رواية غرام الرعد الفصل العاشر 10 - بقلم شهد مصطفى

فى بيت رعد دخل وهو شايل سيليا روما بغضب وغيره: مين ديه وبتشيلها ليه؟ رعد نزل سيليا وقال: هدور على مامتها لأنها تاهت. سيليا جت تسلم على روما زقتها ووقعت وبغضب: متقربيش منى وابعدى عن بابى. رعد قرب من سيليا اللى بتعيط وبزعيق: إزاى تعملى كده يا روما؟ اعتذرى. روما: مش هعتذر. وطلعت أوضتها. ريم قربت من سيليا اللى بتعيط وحضنتها: خلاص متعيطيش. سيليا حضنت ريم ورعد ابتسم وطلع عند روما ودخل لقى لعبها وكتبها مرميين فى الأوضة وروما قاعدة بتعيط. رعد قرب منها وقعد جنبها: ليه عملتى كده؟ روما بعياط: هتاخدك منى. رعد حضنها وبحب: إنتى وريم حبايب قلبى ومحدش يقدر ياخدنى منكم، فاهمة يا روما؟ روما حضنتة بقوة: بحبك يا بابى. رعد: وبابى بيحبك. غرام قدمت بلاغ باختفاء سيليا ورجعت البيت وهي بتعيط وفجأة جتلها رسالة. "بنتك عند أبوها" في بيت رعد سيليا كانت نايمة على السرير وخايفة لأنها بتنام في حضن غرام. فقامت وطلعت ودخلت أوضة رعد وكان نايم. سيليا: عمو عمو. رعد فتح عينيه: سيليا فيه إيه؟ سيليا: أنا بخاف أنام لوحدى، ممكن أنام في حضنك؟ رعد شدها وبقت في حضنه ومعداش وقت وسيليا كانت نامت. تاني يوم روما صحت وراحت أوضة رعد عشان تصحيه زي ما متعودة. لقيت سيليا في حضنه. سيليا: بابا. رعد فاق وسيليا كانت نايمة وبتهلوس. غطاها ونزل يحضر الفطار. وهو رايح المطبخ الباب خبط راح يفتح. رعد: غرام.