رواية غرام القاضي الفصل السابع 7 - بقلم بيري الصياد

جبل حاجبه ويقول: عايزه ليه يا أختي؟ غرام بغضب: قولتلك عايزه بابا وهو اسمه صابر العدلي. جبل بغضب شديد: هاتي بطاقتك ولا أي حاجة تثبت إنك بت صابر يا بت ومش عايز أسمع نفسك، اخلصي. تخرج غرام ورق من حقيبتها الصغيرة وتعطيها إليه وهي تخاف من صوته، ويسحب جبل الورق منها بعنف وينظر بداخلهم ويراه ورق يثبت بأنها ابنة صابر العدلي بالفعل، لينظر إليها يراها وهي تاخذ منه الورق وتقول: شكلك مش عارف حاجة هنا، أنا هشوف حد غيرك.

وكانت إن تذهب لكن يسحبها جبل ويجلسها على كرسي ويقول بصوت عالي قبل إن تتحدث غرام: اترسعي هنا لحد ما نشوف المصيبة اللي جاية منها. نهي حديثه ويخرج هاتفه ويدق على أحد ويرفع الهاتف على أذنه، وتنظر غرام إليه وهي تخاف من صوته العالي وتسمعه يقول: أنت فين يا موسي؟ موسي باستغراب: في إيه يا جبل؟ جبل بغضب وهو ينظر إلى غرام: في مصيبة، تعال شوفها قبل ما أقتلها أنا، على القهوة، انجز.

تتصدم غرام من حديثه وكانت إن تنهض لكن ينظر إليها جبل بنظرة أخفتها بشدة، لتنظر بعيد عنه ولا تتحدث، ويغلق جبل الهاتف ويرميه على الطاولة وينزع الجاكيت اللي يرتديه ويرميه عليها ويقول: استري نفسك لحد ما نشوف آخرتها معاكي. غرام بغضب شديد: تقدر تقولي إيه اللي بتعمله ده؟ أنت مين علشان تعمل كل ده؟ يضع جبل يده على الكرسي ويقترب منها بشدة وينظر إلى مقدمة صدرها اللي تظهر أمامه، وينظر إليها ويقول:

صوتك معايا يكون واطي يا حلوة، أحسن ما أخليكِ يوحشك، تلبسي الجاكت ده وتقفلي عليكِ من غير ولا كلمة لحد ما أسلمك، فاهمة؟ تنظر إليه غرام وهو قريب منها لهذه الدرجة وهي تغضب منه بشدة، ويبتعد جبل عنها ويقول بصوت عالي: هات الشيشة يا سوسته! تنظر إليه غرام وتنظر إلى جميع النساء اللي ينظرون إليها، وتنظر إلى ملابسهم اللي عكس ملابسها تمامًا لتفهم الآن ليه ينظرون إليها الجميع بهذه الطريقة،

وترتدي هذا الجاكيت وتغلقه عليها فهي لا تريد إن تفعل مشاكل وهي لا تعلم ماذا يحدث بها. يأتي سوسته بالشيشة ويضع الفحم عليها، وبعد فترة قصيرة يأتي موسي إلى جبل ويقول وهو لا يلاحظ وجود غرام: في إيه يا جبل؟ يأخذ جبل نفس كبير من الشيشة اللي أمامه ويقول وهو يشير باللي بيده على غرام: شوف مصيبتك يا خويا. يستغرب موسي بشدة وينظر إلى غرام ويتصدم ويقول: إيه المذة دي يخربيتك، أنت جابتها منين دي؟ يضربه جبل خلف رأسه بقوة كبيرة ويقول:

علشان تعرف إن كله سلف ودين، دي أختك يا حيوان! يتصدم موسي بشدة وينظر إلى غرام بسرعة، وتنهض غرام وهي تتصدم بشدة ولا تستوعب شيء فهي لا تعرف بأن يوجد لديها أخ ولم تقول إليها لحد هذا الشيء، وينظر موسي إلى جبل ويقول بغضب شديد: أختي إيه يا جبل، أنت هتصيع عليا ولا إيه؟ جبل بغضب أشد: أصيع إيه يا $$$، أمك دي بت صابر، وعلي ما افتكر إن أمها أطلقت من أبوك وكان معاها بت يعني مش محتاجة كل ده.

ينظر موسي إلى غرام اللي لم تستوعب شيء وينظر أمامه ويمسح على شعره، وكان إن يذهب فهو لا يعرف ماذا يفعل ولا يريد إن يفعل شيء الآن لكن يمسكه جبل ويقول: خد أختك لأبوك يا موسي، وبعدين نبقى نتكلم. ينظر إليه موسي وينظر إلى غرام ويقول: خدها أنت يا جبل، أنا عندي مشوار هخلصه وهرجع. وكان إن يذهب لكن يسحبه جبل بقوة ويقول بغضب شديد: أنا قولت أتنيل خد أختك، انجز يا موسي يلا، أنا مش ناقص هم، خدها لأبوك، مينفعش تسيبها،

اظبط عقلك شوية. ينظر إليه موسي، وتبلع غرام ريقها بصعوبة وينظر إليها موسي ويقول: أنتِ عرفتِ مكانا إزاي؟ تنظر إليه غرام وتقول: ماما عطيتني العنوان. يبتسم موسي ابتسامة لا يفهمها سوا جبل ويقول: تعالي معايا يلا. غرام بتوتر تحاول تخفيه: لا أنا هروح لوحدي. يرفع جبل حاجبه ويقول: وهتروحي لوحدك إزاي يا حيلت أمك؟ غرام بغيظ شديد منه: هاخد تاكسي وهروح عادي، دي مش محتاجة تفكير. ينظر جبل إلى موسي ويقول:

أنتوا عندكم حد في العيلة أهبل يا موسي؟ يبتسم موسي ويقول: لا وعلى يدك. ينظر جبل إلى غرام ويقول: يبقى عندك خال أهبل أكيد، ما يا كده يا ده تخلف عقلي ملهوش علاج. غرام بغضب شديد: أنت بتقول إيه؟ يبتسم جبل ببرود ويقول: لآخر مرة هقولك صوتك، علشان المرة الجاية هعمل حاجة هتزعلك أوي. نهي حديثه ويقول وهو يذهب إلى التوكتوك: هات البتاعة دي وتعال يا موسي، خلينا نخلص من أم ليلتكم السوادة دي. تنظر خلفه غرام بغضب شديد

وتقول وهي تنظر إلى موسي: مين ده؟ أنا مش هروح مع حد، أنا رايحة لوحدي. وكانت إن تذهب لكن يمسكها موسي بسرعة وينظر إليها ويقول بهدوء: تعالي هوديكِ عند أبوكِ يا... قطع حديثه وهو لا يعرف ما هو اسمها، لتنظر إليه غرام وتقول: غرام. يبتسم موسي بحزن ووجع شديد فهو لا يعرف اسم الفتاة اللي من المفترض تكون شقيقته ويقول: تعالي يا غرام. نهي حديثه ويمسك الحقيبة ويسحبها ويسحب غرام اللي لا تعرف ماذا تفعل الآن،

ويركبوا التوكتوك ويقول جبل اللي يجلس في الأمام مع السائق: اطلع يالا على البيت. السائق وهو يستعد لقيادة: تأمرني يا قاضي. تنظر غرام إليه وهي تستغرب هذا الاسم بشدة، ويقود السائق التوكتوك وينظر موسي إلى جبل من المراية وينظر إليه جبل ويغلق عينيه بأنه يصبر قليلاً، ويصلون بعد قليل وينزل جبل وينزل موسي ويقول جبل وهو ينظر إلى غرام: الهانم مستنية المحطة الجاية، ما تنزليش يا بت، انجزي. تغضب غرام من هذا الشاب بشدة وتنزل

من التوكتوك وتقول بغضب: أنت مالك ومالي يا عم، أنت بتعاملني كده ليه؟ وبعدين قولتلك متقولش بت، دي أنا مش بت. يرفع جبل حاجبه ويقول بوقاحة شديدة وهو ينظر إليها من الأسفل إلى الأعلى: وهو اللي زيك هيصبر ما أكيد مش هتكوني ب... قطع حديثه موسي اللي قال بغضب شديد: جبببببببببببببببببببببل بس! ينظر إليه جبل ويبتسم ويذهب إلى الداخل، تنظر خلفه غرام وهي لا تطيق هذا الشاب اللي كرهته بشدة من طريقته وحديثه معها، وينظر موسي إليها

ويمسح على شعره ويقول: تعالي يلا يا غرام. تنظر غرام حولها إلى هذه الحارة الشعبية اللي يوجد بها عدد من النساء يجلسون أمام منزلهم، ويوجد أطفال تلعب وينظرون إليها الجميع وهم يستغربون ويتساءلون من هذه الفتاة ولماذا تأتي مع جبل وموسي، وتذهب غرام مع موسي ويذهبوا إلى الداخل ويصعد موسي معها إلى الطابق الأول، ويرون صفاء وحبيبة وبدر يقفون أمام الباب بعد إن رأت حبيبة هذه الفتاة اللي تدخل مع أشقائها،

وقالت إلى صفاء وبدر اللي نظر إلى غرام بصدمة شديدة ويقول بصوت عالي: يا دين أمي إيه ده كله؟ تتفزع غرام من صوته بشدة وتنظر إليه وتقول: في إيه؟ يذهب بدر ويقف أمامها ويقول وهو مازال ينظر إليها بعدم تصديق: أقرصيني. تستغرب غرام بشدة من طلبه، ويقرصه جبل بقوة كبيرة ليصرخ بدر بوجع شديد ويقول جبل: اخلص يا ابن الوسخة واسكت. تنظر إليه غرام، ويعود بدر إلى الخلف بهيام شديد ويقول وهو مازال ينظر إلى غرام:

يعني أنا مش بحلم وأنتِ حقيقية وبجد؟ تستغرب غرام هذا الشاب بشدة وتقول: أومال هكون إيه؟ يضع بدر يده أسفل دقنه ويقول بهيام وإعجاب شديد: ملاك نازلة من السما أو حورية جاية من البحر، حاجة محصلتش على الكوكب لسه، أنتِ مستحيل تكوني بشر زينا، لا ده أنتِ كوكتيل حلويات في بعض، يخربيتك قشطة بزبادي وع... قطع حديثه جبل اللي صفعه بقوة كبيرة ويقول بصوت عالي: في إيه يا $$$$؟ مسورة وما صدقت إنفجرت في المكان،

ما كفاية يا حيلتها مش ناقصين محن ال$$$$$ ده على الصبح؟ تنظر إليه غرام وهي تتصدم من هذه الألفاظ اللي تسمعها لأول مرة في حياتها، ويقول بدر بغضب وغيظ شديد: يا شيخ حرام عليك، معقول تضربني قدام الورد البلدي ده؟ نهي حديثه وهو ينظر إلى غرام اللي لم تستوعب اللي بها الآن فهي تتعرض لأشياء لم ترها بحياتها، وتقول صفاء وهي تنظر إليها: مين دي يا جبل؟ ينظر جبل إليها ويقول: دي بت الحج صابر ياما.

تتصدم صفاء بشدة وتنظر إليه وتنظر إلى غرام اللي نظرت إليها وهي لا تعرف من هذه السيدة، وتنظر صفاء إلى موسي اللي قال: يلا تعالي يا غرام. يركض بدر على الدرج ويقول: لا ده أنا عمي صابر وحشني أوي، ولازم أروح أشوفه بسرعة، حبيبة هاتي هدومي كلها لشقة عمي صابر، أنا هعيش معاه من النهاردة. ينفخ موسي بقوة كبيرة ويصعد على الدرج ومعه غرام، ويذهب جبل كي يأخذ بدر من شقة صابر ولكي يعلم ماذا سوف يفعلون موسي وصابر مع هذه الفتاة،

وتركض حبيبة هي الأخرى كي ترى هذه الفتاة، وتنظر خلفهم صفاء وتغلق الباب وتذهب إلى الأعلى، ويقفون الجميع أمام شقة صابر ويدق بدر على الجرس بعنف شديد وهو لم يتركه، ويسمعون الجميع صوت من الداخل يقول فهو يعلم بأن هذا بدر فهو الوحيد اللي يفعل ذلك: بس يا بدر يا حيوان، هتحرق الجرس يا $$$. يخبط بدر على الباب بقوة ويقول بصوت عالي: افتح يا صابر، مش وقت شتيمة دلوقتي، أنا جايبلك هدايا تسوي مليون جنيه. وينظر

إلى غرام ويقول بهيام شديد: مليون إيه، دي كنوز الدنيا كلها متجيش ربع تمنها. تبتسم غرام لأول مرة منذ فترة طويلة على هذا الشاب المختل عقليًا بتأكيد، ويضرب موسي بدر خلف رأسه بقوة كبيرة ويقول: اتلم يا زبالة. يضع بدر يده مكان الضربة ويقول: منكم لله يا شيخ، تشوفوا في عيالكم يا رب. يفتح صابر الباب وينظر إلى جبل وبدر اللي أمامه ويقول: في إيه يالا، منك لي إيه، اللي جايبكم دلوقتي؟ حساس إن في مصيبة معاكم.

جبل وهو يذهب إلى الداخل: متحسش يا صابر، أتأكد يا غالي، أهي المصيبة، ربنا يكون في عونك فيها. ينظر خلفه صابر باستغراب وينظر إلى موسي وكان إن يتحدث لكن تأتي عيونه على غرام، ويدق قلبه بعنف وقوة شديدة لا يدق بها منذ فترة طويلة بهذه الطريقة، تنظر إليه غرام وتشعر بشعور غريب عليها بشدة وهي تنظر إلى هذا الرجل اللي لم يستطع إن ينظر بعيد عنها، ويمسك موسي يد غرام ويقربها من صابر ويقول: دي غرام بنتك يا حج صابر.

يتصدم صابر بشدة وينظر إليه وينظر إلى غرام اللي نظرت إلى صابر اللي كان إن يقع من تعبه بعد إن راه هذه الفتاة، لكن يمسكه موسي بسرعة ويقول: إيه يا بابا أنت كويس؟ تعال. نهي حديثه ويسنده معه إلى الداخل وتقول صفاء: اعملي مية بسكر لعمك يا حبيبة. تركض حبيبة إلى المطبخ، ويجلس صابر على الأريكة وينظر إلى غرام ويعود إليه جميع الماضي أمامه ليغلق عينيه بقوة ووجع شديد يحاول إن يخفيه دائمًا، وينظر إلى غرام ويمد يده إليها،

تنظر إليه غرام وتنظر إلى الجميع وهي لا تعرف ماذا تفعل ويقول موسي: تعالي يا غرام. تقترب غرام ببطء شديد من صابر وتمد يدها وتمسك يده، ويقربها صابر منه ويجلسها بجانبه وينظر إليها ويضع يده على شعرها ويمسح عليه، وهو يشعر بأنه يرى معشوقته اللي كان يعشقها بشدة وهي صغيرة، ويضم غرام بقوة كبيرة، تتصدم غرام من فعلته في البداية لكن ترفع يدها وتضعها على ظهره فهذا والدها،

وبرغم بأنها لا تعلم لماذا تركها كل هذه السنوات إلى إنها شعرت بمشاعر رائعة بشدة، تغلق عينيها بقوة كبيرة، ويمسح صابر على شعرها ويقول. شبه أمك أوي يا غرام. ينظر إليه موسى وكأنه ان يذهب إلى الخارج لكن يقول جبل وهو يعود بظهره إلى الخلف. اقعد يا موسى عايزك. ينظر إليه موسى ويجلس بجانبه ويشبك يده ببعض وهو ينظر إلى الأرض وتبتعد غرام عن صابر وتقول. يعني أنت بابا؟ يميل جبل على موسى ويقول.

عليا الحلال من ديني أبوك ده جاحد دي البت عليها واحدة بابا تجيب أزمة قلبية أنا لو سمعتها منها بنبرة دي مش بعيد أطوب ساكت. موسى وهو يجزّ على أسنانه بقوة. طب افتكر إنها أختي يا خويا. ينظر جبل إلى غرام الذي تتحدث مع صابر ويقول. اختك عايزة تربية من الأول وجديد تسمع مني. ينظر إليه موسى باستغراب ويقول. في إيه؟ جبل بغمزة وقحة. اختك فرس محتاجة خيال وأنت عارف صاحبك في الحاجات دي معندهوش ياما أرحمني جوزهاني أربيها وأر.

قطع حديثه موسى الذي قال بغضب شديد. جبل بقولك أختي في إيه يا عم؟ ينظرون إليه الجميع ويقول بدر بخبث. إيه يا موسى هو حد جاء ناحية أختك ما إيهي قاعدة قمر في مكانها ولا ميكونش القاضي ناوي يعمل عليك فيها؟ ينظر إليه موسى بغضب شديد ويقول. أتصدق يا لأ إنكم عيلة وسخة صح وأبن كلب اللي يقعد معاكم.

نهى حديثه وينهض ويذهب إلى الخارج ينظر خلفه جبل ويبتسم وهو يعلم بأنه يريد أن يذهب من أن صعد واستغل هذه الفرصة لكي يذهب الآن وينظر إلى غرام وينهض يذهب إلى الخارج هو الآخر وتنظر خلفهم غرام وهي لا تعرف ماذا يحدث الآن وترى بالذي تضع يدها على شعرها بحنان وتقول. أنتي بت لين؟ تنظر إليها غرام وتقول. أنتي تعرفي ماما؟ تنزل دمعة من صفاء وتقول. كانت صاحبتي أوي احنا عشنا أحلى سنين في البيت ده. تنهض غرام وتقول.

وأنتي بتعيطي ليه دلوقتي؟ تضمها صفاء بقوة كبيرة وتقول. علشان أمك وحشتني أوي وهي واطية مسالتش عليا من يوم ما مشيت من هنا. تضع غرام يدها على ظهرها وتضمها وتقول. هي مشغولة على طول. تبتسم صفاء وتبتعد عنها وتضع يدها على وجهها وتقول. لما تكلميها خليها تكلمني يا غرام. أومأت لها غرام وتقف حبيبة أمامها وتقول بحماس. أنتي أخت موسى؟ أومأت لها غرام وقالت. المفروض. تضحك حبيبة وتقول.

أنصحك أتبري من العلاقة دي من دلوقتي علشان هو غبي أوي. تستغرب غرام وتقول. يعني إيه؟ بدر وهو يضع يده خلف رأسه مكان ضرب موسى إليه. ليه أنتي مش شفتي عمل معايا إيه المفتري الظالم ده؟ تضحك غرام وتقول. أنتي تستاهل الصراحة. ينظر إليها بدر بزهول ويقول. يعني بعد ما اتضربت من التورين علشانك تقوليلي أستاهل يعني بذمتك ده يرضي ربنا تاخدني لحم وترميني عظم كده؟ غرام باستغراب. يعني إيه؟

حبيبة وهي تسحبها معها إلى الغرفة الفارغة في الشقة. لا أنتي تعالي معايا ننضف أوضتك واقولك يعني إيه. تبتسم غرام وتذهب معها وهي تشعر براحة لهذه العائلة وتنظر صفاء إلى صابر الشارد وينظر أمامه ولا يفعل شيء وتقول. مبروك رجوع بنتك يا صابر. ينظر إليها صابر وأومأ لها دون أن يتحدث وتفهم صفاء مشاعره بشدة لتقول. يلا ننزل يا بدر. نهت حديثها وتذهب إلى الخارج ويذهب معها بدر ويغلقون الباب وينظر صابر أمامه ويقول في داخله.

إيه اللي يخلي بت عثمان تبعت غرام بعد كل السنين دي وازاي قبلت إنها تسيبها كده مخفتش عليها في حاجة لازم أعرفها. نهى حديثه وينظر إلى الغرفة اللي توجد بها غرام وحبيبة وهو يسمع صوت ضحكات غرام مع حبيبة ليبتسم وينظر إلى سطح الغرفة ويتنهد بقوة وثقل شديد على قلبه وهو لا يعرف ماذا يفعل الآن.

كانت تجلس على السرير وهي تنظر إلى الصورة اللي بيدها ودموعها تنزل بغزارة شديدة فهي لا تعرف تطمن على ابنتها ولا تعرف فهل هي وصلت إلى والدها أم ماذا حدث بها ترى هاتفها يدق لتنظر إليه وتمسكه بسرعة وتفتح على الرقم وتقول. إيه وصلت؟ تسمع الطرف الآخر لتبتسم بفرحة وتقول. طب الحمدلله خلي بالك منها كويس علشان خاطري هي صغيرة يا حبيبي ومش عارفة حاجة. وتنتظر لتسمع الطرف الآخر لتضحك بقوة وضحكة لم تخرج منذ فترة وتقول.

خلاص ماشي بس علشاني أنا خلي بالك منها كويس ومتخليش حاجة تديقها غرام حساسة أوي وبتزعل من أقل حاجة. تسمع الطرف الآخر وتبتسم وتقول. ماشي أبقى طمني عليها علشان خاطري. وتسمع هذا الشخص وتغلق الهاتف وتنظر أمامها وتبتسم وكانت ان تنهض لكن ترى بالذي يدخل الغرفة بعنف شديد ويقول بغضب شديد. كنتي بتتكلمي مع مين يا لين؟ تنفزع لين من صوته وتغلق هذا الألبوم بسرعة وتنهض وتقول. في إيه يا بابا أنت بتتصنت عليا ولا إيه؟

يذهب عثمان إليها ويمسكها من ذراعها بقوة كبيرة ويقول بصوت عالي. كنتي بتكلمي مين يا لين أنطقي قبل ما أقتلك كنتي بتكلمي مين؟ تنظر إليه لين وتقول بغضب شديد. ياريت تقتلني فعلا يا عثمان اقتلني علشان أرتاح منك ومن اللي بتعمله اقتلنننننننننننني ياااااااا مستني إيه؟ نهت حديثها بصراخ عالي بشدة ويرميها عثمان على السرير وكان ان يأخذ هاتفها لكن تمسكه لين وتقول بصوت عالي.

والله لو ما طلعت دلوقتي لا أقتل نفسي يا عثمان هقتل نفسي وهرتاح منك دلوقتي. ينظر إليها عثمان ويعلم بأنها تفعلها بتأكيد ليذهب إلى الخارج وهو يقرر أن يعلم من الذي كانت تتحدث معه لين الآن تنظر خلفه لين وتبكي بقوة وعنف شديد وهي تتعب بشدة من كل ما يحدث فهي كانت تخفي وجعها لأجل ابنتها اللي ذهبت ولم تبق معها الآن وهي لم تعد تتحمل شيء بالفعل.

يدخل إلى هذا المنزل القديم اللي يعلم بأن صديقه به الآن وينظر إليه يراه يجلس وهو ينظر أمامه والغضب الشديد واضح عليه بشدة ليذهب إلى خزانة توجد في هذا المنزل ويخرج منها سيجارة ويضعها في فمه ويغلق هذه الخزانة ويقول وهو يشعل السيجارة. مالك يا لأ مش مبسوط إن أختك رجعت ولا إيه؟ موسى بغضب شديد. لا ازاي ده أنا طاير من الفرحة من رجوعها. يرفع جبل حاجبه ويأخذ نفس كبير من السيجارة ويقول.

ده المفروض لو عندك دم بس الواضح إن مفيش دم خلاص. ينهض موسى ويضرب زجاجة توجد على الأرض بقدمه وكان ان يذهب لكن يمسكه جبل من كتفه ويقول. مالك يا موسى ليه رجوع أختك مخليك متعصب كده دي أختك من لحمك ودمك يعني المفروض تكون مبسوط أنها هتكون في بيتكم وهتقدر تلمها بدل ما هي فاتحاها على البحري كده؟ يلف موسى إليه ويقول بصوت عالي.

رجوع غرام هيدي فرصة لرجوع لين وصابر لبعض تاني يا جبل غرام فرصة جات ليهم على طبق من دهب علشان يرجعوا تاني وأنا مستحيل أسمح إن ده يحصل. يبتسم جبل ويقول. ليه لا يا موسى أبوك كان بيحب لين ومازال وأنت عارف ده كو. قطع حديثه موسى الذي قال. لااا يا جبل صابر كان بيحبها زمان لكن دلوقتي لا وأنا مش عايزهم يرجعوا لبعض كفاية الخساير اللي خسرناها بسبب أم الجوزاه دي ومش ناقصين حاجة تانية دلوقتي. يخبط جبل على كتفه بقوة ويقول.

سيبها على الله يا موسى وبعدين اللي رجعت أختك مش لين يعني مش مستاهلة كل اللي بتعمله ده خليك مع أختك وهاتلها متر قماش يسترها على حسابي احنا مش ناقصين ذنوب كفاية اللي شايلينا مش هتيجي أختك تدخلنا جهنم الحمرا. موسى بسخرية. لا وأنت بتحلم تشوف حاجة غير جهنم الحمرا يا قاضي ده أنت تحمد ربك لو لقيت مكان فيها أصلاً. يلكمه جبل بخفة ويقول. طب يا خفيف روح شوف أختك وخليها تتلم علشان مطلعش عفاريتي عليها. موسى باستفزاز شديد.

وأنت مالك أنت ملكش دعوة بيها وسيبهالي أنا عارف هعمل إيه معاها وياريت متتكلمش معاها تاني. يأخذ جبل نفس من السيجارة ويقول بغمزة وقحة إلى موسى. أكيد مش هتكلم أنا مش بتاع كلام أنا بتاع أفعال وأنت عارف ده. وكان ان يذهب لكن يمسكه موسى ويقول. جبل أنت هتعمل إيه مع غرام في إيه؟ يسحب جبل ذراعه منه ويقول. في إيه يعني هربيها بس الحق عليا غلطان إني عايز أعمل ده؟ يبتسم موسى ويقول.

غرام مش قدك يا قاضي ملكش دعوة بيها وأنا عارف هتعاملها ازاي وكده كده مش هخليك تشوفها ولا تنزل عندكم أصلاً سلام. نهى حديثه ويذهب إلى الخارج ينظر خلفه جبل ويأخذ نفس كبير من السيجارة ويقول. أممم حلوة دي. وكان ان يذهب إلى الخارج لكن يسمع صوت هاتفه يدق لينظر إليه وينظر إلى الرقم وينفخ بقوة كبيرة ويفتح ويضع الهاتف على أذنه ويسمع الذي يقول بصوت عالي. فريدة بتولد يا جبل تعال علشان تشوفها بسرعة.

تخرج من الغرفة بعد أن تركتها حبيبة وقالت بأنها سوف تأتي إليها في الصباح لكي تجلس معها فهي أحبتها بشدة وكانت لا تريد أن تذهب لتجلس معها فهي ترتاح بشدة مع هذه الفتاة لكن حبيبة تحتاج أن تنزل لكي ترى والدتها إذا تحتاج شيء كانت ترتدي هذه الفتاة. وتنظر إلى صابر الذي يجلس على الأريكة وهو يفكر ومن الواضح عليه الشرود الشديد لتفكر قليلاً وتتذكر جملة والدتها إليها. لما تروحي لأبوك هتعرفي كل حاجة يا غرام.

وتنظر أمامها وهي تريد أن تعلم كل شيء الآن وتعلم بأنها لا أحد سوف يقول إليها هذا عادة صابر من حديث والدتها لتذهب وتجلس بجانبه وينظر إليها صابر ويبتسم ويقول. في حاجة يا غرام؟ تبتسم غرام إليه وتقول. ماما قالت إني هعرف ليه سيبتني ومكنتش بشوفك طول السنين دي كلها منك أنت ليه أنت سيبتني كل ده وأنا مكنتش أعرف حاجة عندك؟ يضع صابر يده على شعرها ويقول. زي ما أمك سابت موسى ومتعرفش عنه حاجة ولا بتشوفوه يا غرام الوضع واحد.

تتصدم غرام بشدة فهي كانت تعتقد أن موسى ليس ابن لين وأنه ابن صابر فقط ولم تتوقع هذا الشيء فالين لم تتحدث عن موسى أم تقول إليها شيء وتقول غرام وهي تنظر إلى صابر. يعني موسى ابن ماما؟ كان صابر ان يتحدث لكن يسمع الذي يقول. لا مش ابنها لين أمك لوحدك مش أمي أنا أمي صفاء ومعنديش غيرها.