رواية غرام القاضي الفصل الخامس 5 - بقلم بيري الصياد

تغلق لين عينيها بقوة كبيرة وتقول. مش ضروري تعرفي اسمه يا غرام. تنهض غرام وتقول بغضب للأول مرة أمام والدتها. ازاي مش ضروري أعرف اسمه ده أبويا وأنا المفروض أعرف عنه كل حاجة. تنظر إليها لين وتمسك يدها وتجلسها مرة أخرى وتقول. اعرفي كل حاجة الا اسمه يا غرام أنا مش عايزاكي تعرفي فهميني. تنظر إليها غرام وتقول. احكيلي عنه اتعرفتوا على بعض ازاي وليه جدو بيقول إنك هربتي معاه هو أنتي هربتي بجد.

تنظر لين أمامها وتقول بحزن عميق يوجد داخل قلبها. لا أنا مهربتش مع أبوكي بس عثمان مكنش موافق على جوزاي منه وأنا صممت إني أتجوز أبوكي واتجوزته وروحت معاه وعثمان اعتبرني هربت علشان خلفت كلامه. تشعر غرام باستغراب شديد من حديثها وتقول. وهو مكنش موافق عليه ليه. تنظر إليها لين وتبتسم بحزن وتقول. علشان أبوكي مكنش بنفس الحالة الاجتماعية اللي بابا كان عايز جوز بنته يكون فيها وعلشان كده موفقش على أبوكي. تمسك غرام يد لين وتقول.

ماما أرجوكي احكيلي كل حاجة أنا عايزة أعرف ليه بابا سابني وليه أنتي طلقتي منه عايزة أعرف كل حاجة دلوقتي علشان خاطري. تتنهد لين بقوة كبيرة وتضغط على يد غرام بين يدها وتقول وهي تنظر إليها. احنا كنا عايشين فترة طويلة في مصر وكبرت هناك كمان ولما أنا كنت في الجامعة كانت في رحلة وأنا طلعتها مع صحابي وكانت الرحلة دي في مكان زي الصحراء مكنش حد في وأنا كنت قاعدة في الخيمة بتاعتي بالليل مكنش حد معايا.

كانت تجلس فتاة وهي تنظر إلى الكتاب اللي بيدها وتنظر إلى خارج الخيمة اللي توجد بها وتبتسم وهي تشعر ببرود الجو تمسك الشال الخاص بها وتضعه على كتفها وتنهض وتذهب إلى الخارج وتعقد يدها أمام صدرها وتأخذ نفس كبير من هذا الهواء النقي وتشعر بأحد يراقبها لتنظر حولها ولا ترى أحد لتظن بأنها تتوهم هذا وكانت إن تدخل إلى الخيمة بعد إن شعرت إن الجو بارد بشدة لكن تشعر بالذي يضع يده على فمها ويمسكها من الخلف بقوة كبيرة لتحاول إن تصرخ لكن لا يخرج صوتها فهذا الشخص يكتم فمها بقوة وتشعر به يسحبها إلى مكان بعيد عن هذا المخيم بأكمله وهي تحاول إن تجعله يتركها لكن لا فائدة ويرميها هذا الشخص على الرمال ويمسك يدها بقوة ويكتم فمها مرة أخرى ويقول بسكر وعدم وعي.

هششششش بس يا بت مسمعش صوتك فاهمة. ترفس لين بقدمها بقوة لكي يبتعد عنها هذا الشخص اللي نظر إلى ملابسها وقال بوقاحة. أنا النهاردة هتمتع لحد ما أشبع وهكون أسعد واحد في الدنيا كلها كفاية إني هتمتع بجسمك ده.

تحاول لين إن تجعله يتركها وتحرك جسدها بعنف لكي يتركها لكن يمسك هذا الشخص الشال اللي تضعه على كتفها ويضعه على فمها ويمسك حبل يوجد على الأرض ويربط يدها بقوة كبيرة وتحاول لين إن تصرخ لكن لا يخرج صوتها ويمسك الشخص مقدمة ملابسها وكان إن يشقها عليها لكن يراه بالذي يمسك يده بقوة كبيرة ليرفع نظره وينظر إلى من فعل ذلك ويقول بغضب شديد. أنت بتعمل إيه هنا.

قطع كلامه هذا الشاب اللي لكمه بقوة كبيرة ويقع هذا الشخص على الأرض بقوة ويذهب إليه الشاب ويلكمه بقوة أكبر ويبقى يلكمه إلى إن فقد هذا الشخص الوعي من شرب الخمور والضرب اللي أخذه من هذا الشاب اللي نظر إليه وينظر إلى لين ويذهب إليها ويمسك الحبل اللي على يدها ويفكه لها ويقول. أنتي إيه اللي طلعك في وقت زي ده. تفك لين الشال اللي على فمها وتقول. كنت بشم هوا والحيوان ده جاه عندي.

ينهض هذا الشاب ويمد يده إليها لتنظر لين إلى يده وتضع يدها بين يده ويسحبها هذا الشخص وينهضها وتنظر إليه لين وتبتسم وتقول. شكراً إنك جيت في الوقت المناسب مش عارفة كان هيحصلي إيه لو مكنتش جيت. يبتسم الشاب ويقول. ولا يهمك تعالي أوصلك للخيمة بتاعتك. تنظر إليه لين وتقول. أنت مش في الجامعة معانا صح. أومأ لها هذا الشخص ويبتسم ويقول. أنا سواق الباص بتاع الرحلة يلا تعالي.

تبتسم له لين وتذهب معه ويصلها هذا الشخص إلى الخيمة الخاصة بها ويتركها ويذهب وتنظر خلفه لين وتشعر بقلبها سوف يخرج من مكانه من شعورها اللي تشعر به الآن. تستكمل لين وتقول وهي تنظر أمامها.

وفضلت في الرحلة دي أكتر من عشر أيام وكنت كل يوم بشوفه وأتكلم معاه أحياناً كتير وخد رقمي قبل ما أنزل من الباص وهو بيوصلني على قصر عثمان وفضلنا نتكلم ونتقابل لحد ما قالي إنه بيحبني وإنه عايز يتجوزني وأنا خوفت من بابا علشان كنت عارفة ومتأكدة إن عمره ما هيوافق على ده بس روحت وقولتله بس هو طبعاً زي ما توقعت رفض وابوكي جاه وطلب إيدي منه وبرضو رفض وعاملنا كل حاجة علشان يوافق وكانت نفس النتيجة على طول لحد ما قررت إني أتجوز أبوكي وأحط عثمان قدام الأمر الواقع بس هو قال إني مش بنته وإني أطلع بره بيته وابوكي خدني وعاشنا أنا وهو في سعادة و.

لا تستطيع لين إن تتحدث أم تستكمل حديثها وتغلق عينيها بقوة ووجع شديد يظهر بها وتراه غرام بوضوح شديد وترى دموع لين تنزل بغزارة شديدة لتضمها بقوة وتقول. إيه اللي حصل يا ماما. تحاول لين إن تتمسك قليلاً وتبتعد عن غرام وتقبلها وتنهض وتقول وهي تمسح دموعها. كفاية لحد كده يا غرام نامي وارتاحي وأنا هعملك حل علشان متتجوزيش أوس.

تنهي حديثها وتذهب إلى الخارج تنظر غرام خلفها وتعود بظهرها إلى الخلف وتتسطح على السرير وتنظر إلى سطح الغرفة وهي لا تعرف ماذا تفعل لكي لا تتزوج من هذا الحقير اللي لا يريد يتركها وهي لا تعرف ماذا تفعل ومن اللي سوف ينقذها منه ولا يجعلها تبقى له. يرفع موسى حاجبه باستغراب متصنع ويقول. مين دول. يلكمه جبل بقوة وغضب ويقول. أنت هتصيع يا ابن أمك ما تلم نفسك يلا واتكلم أحسن ما أقتلك دلوقتي.

ينفخ موسى بقوة كبيرة ويمسح بجانب شفتيه مكان اللكمة ويقول. لا يا جبل معرفتش حاجة عنهم لحد دلوقتي وكأن الأرض اتشقت وبلعتهم محدش عارف عنهم حاجة خالص. ينظر جبل أمامه بغضب شديد وهو يفكر بعدة أشياء ليقول موسى بهدوء. اهدى يا جبل وهنعرف عنهم كل حاجة قريب أوي متقلقش أنت. ينظر إليه جبل بغضب شديد لا يراه موسى سوى القليل ويذهب جبل من أمام موسى اللي نظر خلفه ونفخ بقوة كبيرة ويذهب لكي يرى ماذا سوف يفعل هذا القاضي.

في صباح يوم جديد كانت تجلس صفاء وهي تغضب وتقلق على جبل اللي لم يعد إلى الآن ولا تعلم أين هو تراه بالذي يجلس بجانبها ويقول. مالك يا ولية على الصبح. تنظر إليه صفاء وتقول بغضب شديد. أخوك مرجعش لحد دلوقتي يا بدر ولا بيرد على التليفون حتى ما خلاص مبقاش في حد يرد عليا ما أنا ولا يطمني حتى. بدر باستغراب متصنع.

وانتي إيه اللي مضايقك دلوقتي ما جبل طول عمره بيبات بره البيت ومش بتتكلمي يا صفاء ولا علشان أنتي قاعدة على جبل دلوقتي بقت تصرفاته مش عاجبكي. صفاء بصوت عالي. غور يا بدر روح يلا من وشي دلوقتي. ينهض بدر ويقول بصوت عالي هو الآخر وهو يضع يده على خصره. إيه يا ولية أنتي على الصبح هو أنتي مش قادرة على ابنك هتيجي عليا أنا تلاقي قولتي بدر لقمة طارية أقدر عليه لا فوقي يا صفاء ده أنا بدر القاضي يعني أو.

قطع حديثه اللي قال وهو يدخل المنزل. اخرس يا حيوان صوتك واصل لآخر الشارع. تنظر صفاء إلى صاحب الصوت تراه جبل لتقول بغضب. هنعمل إيه ما خلاص الكبير والصغير بيعلي صوته عليا خلاص كبرتوا وفكرتوا إني مقدرش أعمل معاكم حاجة. يبتسم جبل ويذهب يجلس بجانبها ويقول. متقوليش كده يا صفاء سيبك من العجل ده وأنا هربي علشان صوته اللي فرحان بي يعلي كويس. بدر بغيظ شديد.

وانا مالي يا عم أمك قاعدة من الصبح تندب حظها وخلفتها اللي تعر ولما اتكلمت معاها بهدوء شبطت فيا وبتزعقلي. جبل بغضب. طب غور يلا يلا على شغلك مش عايز أشوف وش أمك ده هنا يلا. بدر بغضب وغيظ شديد وهو يذهب إلى خارج المنزل. طب والله ده ظلم كبير وأنا مش مسامح حد في حقي يا رب يرد لكم في عيالكم. ينظر جبل إلى صفاء ويقول. هي حبيبة فين يا صفصف. صفاء دون إن تنظر إليه. راحت تشوف عمك صابر لا يكون محتاج حاجة.

يبتسم جبل وهو يعلم بأنها تغضب منه ويقول. طب وأنتي مش بتبصلي ليه يا حجة. تنظر إليه صفاء وتقول. حالك مش عاجبني يا جبل وطول ما أنت ماشي في سكتك دي اعتبر إنك ملكش أم. وكانت إن تنهض لكن يمسك جبل يدها ويضع رأسه على قدمها وهو يتسطح على الأريكة ويقول وهو ينظر إليها. من إمتى وأنتي خلقك كده يا صفاء ما من يومك صابرة أشمعنا اليومين دول مبقتيش مستحملة حد يتكلم معاكي. تنفخ صفاء بقوة كبيرة وتقول.

علشان أنت زوته أوي يا جبل كنت بقول بكرة حالك يتعدل وتعرف مصلحتك فين بس أنت لا حالك متعدل ولا عارف مصلحتك وأنا مش هسمح باللي بتعمله ده أنت خاطب سارة. قطع حديثها جبل اللي قال بغضب شديد. يحرق ميتين أهلها يا شيخة في إيه يا صفاء إيه اللي جاب سيرة بت أخوكي دلوقتي هو احنا ناقصين هم. ينهي حديثه وينهض وتقول صفاء بغضب هي الأخرى.

هتتجوزها إمتى يا جبل أنا تعبت منك ووضعك ده ميعجبش حد ويا تتعدل يا أسيبك البيت وأغور بعيد عنك علشان أرتاح. يمسح جبل على وجهه بغضب شديد وهو يحاول إن يهدأ قليلاً لأجل إن لا يغضب عليها الآن ويفعل شيء يجعله يندم ويقول بصوت عالي. وعلي إيه أنا اللي هسيبك البيت علشان ترتاحي يا صفاء خليكي في مع عيالك وانسي جبل خلاص. ويذهب جبل إلى الباب وكان إن يخرج لكن تنهض والدته وتقول. استنى يا جبل.

يجز جبل على أسنانه بقوة كبيرة ويلف إليها ويقول. خير يا صفاء في إيه تاني. تنظر إليه صفاء وتبلع ريقها وتقول. هتتجوز سارة ولا لا يا جبل. جبل بغضب شديد. لا يا صفاء مش هتجوزها مهما حصل. تبتسم صفاء بدموع وتقول. يبقى اعتبر أمك ماتت من النهاردة يا جبل أنت من النهاردة لا ابني ولا ليا علاقة بيك ومن الساعة دي تحرم عليا ليوم الدين.

يتصدم جبل من حديثها بشدة وهو لم يتوقع إن والدته تفعل كل هذا لأجل إن يتزوج هذه الفتاة وتنظر إليه صفاء وتنزل دموعها بغزارة وكانت إن تذهب إلى غرفتها لكن يقول جبل بصوت أفزعها بشدة. ماشي يا صفاء مش أنتي عايزاني أتجوز البت دي وأنا هتجوزها بس اعملي حسابك إن الجوزة دي أنتي اللي هتحسبي عليها. تمسح صفاء دموعها وتقول. قصدك إيه. يرمي جبل الطاولة اللي بجانب الباب بقوة كبيرة ويقول وهو ينظر إليها.

يعني أنا مش هحاسب على جوزتين يا صفاء أنتي اللي هتشيلي ليلة الجوزة دي لوحدك كفاية عليا شلت واحدة زمان مش هيكونوا اتنين الجوزة دي هتستحملي عواقبها أنتي مش أنا. ينهي حديثه ويذهب إلى خارج المنزل تنظر خلفه صفاء وتجلس على الأريكة وتبكي بقوة كبيرة وهي تتذكر حديث جبل واللي تفعله معه غصب عنها فهي تريد إن تجعله سعيد وهذا لم يحدث إن وكان يتزوج هذه الفتاة كما تعتقد هذه السيدة.

تخرج هذه الفتاة من الحمام وهي ترتدي روب الحمام وتذهب إلى غرفة الملابس وترتدي وتخرج وتذهب إلى الخارج وتسرح شعرها وتفعل روتينها سريعاً وتذهب إلى الخارج لكي تذهب إلى عملها وهي تريد إن تخرج من هذا القصر اللي لم تطيق إن تبقى به لحظة واحدة وتنزل إلى الأسفل وتراه يوجد عدد كبير من الأشخاص اللي يفعلون الزينة والتجهيزات إلى حفل الخطبة تنظر إليهم بغضب شديد وكانت إن تذهب إلى الخارج لكن تراه بالذي يقف أمام وجهها تنظر إليه وتقول بغضب شديد.

أنت بتعمل إيه أوعى عايزة أمشي. وكانت إن تذهب لكن يمسك يدها ويقول. مفيش طلوع من هنا يا غرام أنتي نسيتي كلام جدك ولا إيه. تسحب غرام يدها منه بعنف شديد وتقول بصوت عالي. متقربش مني يا حيوان أنت فاهم. كان أوس إن يتحدث لكن يسمعون اللي يقول. اطلعي على أوضتك من غير ولا كلمة يا غرام. تنظر غرام إلى صاحب الصوت تراه عثمان لتقول بغضب شديد. أنا عايزة أروح شغلي ومحدش هيقدر يمنعني.

وكانت إن تذهب لكن يضرب عثمان العصا في الأرض بقوة ويقترب منها ويقول بغضب وصوت قوي. أنا قولت اطلعي على أوضتك يا غرام وجهزي نفسك علشان خطوبتك أنتي وأوس بالليل. غرام بغضب برغم خوفها من عثمان إلى إنها لم تسمح بأنه يزوجها لهذا الشاب. لا أنا مش هتجوز الحيوان ده أنت متعرفش هو عمل معايا إيه وأنا مستحيل أكون لواحد زبالة زي ده.

قطع حديثها هذا الكف اللي نزل على وجهها بقوة كبيرة تضع غرام يدها على وجهها وهي لم تستوعب ماذا حدث وتنظر إلى من فعل ذلك وما سوى عثمان اللي قال بصوت عالي. أوس هيكون جوزك ومش مسموح تغلطي فيه مهما حصل واحمدي ربنا إنه وافق يتجوزك بعد كل اللي عملتي. تنظر إليه غرام وتنزل والدتها في هذا الوقت وتنظر إلى غرام وتركض إليها وتقول بغضب شديد وهي تنظر إلى والدها.

بنتي معملتش حاجة فهم بقى شوية غرام عمرها ما تعمل كده ومش هتتجوز يا عثمان مهما حصل مش هخليها تتجوز أوس. تنهي حديثها وتسحب غرام معها إلى الأعلى وينظر خلفها أوس بغضب وينظر إليه عثمان ويقول. روح جهز نفسك يا أوس. ينظر إليه أوس ويقول بغضب. أنت مش شايف عمتك وغرام بيعملوا إيه يا جدو. عثمان بغضب أشد. أنت اللي يفرق معاك إنك تتجوز غرام يا أوس ملكش دعوة بحاجة تانية ويلا روح اعمل اللي قولتلك عليه.

ينهي حديثه ويذهب إلى غرفته وينظر خلفه أوس وهو يغضب منه ومن لين وغرام اللي لم تقبل به إلى الآن وهذه الطريقة تجعله يغضب منها أكثر وتجعله يريد إن يقتلها بالفعل. كانت تجلس بين أحضان والدتها وهي تبكي بقوة كبيرة وتقول. أنا مش هتجوزه يا ماما مش هتجوزه حرام عليكم متعملوش فيا كده والنبي أنا مش عايزة أتجوز. تنظر لين أمامها وتضم غرام بقوة أكبر وتقول.

اطمني يا غرام مش هسمح إنك تتجوزي أوس طول ما أنتي رافضة ده مش هخلي يحصل اهدي واطمني أنتي. تبكي غرام بقوة أكبر وتقول. جدو بقى وحش أوي يا ماما وضربني النهاردة علشان أوس أنا عايزة أمشي من هنا مش عايزة أفضل مع جدو تاني مش عايزة أبقى في البيت ده بعد كده.

تأتي فكرة إلى عقل لين وهي تسمع حديثها لكن تتذكر شيء لتغلق عينيها بقوة كبيرة وهي تفكر في هذا اللي أتى به في عقلها لكن وتنظر أمامها وهي لا ترى حل آخر لكي تجعل ابنتها لا تتزوج هذا الشاب اللي لم تريده تلاحظ غرام شرود والدتها الشديد لتبتعد عنها وتقول. مالك يا ماما. تنظر إليها لين وتمسح دموعها وتقول. مفيش يا حبيبتي ارتاحي دلوقتي وأنا هرجعلك بعد شوية يا غرام خليكي هنا ومتطلعيش من الأوضة.

تستغربها غرام بشدة وكانت إن تتحدث لكن تنهض لين وتذهب إلى الخارج وتدخل غرفتها وتنظر حولها وهي تفكر ماذا تفعل الآن وتذهب إلى الألبوم وتفتحه وتخرج صورة وتنظر إليها وتقول. معقول هتجبر أبعت بنتي ليك علشان تحميها معقول جاء اليوم اللي بنتك تحتاجك وتكون محتاجة تكون جانبها. وتنظر أمامها وتقول. بس هو هعمل إيه بعد ما يشوف غرام بعد السنين دي معقول معقول يرفضها ويخليني أندم إني بعتها ليه بعد كل ده.

يدق قلب لين بخوف شديد على ابنتها فهي لا تعلم ماذا سوف يحدث بها إذا ذهبت إلى والدها الآن وهل هو ماذا يفعل معها هل سوف يستقبلها بحب أم إنه يرفضها ويكرهها تغلق لين عينيها وتنزل دموعها بغزارة شديدة وهي لا تعرف ماذا تفعل بكل هذا فهي لا تستطيع إن تاخذ ابنتها وتذهب بها بعيد عن كل هذا ولا تستطيع إن تجعلها تتزوج بهذه الطريقة.

يقف السيارة وينزل منها وينزلون جميع الأشخاص اللي كانوا معه وكان يصلهم إلى هذا المكان ينظر إلى اللي يجلس على الكرسي بهذا المكان القهوة وهو يشرف من الشيشة بشرها شديدة وهو ينظر أمامه يشعر بأن به شيء غريب وبأنه يغضب يشير إلى هذا الشاب اللي يعمل بهذه القهوة ويركض إليه هذا الشاب ويقول. أمرني يا موسى. يضع موسى يده على كتفه ويقول. مال جبل يا سوسته هو حصل حاجة هنا ولا إيه. ينفي سوسته ويقول.

لا محصلش حاجة بس هو متعصب من الصبح وأي حد يجي يتكلم معاه في حاجة يتعصب عليه تخيل إنه حلف إن عربيتين من بتوعكم يقفوا في الموقف النهاردة ومفيش واحدة فيهم تطلع وإن اللي شغالين عليهم يروحوا بيتهم ومفيش شغل ليهم النهاردة. يستغرب موسى ويترك سوسته ويذهب إلى جبل ويجلس على الكرسي بالعكس أمام جبل ويقول وهو ينظر إليه. مالك يا قاضي في إيه معاك.

ينظر إليه جبل ويأخذ نفس كبير بشدة من الشيشة ويكتم الدخان في فمه ولم يخرجه ليعرف موسى على الفور بأن جبل وصل إلى حد كبير من الغضب الشديد اللي لم يصل إليه سوى مرات قليلة بشدة ليقول موسى. إيه يا جبل مالك يا صاحبي في إيه. ينظر جبل أمامه ويقول. ولا حاجة روح شوف شغلك يا موسى علشان عايزك في كم حاجة بعد ما تخلص. يضرب موسى الطاولة ويقول بغضب. في إيه يا جبل ما تكلمني زي ما بكلمك يا عم في إيه أنت متخانق مع مين كده.

ينظر جبل إليه ويأخذ نفس كبير من الشيشة ويقول ببرود. روح اعمل اللي قولت عليه يا موسى يلا. ينهض موسى بغضب شديد منه وهو يعلم بأنه لم يقول إليه شيء الآن ويذهب إلى توك توك ويركب به ويقول. روح على البيت.

ينظر إليه جبل وينظر أمامه ويقود السائق إلى منزل جبل ويقف بعد قليل وينزل موسى وهو لا يريد إن يقعد مع جبل لكي لا يتشاجر معه فهو يتأكد بأنه إذا بقى أكثر بتأكد سوف يتشاجر معه من طريقته الآن يصعد موسى إلى الأعلى وكان إن يصعد إلى شقة والده لكن يقف أمام شقة جبل ويفكر قليلاً ويدق على الباب وتفتح له حبيبة ويدخل موسى ويقول وهو ينظر إلى أركان المنزل. فين أمك يا حبيبة. حبيبة بغيظ شديد.

قافلة على نفسها الأوضة ومش راضية تفتحني ولا تكلمني حتى. يفهم موسى الآن بأن جبل بتأكيد يتشاجر مع والدته ويذهب إلى باب الغرفة ويدق عليه ويقول بصوت عالي لكي تسمعه. إيه يا صفاء قافلة على نفسك ليه أوعي تكوني بتعملي حاجة يا ولية علينا الطلاق أزعل. صفاء بغضب من الداخل. اسكت يا حيوان وروح من هنا يلا. يبتسم موسى ويقول. طب افتحي ياماما عايز أشوفك يا ولية.

لا ترد عليه صفاء ولا يسمع موسى صوتها وكان إن يتحدث لكن يراها تفتح الباب وتدخل إلى الداخل دون كلمة واحدة فهي لا تستطيع إن تحزنه منها لذلك فتحت له لكي يراها كما يريد ينظر إليها موسى وينظر إلى حبيبة ويرسل إليها قبلة في الهواء ويقول. أختي حبيبتي اعمليلي أكلة على السريع لحد ما أشوف الولية دي بس بسرعة علشان عايز أنام. تبتسم حبيبة وتقول. ماشي بس شوفها الأول واطلع بسرعة علشان تقولي مالها. يدخل موسى الغرفة ويقول.

ليه يا بت شايفني عصفورة ولا إيه. حبيبة بخبث. ما يا عصفورة يا مفيش أكل يا حبيبي وخلي أمك تيجي تعملك بقى. ينظر إليها موسى باشمئزاز متصنع ويقول. كلبة ومصاصة غوري يا بت اعملي لقمة أحسن ما أطلع أعلم على قفاكي شكل الضرب وحشك أوي. تضرب حبيبة قدمها في الأرض بغضب طفولي وتقول. امشي يا موسى وأنا مش هعمل أكل لحد أنا النهاردة إجازة شوفوا حد غيري يعملكم أكل.

تنهي حديثها وتذهب إلى غرفة بدر لتجلس بها ينظر خلفها موسى وينظر إلى صفاء اللي تجلس على السرير وهي تنظر إلى شيء بيدها ويقول. بنتك شايفة نفسها ومش عايزة تعملي أكل يا صفاء يرضيكي كده. تنظر إليه صفاء وتبتسم بحزن شديد وتقول. هعملك أنا يا حبيبي.

ينظر موسى إليها ويغلق الباب وينظر إلى الشيء اللي بيدها ويرى صورة ليستغرب ويسحبها منها وينظر بداخل هذه الصورة وتتغير ملامحه من استغراب إلى الغضب الشديد وهو ينظر إلى هذه الصورة وينظر إلى صفاء ويقول بغضب شديد. إيه اللي جاب الصورة دي هنا يا صفاء. تدخل الغرفة على صراخ ابنتها وهي تقول بصراخ عالي. غوري بره بالأرف ده أنا مش هلبس ولا هعمل حاجة امششششششي مممممممن وششششششي.

تنظر إليها لين وتنظر إلى الخادمة اللي تصرخ بها غرام وتراها بيدها فستان الخطبة لتعلم بأن والدها اللي أتاه به لغرام وتقول الخادمة بخوف شديد باللغة الإنجليزية. من فضلك ارتدي هذا الفستان سيدتي السيد عثمان سوف يقتلني إذا ذهبت إليه الآن. كانت غرام إن تتحدث لكن تقول لين. سيبي الفستان هي هتلبسه اطلعي أنتي دلوقتي. أومأت لها الخادمة وتذهب تضع الفستان على السرير وتنظر غرام إلى لين بغضب شديد وتقول بصوت عالي.

أنتي بتقولي إيه يا ماما أنا مش هلبس حاجة ولا هنزل. تذهب لين إليها وتذهب الخادمة إلى الخارج وتغلق الباب خلفها وتقول لين بهدوء وهي تنظر إلى غرام. غرام ممكن تسمعيني وتفهمي كلامي كويس. تفهم غرام إن والدتها قد وافقت على زواجها من أوس لتركض إلى طبق الفاكهة اللي يوجد على الطاولة وتسحب السكين بسرعة وتقول بغضب شديد وهي تضع السكين على يدها. أنا مش هتجوز أوس يا ماما الأحسن إني أقتل نفسي قبل ما أكون مرات الزبالة ده.

تتفزع لين بشدة وتقول بغضب وخوف شديد. غرام أنتي بتعملي إيه نزلي السكينة دي أوعي تعملي كده يا غرام أوعي. تغرز غرام السكين في يدها قليلاً وتتألم بشدة وتقول وهي تنظر إلى لين. أنا مش هتجوزه يا ماما أنا مش بطايقه وإني أموت أهون عليا مليون مرة من إني أتجوز واحد زيه. تركض لين بسرعة إليها وتمسك يدها بسرعة كبيرة وترمي السكين بعنف من يدها وتمسكها من ذراعها وتقول بصوت عالي وهي تهزها بقوة. أنتي هتعملي إيه يا غرام أنتي اتجننتي.

تنزل دموع غرام بغزارة شديدة وتقع على الأرض وتقع والدتها معها وتضمها بقوة كبيرة وتقول غرام بدموع شديدة. أنا مش عايزة أوس يا ماما حرام عليكي تعملي فيا كده علشان خاطري أنا هموت لو اتجوزته بجد حرام عليكم والله. تبكي غرام بقوة كبيرة وتضمها والدتها بجميع قوتها وتقول. مش هخليكي تتجوزي يا غرام اطمني وثقي فيا شوية واسمعي كلامي كويس علشان جدك ميجبركيش تتجوزي. تبتعد غرام عنها وتنظر إليها وتقول.

قوليلي أعمل إيه وأنا هعمله بس أهم حاجة متجوزش أوس يا ماما قوليلي أعمل إيه بسرعة. تحيط لين وجه غرام بيدها وتمسح دموعها وتقول. أنتي لازم تروحي لأبوكي يا غرام.