رواية غرام الزين الفصل السابع 7 - بقلم نورا فريد

زين بحزن: وبعدين؟

غرام: وبعدين لم رجعت أنا وعمي على البيت، شوفناهم ما اتقتلوا. وبعدين زي ما أنت عارف، عمي خدني ونزل على مصر. طبعاً سالم كان خايف من المسؤولية، عشان كده متجوزش. ده غير شغله اللي كان عمل له رعب. وداني مدرسة داخلي. بس بصراحة هو كان بيتصل بيا كل يوم، كان بيتعامل معايا كأني بنته مش بنت أخوه. وأنا عارفة ليه. شغله كان ما يفرقنيش، أنا كمان بحسه أبويا. وبعدين شوفت ميرة ويارا وبقيت البنات. بس چاسي أهدى واحدة فين. كانت غلبانة قوي في روحها. تعرف إننا كنا بنرفض الإجازة؟

زين: ليه؟ غرام: لأن چاسي كانت مش بتحب تروح لأبوها عشان شره الزفت. حتى لما كبرنا كنا مع بعض، حتى السفر. عارفة إني كنت غلط. أنا ما عملتش حاجة حلوة في حياتي عشان ربنا يرزقني بكل ده. لما آدم جاه وقال لي على اللي شافه وإني شوفت نهال صدفة. خوفت. مهما عملت مش زي اللي أنا عملته زمان. هي تكسب يا زين.

زين: اديكي قولتي زمان. وبعدين محدش فينا كامل. انتي كان غصب عنك. كبرتوا لوحدكم. محدش كان معاكي. سالم كان فاكر إن كده بيحفظ عليكي بدلاله الزايد ليكي. وبعدين إيه الزفتة تكسب دي؟ انتي أصلاً تعرفي هي عملت إيه عشان تقولي كده؟ وكأنها الملاك البريء. نهال دي بفضلها كرهت الحب والدنيا. بسببها للأسف كل غضبي منها كنت بطلعه عليكي. (ويقابل زين يد غرام)

زين: انتي دنيتي اللي ضحكتلي يا غرام. آه كنت بتنرفز منك ومن غرورك، بس حبيتك لأنك جدعة وبميت راجل. أنا مستحيل ألومك على الماضي، لأن محدش عارف إيه اللي ورا الابتسامة والقوة. أنا الأول كنت بشوفك مفترية ولسانك طويل، بس مدققتش. غرام: طب وبالنسبة إني كنت مصاحبة وكده؟ زين: ده المفروض إن أضرب وأذل وأحكم عليكي وكده. غرام: ده المفروض.

زين: مش معني إني عايش في الصعيد إني أحكم على حد. أنا لا عشت معاها ولا أعرف حياتها كانت إزاي. وبعدين أنا مش شايفك ولا شايف تصرفاتك، بس ربنا شايفك وعالم اللي جواكي. كل واحد فينا غلط يا غرام، وأنا بحبك بكل ما فيكي. أنا يهمني غرام بتاعت دلوقتي مش بتاعت زمان. انتي أحسن من نهال بمليون مرة، ومستحيل عيني تشوف غيرك. لا دلوقتي ولا بعدين.

غرام بدموع فرح: أموت وأعرف أنا عملت إيه في دنيتي عشان ربنا يعوضني بيك وبعيلة حلوة زي عيلتك. تعرف إن كنت بخاف من ماما. زين: عارف. غرام: بس أمي كانت بتعمل اللي بطلبه منها. غرام بدهشة: إيه؟ زين: يعني عايزة تجنني وأسكت؟ غرام: آه. زين: آه في عينيك والله بحبك يا غرام. غرام: وأنا بحبك أوي. مش عارفة إزاي اللي يشوفنا زمان يقول مستحيل نجتمع مع بعض. آدم من غير إذن: آدم: ولا أنا بصراحة.

غرام: مش قولتلك تخبط قبل ما تدخل أي مكان يا دومي. آدم: حتى وأنتي تعبانة بتتعصبي عليا. انتي مش أمي، انتي الكدعة. غرام: والأفعى لو عايزة. آدم: إيه يا دكتورة؟ فين الكنترول؟ عجبك اللي بتقول ماغي ده؟ أنا لو منك مسكتش. غرام: قولتلك سيبني عليها. انت اللي مش عايز. ماشي يا أبو لسانين. أما أرويك مبقاش غرام. آدم: لا مش ماشي، أنا قاعد. زين: أهلاً وسهلاً بيك. غرام: مالك؟

آدم: بنت أخوك دي لو ملمتش نفسها هاجيبها من شعرها ومش ها يهمني حد. زين: طب اتلم واقعد عدل. عملت إيه؟ آدم بغيرة: مش شايفين كانت بتتكلم إزاي النهاردة؟ بصراحة هي آه بنت عمي وكل حاجة، بس واخدة من مامي كتير. غرام: (آه صحيح ريم مسهوجة أوي. يالهوي ليكون اللي في دماغي صح) ما تملك نفسك يا حبيبي، ده أنا حتى زي مامتك برضه. آدم: طب شوفوا بقى البت دي مش هتبقى لحد غيري. هاجوزها غصب عن عيني أبوها اللي هو أخوكم.

جري آدم بسرعة قبل ما غرام تحذفه بحاجة. غرام: آه يا ابن الجزمة. انت سمعت اللي أنا سمعته؟ زين: سمعت. غرام: زين احنا لازم نتحرك قبل ما نروح في الغريق. الواد خمس سنين وبيقول كده، أومال لما يكبر شوية ها يقول إيه؟ وريم كمان. احنا لازم نبعد ريم وآدم عن بعض. زين: بمعنى؟ غرام: نسيب الصعيد ونعيش في مصر. كده أحسن.