رواية غرام الزين الفصل الثامن 8 - بقلم نورا فريد

غرام مسكت يد زين. قولت اننا نسيب الصعيد، لان كده ها يبقى احسن لآدم وريم. لازم احنا اللي نمشي. زين ساب يد غرام بعصبية. انتي بتخرفي، بتقولي ايه يا غرام؟ غرام. يا زين افهمني، آدم بيكبر مش بيصغر، وانا مش عايزة يحط حاجة من دي في دماغه من دلوقتي، لان كل ما يروح مرحلة ها يشوف ناس جديدة. زين. لا، انا فاهمك كويس اوي كمان، انتي مش عايزة تمشي عشان آدم، انتي عايزة تعيشي لوحدك صح؟ وانا قولت قبل كده اني مش ها سيب اهلي يا غرام.

غرام. يا زين، لم نعيش في مصر آدم ها يبقى ليه مستقبل احسن من هنا، انت اللي ليه مش عايز تفهم ده؟ زين. هو آخر خناقة كانت بسبب كلامك ده، صح؟ غرام. طب ما يا زين، انا مليش دعوة بحد، هو عايز يسافر يسافر، انا مش ها سيب اهلي، وهما في العمر ده. غرام. يجوا معانا. زين. مينفعش، لانهم مستحيل يوافقوا، وبعدين هو حد زعلك؟ حد ضيقك؟ ... ما تردي! زين. لو ما طلعتيش الموضوع ده من دماغك يا غرام، واتعدلتي. غرام. ها تعمل ايه؟ ها تطلقني مثلا؟

زين ذهب من الغرفة ورزع الباب وراه. أما غرام فوقعدت متعصبة. وبعد شوية في المكتب. چاسي. نعم يا دكتور. زين. هو انتي عايزة توصلي لـ ايه يا چاسي؟ چاسي. مش فاهمه، انت بتتكلم عن ايه؟ زين. تمام، انا ها وضحلك الاتفاق اللي بينك وبين نهال، اللي كنت هتزفت اتجوزها، واننا نروح مصر، انتي بتعملي كده ليه؟ هااا انطقي. چاسي. انت بزين. زين. انا مش بتهمك، وبعدين انتي لو مش عاملة حاجة اتعصبتي ليه؟

انتي بتخربي حياة اختك، مش انتي برضو بتقولي كده؟ اوعي تكوني فاكرة اني نايم عن كل عمايلك، انا عارف كل حاجة و بفوت، بس انكي تلعبي في دماغ غرام لحد هنا و كفاية اوي. ومين اللي غرام وقعت من على السلم؟ مش انتي برضو؟

واللي حصل ليها من شوية، وغيرهم. انا اتخدعت مرة في نهال، بس غرام اتخدعت فيكي، كانت فاكراكي اختها اللي بتحبها و تخاف عليها، متعرفش ان اختها اللي مستعدة تهد الدنيا عشانها، كانت السبب انها متجبش عيال تاني. انا مش زعلان على فكرة، آدم و غرام بالدنيا كلها، بس انا مش عارف انتي ازاي كده، ازاي مخدناش بالنا من كل ده؟ ازاي ليكي عين تبصي في وشها بعد اللي عملتيه فيها؟ ليه؟ چاسمين. وليه انا اللي جوزي يخوني هااا لييييييه؟

ليه هي ابوها كان بيحبها وانا ابويا بيكرهني؟ ليه انا محكوم عليا اني اعيش العذاب اللي امي عشتو؟ ليه الكل بيحب غرام وانا لا؟ غرام غرام غرام، اكن مفيش غيرها في الدنيا، مع ان غرام دي اكتر واحدة غلطت فينا، وهي اللي قالت لي وائل على مكانها، غرام دي اكتر واحدة عملت مشاكل في الدنيا دي، واكتر واحدة عملت مصايب، مش بعيد كمان تكون بتخون.