رواية غرام الصقر الفصل الثاني 2 - بقلم امنية ابراهيم

يوم جديد في المساء وصل الضيوف في قصر الصقر. وهناك من وصل، نعم إنها الفتاة التي تدعى ريم. ودخلت القصر وقبلت صقر. صقر الشافعي بخبث: لو ما كنتش جئت كنت هازعل قوي. ريم: لازمًا آجي، ودي حاجة تفوتني برضه. أحد الضيوف: صقر بيه ممكن ثانية. صقر الشافعي: ماشي. وبعدها واجه كلامه لتلك الفتاة التي كانت تقف بجوار نعم، إنها ريم. وقال لها: ثواني وجاي لك، ما تمشيش. ريم: لا مش هامشي، هاستنى حضرتك. *************************

وبعد مرور أسبوع، في البيوتي سنتر. ملاك ياسر الجارحي: الله أنا فرحانة قوي أكثر منك يا غرام. مالك يا غرام؟ من ساعة آخر مهمة ليك وأنتِ متغيره، شكلك شايلة الهم وعلى طول سرحانة. غرام ياسر الجارحي: مش عارفة، بس حاسة إني مش عاوزة. ملاك: مش عاوزة؟ مش عاوزة إيه يا غرام؟ أوعي تكوني ما بقتيش بتحبي أسد. مفاجأة، الباب خبط ودخل أسد.

(أسد محمود الهاشمي، زميلي غرام في الشغل وخطيبها. هو شاب وسيم، ولكن صقر أوسم. هو يعشق غرام. عيناه سوداء وشعره لونه بني فاتح ومفتول العضلات وطويل وبشرته لونها قمحاوي، يبلغ من العمر 28 عام. أخته هي صديقة غرام) أسد محمود الهاشمي: إيه القمر ده. ملاك بمشاغبة: إحنا هنا. غرام: ملاك اسكتي. ملاك: سكت. أسد: مش هتيلا بقى يا غرام؟ الضيوف كلها تحت مستنيانا. غرام تنهدت: يلا.

وفعلاً غرام نزلت مع أسد، وكل العيون كانت عليها لأنها كانت زي القمر بالفستان الأبيض وشعرها الطويل السائد والميك اب الخفيف. وبعده وقت من التهاني للعريسين، جاء المأذون. المأذون: هل تقبلين أسد محمود الهاشمي زوجًا لك على سنة الله ورسوله؟ لسه غرام هتتكلم، وفجأة النور قطع. غرام لم تكن موجودة عند ميعاد، عاد النور إلى طبيعته. ************************ في مخزن مهجور، هناك من يصرخ بصوت عالي.

نعم إنها غرام، هي التي تصرخ بصوت عالي. غرام بصوت عالي: أنا عاوزة أعرف دلوقتي أنا باعمل إيه هنا؟ حد يكلمني. وفجأة دخل صقر. صقر الشافعي: أنا اللي جبتك يا غرام ياسر الجارحي، ولا خليها ريم محمد. غرام برقت: أنت. صقر الشافعي: أيوه أنا. إيه؟ ما كنتش متخيلة إن ممكن أعرف إن انتي السبب، ولا كنتي مفكرة إني ممكن أكون في السجن؟ شكلك كده ما تعرفيش مين هو صقر محمد الشافعي.

غرام بتحدي: وأنت شكلك كده ما تعرفش مين هي غرام ياسر الجارحي. صقر: لا عارف، لأني لو ما كنتش عارف ما كنتش هتبقى هنا. طبعًا كنتي مفكرة إنك هتدخلي قصر صقر محمد الشافعي وتطلعي، ولكن أي حاجة حصلت لا تبقي غلطانة. ما فيش حاجة بتحصل من غير ما أكون أنا عارفها. لا وكمان جت لك الجرأة إنك تطلعي مكتبي وتفتحي خزنتي وتاخدي ورق؟

على فكرة انتي هبلة، لأنك فكرتي تخشي قصري وتطلعي منه. مفيش أي حد لحد دلوقتي عرف يمسك عليا حاجة، مش واحدة هبلة زيك هي اللي هتيجي في الآخر وتكشفني؟ تبقي عبيطة يا غرام. غرام: لا على فكرة أنا هقدر وأقدر أعملها تاني كمان، وأنت ما تقدرش تعمل لي أي حاجة، وأوع تكون مفكر إن أنا هخاف منك؟ لا، أنا عمري ما هاخاف منك أبداً ولا من أمثالك. صقر: يعني انتي مش خايفة؟

لا هتخافي، هتخافي لما تعرفي إيه اللي هيحصل لك انتي وعيلتك، لأنك فكرتي تلعبي معي. غرام بخوف: عيلتي؟ صقر: يبا تتجوزيني. غرام: أنت بتقول إيه؟ أنا مستحيل أتجوز واحد زيك. صقر: لا هتتجوزي. وبعدها شغل لها فيديو لعيلتها. شفتي إني أقدر. غرام: أنت واااااااااطي. صقر: هتندمي. ************************* في القاعة كان هناك حالة من التوتر. أسد محمود الهاشمي: أنا عاوزكم تقلبوا عليها الدنيا لحد ما تلاقوها.

الضيوف لبعض: تلاقيها هربت مع واحد، أو هربت منه. ملاك سمعت الكلام، ما قدرتش تستحمل حد يتكلم على أختها. ملاك: انتوا إزاي تتكلموا على أختي كده؟ أختي محترمة وأحسن منكم كلكم. شخص من الضيوف: ما فيش سبب يخليها تهرب غير أن… ملاك بتحذير: أوعي تنطقي بكلمة واحدة على أختي، انتي فاهمة يا سيلااااا. ************************* عند غرام في المخزن. غرام: أنا موافقة، بس أهلي ما حدش منهم يعرف حاجة.

صقر: أنا مش مهم عندي أهلك، أنا مهم عندي انتي، انتي وبس. ************************* في بيت غرام. نرمين (أم غرام) : لسه ما ردتش برضه؟ هتكون راحت فينا. أشرقت (صديقة غرام) : إحنا دورنا عليها يا طنط في كل الأماكن اللي هي بتروحها، بس برضه ما لقيناهاش. فجأة الباب خبط، وروح (صديقة غرام) هي اللي فتحت الباب، وقفت مصدومة. أشرقت: في إيه يا روح؟ مالك واقفة كده ليه؟ وهي كمان وقفت مصدومة. ملاك: في إيه يا… غرام؟ نرمين: غرام رجعت؟

طب انتوا واقفين كده ليه؟ خلوها تدخل. وفعلاً الغرام دخلت، بس هناك من كمان من دخل معاها، نعم إنه الصقر. نرمين بصدمة: مين ده يا غرام؟ غرام: ٠٠٠٠٠٠٠٠٠٠ نرمين: انت مين ده؟ وانت كنت فين؟ وإيه اللي خلاك تهربي؟ غرام بدموع: ……… نرمين بصوت عالي: إيه اللي خلاك تهربي؟ غرام بدموع: علشان مش بحبه. نرمين: على أساس إني كنت غصبك يعني؟ مش إنتي اللي وافقتي برغبتك؟ غرام: آه. نرمين: طب رحتي فين؟ غرام بصت

لصقر كأنها نفسها تقتله: كنت مع صقر. نرمين: طب وإنتي مالك بيه؟ غرام اخذت نفس عميق ثم أكملت: ا.ن. نرمين بزعيق: انتي إيه؟ انطقي. غرام بدموع محبوسة: أنا بحب صقر. أشرقت وروح انصدموا، لأنهم هم الوحيدين اللي يعرفوا حقيقة صقر. نرمين: انتي بتقولي إيه؟ انتي إزاي تسمحي لنفسك إنك تحبي واحد وانت مخطوبة لواحد تاني؟ انتي ما شفتيش منظر أسد؟ ملاك: يالي خشي على الأوضة، إحنا آسفين بس أنا مش متقبلة العلاقة دي. غرام: مش هينفع يمشي.

نرمين: ليه إن شاء الله؟ غرام اخذت تنهيدة: علشان أنا وصقر متجوزين. وهنا تلقت صفحة قوية من أمها أمام أنظار الجميع. ملاك: خلاص يا ماما. نرمين: أنا مش عاوزة أسمع صوت حد فيكم. غرام حطت إيديها على وشها ونزلت دموعها، بس مش من وجع الألم ده عشان أمها أول مرة تضربها. نرمين: طالما انتي خلاااااص تجوزتيييي من غير ما تاخدي رأيي حد، إيه اللي جابك؟ مش خلاص عملتي اللي في دماغك؟ غرام بدموع: ماما أنا…

نرمين: بتلف وشها وبتدي الغرام ضهرها. مش عاوزة أسمع كلمة تاني من هنا ورايح. تعرفي إن أمك ماتت ومش عاوزة أشوف وشك هنا تاني. وسابتها ودخلت الأوضة. غرام بعياط: ماما متسبنيش، ماما. أشرقت: بتعيطي يا غرام؟ غرام بتبصلها وكأنها عاوزة تقولها الحقيقة، الحقيقة الغرام هتخبيها عن الكل. أشرقت: ليه؟ ليه يا غرام تعملي كده؟ إحنا التلاتة عارفين الحقيقة وإنك… غرام بتسرع: لا انتوا متعرفوش حاجة، أنا بحب صقر وهو ده اللي لازم تعرفوه.

أشرقت: مش هتعرفي تخبي الحقيقة، هيجي يوم وهتنكشف. وبعدها وجهت الكلام لروح اللي كانت واقفة مصدومة. يلي يا روح، مبقاش ليه لازوم نفضل هنا. غرام بتوسل: أشرقت، روح. أشرقت وروح سابوها ومشوا، بس قبل ما يمشوا نظرة لغرام نظرة أخيرة، ولكنها مليئة بالوجع والأسئلة والعتاب. ملاك بدموع: غرام، هو في إيه؟ هو انتي فعلاً هتسبيني؟ غرام بدموع وابتسامة وهي حطت إيديها على وش أخته الصغيرة: خلي بالك من نفسك يا ملاكي الصغيرة.

ملاك بدموع: لا متسبنيش يا غرامي. غرام بدموع: مش هينفع. ملاك بدموع: لا هينفع، صلحي كل حاجة. غرام: بكرة هتعرفي أنا كنت بعمل كده ليه، وهتفهمي كل حاجة. غرام راحت حضنتها، وهما الاتنين قعدوا يعيطوا. غرام: خلي بالك من نفسك ومن ماما. ملاك بدموع: انتي قولتي إنك عمرك مهتسبيني. غرام: خلاص يا ملاكو. غرام وقعت على الأرض وهي بتعيط. صقر بضحك: أنا مش بقول كفاية الجو الرومانسية ده ولا إيه؟ غرام بصتله وقامت

واقفة وهي بتمسح دموعها: أنت إيه؟ إيه يا شيخ؟ أنت معندكش دم ولا إحساس ولا ضمير؟ أنت دمرت حياتي ودمرت عيلتي، عاوز إيه تاني مني؟ صقر بغل: ولس ولس يا غرام، انتي كده لسه في أول اللعب، لسه هدمرك أكتر لحد ما تتمني الموت.