيال. جولت مترطش كتير. وبالفعل يذهب ممدوح ليحضر العربية. حجك عليا يابت أبوي، اطمن بس عليكي واخدلك حجك منيه المفتري ديتي. كل هذا وفريدة تتألم. وهنا يتصل عيسى بيونس. أيوه يا يونس هملت الدنيا هنا مولعة وروحت مصر. أنا ممشيتش بمزاجي، أنا يعتبر اتدمرت. مش وجته يا خيي، أختك رمت نفسها من البرندا ورايحين بيها المستشفي. وممدوح مولع الدنيا هنيه، لازم تاجي يونس. وفريدة عملت كده ليه؟

مش وجت الحديت دلود، بجولك تعالى حالا. حاصر، أنا جاي طيران. تمام، تاجي بالسلامة. هجفل أنا معاك دلوك عشان الفجري ديتي جاب العربية. *** ( في القاهره ) ( في شركة وجيه ) يأتي اتصال لوجيه. وجيه بيه عندي أخبار مهمة لحضرتك. خير، قولي يا نهى. سمعت يونس بيه بيتكلم مع أخوه في التليفون وعرفت أنه مسافر الصعيد حالا، تقريبا عندهم مشكلة. معرفتيش مشكلة إيه؟ اللي سمعته أنه يونس بيه بيقول لأخوه، وفريدة ليه ترمي نفسها من الفرنده.

تمام، هيتحولك مبلغ حالا على المحفظة بتاعتك، وكل ما تجيبيلي خبر هيوصلك مبلغ. شكرا لحضرتك، خيرك سابق. عاوزك بس تفتحي ودانك وعينيك وتعرفيني أي حاجة بتحصل. حاضر يا أفندم. ليغلق وجيه التليفون مع نهي ويتصل بدياب. دياب، هنغير في الخطه شويه. كيف يعني؟ غنوه فين؟ اهي جاعدة جاري. هاتها طيب. خدي يا غنوه، وجيه عايز يتحددت معاكي. هات ، أؤمرني يا غالي.

اسمعيني كويس، يونس جاي البلد عشان في مشكلة عندهم. تقريبا أخته حاولت الانتحار. عاوزك تقابليه وتحاولي تعرفيه أنه مالوش ذنب في اللي حصل من أخوه، وانك عارفه إنه مش راضي عن اللي حصل، وتحاولي تخليه يصدق الكلام ده. حاضر، ولو إني نفسي أكل كبدهم كلهم، بس زي بعضه كله يهون عشان ناخدوا بتارنا. برافو عليكي. على العموم، أول ما يوصل عندكم، أنا هعرف وهبلغكم بكل تحركاته. تمام؟ تمام. سلام وسلميلي على الحج والحجة. الله يسلمك.

(محدثا نفسه) هو أنا بعمل كل ده ليه؟ عقله عشان هاله وجوزها الله يرحمه. قلبه لأ، انت حبيت صدفة، عقله بقى الالفي اللي كل البنات هنا وبره بيتمنوا نظرة منه، يوقع في حتت بت صعيدية. القلب الحب مالوش كبير، ولما بيدق مبيختارش يدق لمين. بس ديه متجوزه، القلب لأ، جوزها طلقها بالتلاتة واتجوز كمان.

بس بقى خلاص، انتو الاتنين. أنا بساعدها عشان غلبانه والدنيا جايه عليها واتحرمت من ولادها. وربنا يقدرني وأجيب لها حقها وانتقم لها من كل اللي ظلموها. وراجعلها ولادها. *** في الصعيد -منزل عياد لسه برضك عاوزين تاخدوا بالتار؟ ما احنا اتحددنا في الموضوع ديتي كتير يا ابوي، وخلاص خلصنا. لازم ناخدوا حقنا من الظلمة اللي ميعرفوش ربنا دول. ربنا يسترها عليكم يا بتي ويحفظكم بعينه التي لا تنام.

أهم حاجة يا غنوه خلي بالك من نفسك يا بتي. أنا مرضيش انك تتحددي مع يونس، لكن نار المرحوم محمد حارجه جلبي جوي. تخافيش يا أما، والله لننتقم منهم، وربنا هيعينا ويساعدنا عليهم إن شاء الله. آمين يا رب. *** في منزل محسبعديله وه يا انعام، هتجعدي كتير كده عندينا؟ ارجعي يا بتي بيتك. لا المحروجة اللي اسمها رجيه ديه تاخد مكانك.

ده أنا كنت أولع فيها النار ،جال رجيه جال مناجصش إلا الشحاته بت الشحاتين ديه، بس صدجي يا أما، عنديكي حج، لازم ابقى جاعدة هناك على الأجل، أتسلى عليها شوية. وتاخدي جوزك وتعملي عملية أطفال الأنابيب ديه. ماشي، هكلم عيسى ياجى ياخدني. ( وبالفعل تتصل انعام بعيسي ) تعالي وروحني البيت، شجتي، وحشتني. أنا رايح على المستشفى ليقص لها كل ما حدث. أخص عليك يا ممدوح، أنا هحصلك على المستشفى. اسم الله عليها، فريده حبيبتي.

مالها فريده كمان وبتحبيها جوي. لازم أقول كده عشان عيسى يا أما. أيوه برضك، مالها. لتقص انعام عليها ما قاله لها عيسى. يلا خلينا نخلص منهم كلهم. يارب يا أما، بس بعد ما أخلف الواد. ميته بس. *** وهنا يصل عيسى إلى المستشفى وهو يحمل فريده على كتفه، وهي تصرخ. ليقابله أحد العاملين. ثواني يا عمده، هجيبلك التروللي. ويحضر العامل التروللي ويأخذ فريده إلى غرفة الكشف. طمني يا دكتور، خيتي مالها؟ إيه اللي عمل فيها كده؟ وجعت.

هنعلمها أشعة، وبعد كده هنشوف هنعمل إيه. أشعة ليه يا دكتور؟ عشان نعرف لو في كسور لا قدر الله، وعلى ضوء الأشعة هنتصرف. ياكش تموت ونخلصو منها جطعه. مش جولتلك ألف مرة تخرس خالص. طيب لما نشوف آخرته إيه معاكم؟ عن إذنكم، ننقلها لغرفة الأشعة. اعمل اللازم يا دكتور. ويأخذ الطبيب فريده إلى غرفة الأشعة. *** ( في القاهره ) وجيه

يتصل بأحد رجاله في الأقصر: "عاوزك تخطف البنت اللي اسمها عنايات ديه، وأول ما تبقى تحت إيدك كلمني، أقولك تعمل إيه." أوامرك يا بيه. مش عايز غلطة يا جاد. في حاجة كمان عاوز أقول لحضرتك عليها. خير يا جاد. حضرتك أنا عرفت لحضرتك إن انعام مرَت عيسى وأمها شغالين مع دجال، وهو اللي مخلي عيسى مدهول كده وميقدرش يرفض طلب لإنعام. وعرفت كمان إن الدكتورة بتاعت المستشفى تبقى قريبة الدجال ديه وشغالة معاه كمان.

كده كل حاجة ابتدت تبان قدامي. تمام يا جاد، خلي رجالتك مستمرين في المراقبة وبلغني بأي جديد. وأهم حاجة عنايات ديه. حاضر تحت أمرك. ويغلق وجيه التليفون مع جاد. ثم يأتي له اتصال آخر ليعرف أن يونس وصل الأقصر، فيغلق ويطلب الاتصال بدياب: دياب، بلغ غنوه أن يونس وصل البلد عشان تخرج هي، ولازم تخليه يشوفها ويكلمها. تمام، حاضر. ويتحدث دياب مع غنوه: يونس في البلد ولسه واصل، اطلعي عشان تتحددي معاه.

تمام، اهو، وجت الانتجام جاه. يا ولاد الهلالي، وحجك جاي يا محمد. في تلك اللحظات، غنوه تخرج من المنزل وتقرر الذهاب إلى أرض عم شعيب لتجلس هناك انتظارًا لمرور يونس. تقول في نفسها: "أنا هروح أجعد جدام أرض عم شعيب عشان يونس كده كده هيعدي عليها عشان على أول الطريق." *** في المستشفى، الطبيب يخرج ليبلغ عيسى: "للأسف في كسر في اليد اليمنى والرجل الشمال، وهنضطر نجبس عشان ما يحصلش مضاعفات." اعمل اللي تشوفه صح يا دكتور.

عاوز دكتوره ست حالًا. عيسى يهدده: "لو اتكلمت تاني هجطع شلجك، فاهم؟ ما انت طول عمرك مدلدل ومتعرفش حاجة عن الرجولة، يا دلدول انعام. انعام كانت في المستشفى وتسمع ما يقوله ممدوح، فترد عليه: "مالك ومال مرته، مش كفاية اللي مرتك عملته فيّا؟ وتقول لخيك الكبير: "مدلدل، عيسى راجل وسيد الرجالة على الأجل، ما راحش اتجوز شحاته بت شحاتين." أخرسي، جطع لسانك. رجيه مرَتي ستك وست البلد باللي فيها.

يحاول تهدئتهم قائلاً: "كفاياكم بقى، نطمن على فريدة الأول، وبعدين ابجو اردحوا وفردوا لبعضيكم." *** وفي أرض شعيب، كانت غنوه جالسة في انتظار يونس. وبالفعل، يونس اقترب من الأرض حيث تجلس غنوه. استاذ يونس. غنوه.