رواية غرام الصقر الفصل الخامس 5 - بقلم امنية ابراهيم

صقر خرج من غرفة غرام. أشرقت: أنا هدخل أطمن عليها. فعلاً أشرقت لبست ملابس معقمة ودخلت. أشرقت انهارت في البكاء على غرام اللي كانت شبه الميتة وهي نايمة على السرير والأجهزة حواليها. غرام دايماً بتضحك وتهزر وروحها مرحة، وأول مرة أشرقت تشوفها بالحالة دي. أشرقت قعدت جنبها على الكرسي ومسكت إيديها. أشرقت ببكاء: أوعي تسيبيني لوحدي يا غرام. أنا مش هقدر أعيش من غيرك لحظة واحدة.

يا اللي قومي عشان نروح، نصحي روح، يا اللي يا غرام مش هنروح عند طنط نرمين، مش هنروح عند رورو، مش هنروح نضايقها ونقعد نهزر معاها. مش هنقعد نتخانق مع ملاك وهي تقول لك: "أنتِ بتحبي أصحابك أكتر ما بتحبيني". أنا مش هقدر أعيش من غيرك، أنتِ وروح حياتي، من غيركم مفيش معنى. أنتِ روحي، أنتِ حياتي، معنى إنكم اللي مصبراني على الوحدة. أنا مش عارفة لو أنتم ما كنتوش موجودين لما ماما توفت، كنت هعيش إزاي.

أنتم اللي مصبراني على الحياة، تيجوا أنتم دلوقتي وتسيبوني لوحدي في اللحظة دي. أشرقت انهارت أكتر في البكاء ومسكت إيد غرام وعمالة تعيط كأنها بتترجاها عشان تصحى. وبعدها قربت على غرام وبستها في جبينها وطلعت بره. أشرقت: أنا هاروح أشوف روح عملت إيه، وأنت خلي بالك من غرام. عند روح، روح كانت في غرفة العمليات في نفس الدور اللي غرام موجودة فيه، بس في غرفة فاصلة بينهم.

كان كل اللي عند روح قاعدين عمالين يعيطوا، وأسد واقف قدام الغرفة ودموع عمالة تنزل من غير صوت. أشرقت: ما تخافش يا أسد، إن شاء الله روح هتطلع بالسلامة وهتبقى كويسة. بس أنت امسك نفسك بس حتى عشان مامتك. أسد: مش قادر. كل لما أفتكر اللي حصل، وأفتكر وهي واقعة على الأرض وسايحة في دمها، وإن كل ده حصل قدامي وأنا معرفتش أحميها، إن كل ده حصل بسببي.

لو هي ما كانتش طلعت ورايا عشان توقفني، ما كانش حصل كل ده، وكان زمانها دلوقتي في البيت بتضحك وفرحانة. أشرقت بدموع: ما تحطش اللوم على نفسك، ده نصيبها وقدرها. لو كان بيك أو من غيرك، كان برضه هو ده اللي هيحصل، أنت مالكش ذنب. بس أنت في إيدك حاجة تعملها. أسد: إيه هي؟ أشرقت: إنك تدعيلها، هي دلوقتي محتاجة الدعاء. فجأة وهما بيتكلموا، خرج الدكتور. أسد بلهفة وكل اللي حواليه جريوا أول ما شافوا الدكتور خرج.

أسد بلهفة: إيه اللي حصل لروح يا دكتور؟ هي كويسة صح؟ الدكتور بحزن: أنا مش هاخبي عليكم، بس حالتها خطر. وإحنا عملنا كل اللي نقدر عليه، هي عندها شرخ في الجمجمة وفقدت دم كتير بسبب النزيف. بس الحمد لله إحنا قدرنا نوقف النزيف، بس ادعولها. الخبر وقع على الكل زي الصاعقة. أسماء غم عليها بعد ما سمعت الخبر، وأشرقت مستحملتش وقعت على الأرض وفضلت تعيط، وأسد واقف مكانه وبيتحركش من الصدمة. ***

عند غرفة غرام، لسه فاقدة الوعي وصقر واقف ومش عارف يتصرف. بس كل اللي هو عارفه إنه قلقان وهيجنن عليها. صقر بتفكير: مالك يا صقر؟ حتة بنت زي دي تعمل فيك كده إزاي؟ ده أنت وعدت نفسك إنك عمرك ما هتفتح قلبك لحد. أوعى يا صقر، أوعى تحبها، الحب ما بيجيش من وراه غير الوجع. وأنت جربت مرة ومش هتتكرر تاني، ولا نسيت إنك قفلت قلبك عشان تحمي الناس اللي بتحبهم. وفي اللحظة دي، صقر موبايله رن وقاطع تفكيره. صقر بجمود: الو، فيه حاجة؟

الشخص: أنا عايزة أقابلك حالا. صقر: دلوقتي مش هعرف، لما أفضى هاكلمك. الشخص: طبعاً إزاي هتفضى؟ أنت أكيد معاها. صقر: أنا عرفت أنت عاوزني ليه، وأنا مش هاغير قراري. الشخص بجمود: لازم نتقابل يا صقر. صقر: حاضر، بس مش دلوقتي، أنا لما أفضى هاكلمك. وقفل الموبايل وتنهد، وبص لغرام. أشرقت في اللحظة دي جت ودخلت لغرام وهي مش قادرة تسند نفسها وبتمشي بالعافية. أشرقت ببكاء: اصحي يا غرام، أنا محتاجاكي جنبي قوي.

صوتها يعلى وبكاها بيزيد: ياااااا الغررررررررام. لازم تصحي، روح هترووووح مننا لو ما صحيتيش. أنت الوحيدة اللي روح بتحبك وبتسمع كلامك، هي هتسمع كلامك بس أنت اصحي بس. غرام، روح هتموت، آه، اااااااه. صقر دخل شافها ومسكها وبيحاول يطلعها بره. في اللحظة دي الأجهزة بدأت تصفر والدكتور جه. صقر أخد أشرقت وطلع بره الغرفة. أشرقت بتفتكر اللي حصل وليه لازم غرام تقوم. فلاااااااش. عند روح، بدأت الأجواء تتلخبط تاني.

وفجأة الأجواء حالتها عمالة تسوء أكتر من الأول. والدكتور دخل لها. بعد وقت الدكتور خرج. أسد: هو إيه اللي حصل يا دكتور؟ الدكتور: هي مش قابلة الحياة ورافضة تعيش وقلبها واقف وقطعت النفس. بس الحمد لله إحنا عملنا لها صدمة كهربائية والحمد لله الوضع استقر تاني. بس لازم حد يكلمها ويخليها تتمسك بالحياة، حتى تكون هي بتثق فيه وبتحبه. واحد بس هو اللي يخش. أسد: مين؟ أشرقت بحزن: غرام. أسد بحزن: طب وهي فين غرام؟

أشرقت: غرام مغمي عليها. بس أنا هاروح لها وإن شاء الله هتفوق وهاجيبها معايا. باااااااااااااك. أشرقت ببكاء: يالي يا غرام، أنا محتاجاكي أوي. أنت لازم تفوقي عشان روح وعشاني أنا. أنا هموت من غيركم. الدكتور في اللحظة دي خرج. أشرقت وصقر: خير يا دكتور، غرام كويسة؟ الدكتور: ...