رواية غرام الفارس الفصل الثامن 8 - بقلم هبة ابو بكر

بلال: اديك جولت عملته يعني ماضي يا بن العمري. ليتجه بلال لسيارته و يركبها و يغادر. ليلتفت فارس لغرام و يجذبها من ذراعها و يركبها سيارته. في سياره فارس. كان يقود و هو غاضب بشده من تصرف غرام و هروبها من الدوار. فارس بغضب: انا عاوز افهم انتي ازاي تهربي كداا و كلنا نايمين. افرضي قابلك رجاله عمك عارفه كانو هيعملوفيكي ايه؟ عارفه و لا لا؟ لتظل غرام تبكي بصمت. لينظر فارس فيجدها تبكي. فارس بهدوء بعض الشئ: هربتي ليه يا غرام؟

فلم ترد عليه. ليتافف فارس و يغضب مره اخري و لكنه هذه المره يفضل الصمت و ظل يفكر حتي توصل لاجابه سؤاله. فارس: هربتي عشان مش عاوزه تتجوزيني صح يا غرام؟ لتنظر له غرام. فارس: صح و لا لا؟ غرام: صح. فارس: طيب مدام ده السبب اللي خلاكي تهربي يبقا مفيش جواز مش هجوزك يا غرام خلاص. حلو كده؟ غرام بطريقه طفوليه جعلت فارس ينسي غضبه منها: لا مش حلو. عمي هيقتلني لو انت مجوزتنيش. و غير كدا عشان اسم عيلتكو برضو. لتكمل غرام.

انا موافقه اتجوزك بس ليا شروط. ليرفع فارس حاجبه بسخريه: شروط! ايه هي بقا شروط جنابك؟ غرام بتلعثم و توتر: انت هتفضل في اوضتك مع مراتك و انا افضل في اوضتي. يعني جوازنا هيكون صوري. فارس و هو ينظر للطريق: ماشي. غرام و هي تخرج تنهيده: تمام. فارس بضحكه جانبيه: في شروط تاني و لا خلاص كدا؟ غرام و هي تنظر من شباك السياره: لا خلاص كدا. دخل فارس الدوار برفقه غرام لتقابلهم فاطمه بلهفه. فاطمه: كنتي فين يا بنتي كده تجلجينا عليكي.

غرام بخجل من هذه المراه الحنونه التي تذكرها بوالدتها: انا اسفه يا طنط. لتاتي وفاء: و انتي بجاا يا بنت المنشاويه متعوده تخرجي من الدوار اجده في نص الليالي و لا ايه؟ لينظر فارس لخالته نظره اسكتتها. لتصمت غرام بخجل من فعلتها و لن تلومها فهي من اعطتهم الفرصه لكي يتحدثو في حقها. فارس: غرام روحي اوضتك و هبعتلك هنيه بالفطار. غرام: بس انا مش جعانه انا هنام. وليقاطعها فارس: روحي اوضتك يا غرام و هبعتلك الفطار.

لتنظر له غرام بغيظ من تحكمه و تذهب من امامهم متجهه لغرفتها. افارس لوالدته: امي خلي هنيه تحضر الاوضه اللي فوق غرام. وفاء برفعه حاجب: ليه بجاا ان شاء الله؟ فارس: عشان غرام هتجعد فيها. اكيد مش هتفضل في اوضه الضيوف. فاطمه: ماشي يا بني روح شوف اشغالك و انتي عملك كل اللي انت عاوزه. ليقبل فارس جبينها و يغادر الدوار. وكادت فاطمه ان تذهب لتوجفها وفاء. وفاء: انتي بجاا اللي لاعبه في دماغ بنتي و مخلياها موافجه علي المسخره دي.

فاطمه بحده: وفاء احترمي نفسك و انتي بتتحدثي معايا. متنسيش اني اختك الكبيره. وفاء بغل: منستش يا فاطمه بس الظاهر انك انتي اللي نسيتي و موافجه ان ابنك يجيب ضره لبنتي. فاطمه: ربنا يهديكي يا وفاء. ربنا يهديكي يا اختي. وتغادر من امامها. لتظل وفاء مكانها تسب و تلعن و تصعد لغرفه ابنتها. صعدت وفاء غرفه ابنتها لتفتح الباب و تدخل الغرفه بعصبيه لتجد ابنتها نائمه لتتجهه ناحيته و تقوم بزقها اثناء نومها و هي تقول لها.

وفاء: نفسي افهم انتي موراكيش حاجه غير النوم. جومي شوفي اللي بيحصل من ورايا. لتستيقظ فرح من نومها و هي تقول: في ايه ياما انا بعد اجده هقفل باب اوضتي عليا. وفاء: جومي شوفي اللي بيحصل تحت. فرح بتذمر: اديني جومت اهوو. في ايه بقاا ايه اللي حاصل يخليكي تصحيني بالمنظر ده. لتقترب وفاء و تجلس بجانبها: انا مش قولتلك ان المحروس هيرجع. لتفتح فرح عينيها علي اخرهاا و هي تقول: انتي بتقوليايه؟

وفاء: اللي سمعتيه. فارس رجع غرام و هيجوزها بليل و كمان خلي هنيه توضبلها الاوضه اللي في الدور هنا. فرح بغضب: كمان ياربي و انا اللي افتكرت اني خلصت منها. وفاء: احكيلي يا بنتي اللي في دماغك و بدل ما تفكري لوحدك نفكر سوا. لتنظر فرح لها و تفكر فلما لا تخبر والدتها باتفاقها مع جدها. فهي ايضا والدتها و ستخاف علي مصلحتها. فرح بتافف: ماشي هحكيلك بس الموضوع ده هيبجا اسر يبنا. وفاء: سرك في بير يا حبيبتي. جولي بجاا في ايه.

في المساء. كان الجميع يجتمعون لحضور كتب كتاب فارس و غرام بامر من الجد فهم لم يستطيعو ان يرفضه ما امر به. و بالفعل بعد مرور بعض الوقت نفذ ما اراده الجد و تم جواز فارس بغرام. لتنهض شهد و اميمه و يباركو لفارس و غرام و كذلك فعلت فاطمه و مصطفي و احمد و زوجته. اما عن وفاء فهي لم تتحرك من مكانها. كانت تنظر لهما نظرات غامضه. اما عن فرح فكانت تشتعل من داخلها. ولكنها ارادت عدم اظهار. نبيل: يلا يا ولدي خد مرتك و اطلعو اوضتك.

ولتنصدم غرام مما سمعته و تنظر لفارس فهذا ليس ما اتفقو عليه. لينظر لها فارس: يلا يا غرام. غرام بغضب طفيف: يلا ايه؟ فارس بحده: بقولك يلا دلوقتي. لتصعد معه الغرفه مجبره و بمجرد ان دخلو الغرفه. غرام: ممكن افهم ايه اللي بيحصل ده. مش انا متفقه معاك انك هتفضل مع اوضتك مع مراتك؟ فارس بزهق: عدي الليله يا غرام و بعدين متقلقيشمش هقربلك. غرام وهي تبتلع ريقها: ايوه بس انت وافقت علي. ليقاطعها فارس.

غرام: كفايه كلام. قولتلك مش هقربلك. عايزه اكتر من كده؟ غرام بتوتر: و انا ايه اللي يضمنلي انك مش هتقربلي؟ فارس بكذب: اللي يضمنلك اني بحب مراتي و استحاله ابص لغيرها. ارتحتي بقاا. غرام بتريقه: بتحبها! انت لو بتحبها مكنتش فكرت تجوز عليها. لينظر فارس لها و يقترب منها و هو يقول: هو انتي مفكره ان دي تتسمي جوازه؟ لتبتلع غرام ريقها: اومال تتسمي ايه؟ فارس و هو يبتعد مره اخري: دي مصلحه متبادله. غرام: يعني؟ فارس و هو يتجه

ناحيه الاريكه لينام عليها: يعني انتي اتجوزتيني عشان احميكي من خالك و انا اتجوزتك عشان اسم العيله. لينظر لها: فهمتي بقاا يعني ايه.