رواية غرام الصقر الفصل الثالث 3 - بقلم امنية ابراهيم

روح دخلت الفيلا وكانت طالعة غرفتها ولكن أوقفها صوت يناديها. روح بتنهيدة لأنها عارفة إنها داخلة على حرب: نعم يا ماما. أسماء: كنتي فين؟ روح: كنت عند غرام يا ماما. أسماء: وليكي عين تروحي هناك تاني بعد اللي عملتيه فينا. أوعي تكوني مفكرة إني هسمح ليها تاني إنها تقرب مننا. روح: متخافيش غرام مش هترجع تاني ولا هتقرب مننا تاني لأن غرام اتجوزت.

سيلا بنت عم روح: أنا كنت متأكدة إنها هربت مع حد أساساً من الأول. البنت دي مش شبهنا ولا من مستوانا. روح بانفعال: أنا مسمحلكيش تتكلمي عنها كده وكفايا أوي اللي قولتيه عليها في الفرح. أسماء: روح إنتي لسه بتدافعي عنها بعد كل اللي عملته. روح: أيوه يا ماما. أسماء بنفعال: طب اسمعي بقا أوعي أشوفك معاها تاني أو قريبة منها إنتي فاهمة. روح: لا مش فاهمة يا ماما وعمري ماهتخلا عنها. وهنا في اللحظة دي بيدخل أسد.

أسد: روح غرام رجعت ولا لسه؟ روح: … غرام نزلت من العربية ودخلت القصر ورا صقر. صقر قرب منها وقالها: أهلاً بيكي في جحيم الصقر. أسد: في إيه يا روح؟ أسماء: ما تردي وقوليلوا إيه اللي حصل. قوليلوا اللي صحبتك عملته. روح: أيوا غرام رجعت. أسد بفرحة: طب أنا رايحله. روح: استني يا أسد روح مش في البيت. أسد: مش فاهم آمال هي فين؟ روح: … أسد: رضي يا روح. أسماء: أنا هقولك روح هربت مع واحد واتجوزته. روح: لا.

أسماء: هو إيه اللي لا مش هو ده اللي حصل. روح بدموع: أيوا هي اتجوزت بس أكيد في سبب خلاها تعمل كده. سيلا: مفيش سبب يخليها تروح تهرب وتتجوز غير إنها… أسد بصوت عالي: بس مش عاوز أسمع صوت حد فيكم. وطلع تاني بره. روح بصوت عالي ودموع وهي بتلحق أخوها: أسد استني استني يا أسد. أسد: لا روووووووح لا روووووووح. صقر: ادخلي ولا حابة تفضلي واقفة برا. غرام دخلت غرفة صقر وكانت خايفة بس عملت نفسها مش خايفة عشان متبانش ضعيفة أمام الصقر.

صقر: عايزة تنامي نامي. غرام: طب وانت هتنام فين؟ صقر برفعت حاجب: هو إيه اللي هنام فين؟ أكيد هنام هنا. وقرب منها وهي بترجع لورا لحد ما بيلزقها في الجدار. صقر وهو قصادها: شكلك كده خايفة صح؟ غرام بتوتر: ل..لا….و ..أنا ..هاخاف..من .. إيه؟ صقر بيقرب أكتر لحد ما بيبقى حاسس بنفسها وحاسس بدقة قلبها السريعة. وبعدها بتروح غرام زقاه بعيد عنها. غرام: ط.. طب أنا عايزة أغير هدومي بس مش معايا لبس.

لأن غرام كانت لسه لابسة فستان الفرح. صقر: ادخلي الغرفة دي هتلاقي لبس من عندي. خدي أي حاجة لحد بكرة. غرام: ماشي. وفعلاً غرام دخلت لقيت غرفة واسعة ومليانة أرفف ومليانة ملابس وبدل وساعات وملابس كلها أنيقة. بتاخد بيجامة وبتدخل الحمام تاخد شاور وبعدها بتلبس وبتطلع بره عند صقر. صقر: ههههههههههههه. غرام: أعمل إيه مش لاقية حاجة على مقاسي. غرام كانت لابسة بيجامة من بتوع صقر وكان شكلها بيضحك بسبب فرق الجسم ومقاس البيجامة.

غرام بعدها تاهت في ضحكة صقر لأن ضحكته بتخلي الغمزات تظهر مما يزيد من وسامته. وبعدها فاقت من الشرود بعد ما صقر قال إنه داخل ياخد شاور وفعلاً صقر دخل خد شاور وغرام قعدت أمام المراية وسرحت شعرها ومسكت البرفان بتاع صقر وقعدت تشم فيه وقامت وقفت وتبص في الغرفة. الغرفة كانت واسعة وكبيرة وفيها سرير كبير وكنبة وتسريحة وديكور كان هادي وسمبل. خرج الصقر وكان بينشف في شعره وهي تاهت في جماله. صقر خد باله إنها سرحانة: في حاجة؟

غرام فاقت: ها ها. لا مفيش بس أنا نعسانة. هو أنا هنام فين؟ صقر: على السرير. غرام: طب وأنت هتنام فين؟ صقر بخبث: على السرير. غرام بتوتر: لا خلاص أنا هنام على الكنبة. صقر: لا هتنامي على السرير. صقر: بصي أنا من رأيي تنامي على السرير متخافيش أنا مش هاجي جنبك. غرام راحت عند السرير وتمددت على السرير. وجيه الصقر ونام على السرير بس بعيد عنها.

غرام بتفكير: قد إيه إنت لحد دلوقتي معملتليش حاجة مع إنك معاك الفرصة اللي تكسر أي بنت بس إنت في حاجة مخبيها يا صقر وأنا لازم أعرفها. وهنا استسلمت غرام للنوم بعد يوم طويل من المشاكل. وأيضاً صقر دخل في نوم عميق.

بعد ذلك اليوم الشاق من التفكير كيف يخطف غرام وماذا سيفعل معها بعد مايخطفها. نعم هذا كان يشغل تفكير الصقر في الأيام الماضية لأنه لا أحد تجرأ على أن يدخل قصر الصقر ويأخذ شيئاً. صقر كان يعلم من البداية ما كانت تنوي عليه غرام ولكن كان يريد أن يكمل معها للنهاية.