رواية غرام اولاد الديب الفصل الأول 1 - بقلم ريتال احمد

كانت نايمة و بتحاول تصحى برومانسية و قالت بصوت رقيق: "أسر حبيبي قوم بقى." شهقت روز و ضحكت لما أسر صحي و زغزغها و هو بيقول: "إيه بقى مفيش نوم يعني يا ست روز." روز: "لا قوم بقى و ابعد عاوزين نجيب زينة رمضان و خزين رمضان و حاجات كتير. قوم بقى بجد يا أسر علشان خاطري." أسر بضيق نام على ضهره و اتكلم بضيق: "أنا بس عاوز أفهم، إحنا بنتجوز سبنا كل شهور السنة و رحنا متجوزين قبل رمضان بأسبوع. عريس جديد ينزل يقضي لي رمضان."

روز بضحك: "أسر بعدين، أهم حاجة إننا مع بعض يا حبيبي و هيكون أول رمضان لينا مع بعض، شفت بقى." في مكان تاني في بيت عيلة، واقفة ست كبيرة في المطبخ بس مش باين عليها السن و بيدخل عليها جوزها سليم و بيمسكها من إيدها علشان تشهق بخضة: "آه." بتلف تبص على سليم و تقول: "خضتني يا سليم حرام عليك." سليم برومانسية و حب: "سلامتك من الخضة يا قلب سليم. واقفة في المطبخ بتعملي إيه؟ مش جبنا المساعدة المنزلية علشان تساعدك ولا إيه؟

بتتعب نفسك ليه يا جميل بس؟ نور: "لا يا حبيبي بس هي بتنضف البيت كامل لوحدها و أنا جيت أعمل الغدى. غير كده أنا أصلاً الطبيخ وحشني و قولت لما أدخل أعملك حاجة بإيدي كده تاكلها." سليم بحب: "و مالو اطبخي يا حبيبتي بس خلي بالك من نفسك و بلاش تيجي على نفسك علشان متتعبيش." بصت له نور بحب و ابتسمت و افتكرت حاجة و قالت:

"هاني، رنيت على أسر تعرفوا إن أول يوم فطار و سحور هيكون عندنا و إنه هيقضي رمضان معانا في بيت العيلة ولا مقولتش ليه؟ سليم اتنهد: "لا يا حبيبتي لسه." و قرب مسك إيدها و قال: "لو حتى مقضاش معانا رمضان، هو كده كده هيبقى يجي و يشوفنا. متنسيش إن روز نفسها هي اللي هتطلب منه ده يجوا يقضوه هنا و يجيبوا حفيد لعيلة الديب شبهك كده." ضحكت نور على حديث جوزها و قالت:

"يارب يسمع منك. بس برضه رمضان بيحب اللمة و أنا عاوزة بنتي في حضني يوه." سليم بحب: "مفيش في طيبة قلبك والله على بنت اختي ربنا يرحمها. من يوم ما اختي ماتت و انت اللي بتربيها، عمرك ما حسستيها بنقص أبداً. ربنا يخليكي يا رب." و باس إيدها. نور: "انت بتقول إيه؟ دي بنتي يا سليم و حتة مني كمان والله. وبعدين اطلع بقى مش عارفة أكمل طبخ الله؟ سليم ضحك و باس راسها و طلع من المطبخ.

عند روز، كانت طالعة من التواليت و أسر نايم على السرير. قربت روز من السرير و قالت: "يا أسر بقى قوم مينفعش كده. الله الوقت هيتأخر و بعدين انت قولتلي هنروح نقضي أول أسبوع في بيت العيلة، فخلص بقى." علت صوتها و قالت: "يا أسرررر قوم قوم." قام أسر بخضة و قعد على السرير: "إيه فيه؟ إيه فيه؟ روز ببرائة: "مفيش يا حبيبي يلا قوم خد شاور و البس بقى، عاوزين نجيب حاجات كتير لسه يا أسر." أسر بص عليها و مسح على وشه بضيق و توتر:

"عاوز أفهم حاجة، انت جاية تصحيني ولا تقطعيلي الخلف؟ روز قامت بسرعة و دخلت الدريسنج روم. في مكان تاني، قالت سيلا بحزن: "يعني يا ماما عاوزين شهر رمضان كله تقضوه لوحدكم؟ محدش فيكم هيقضي رمضان معايا لا انت ولا بابا." كارولين: "يا حبيبتي انت هتروحي عند خالتك و بعدين تيجي. إزاي و انت ثانوي عامة وعندك دراسة كتير و دروس؟ خليكي يا حبيبي. و بعدين حد يطول بيت ربنا و يقول لا؟

هنروح و ندعيلك تجيبي مجموع يدخلك الكلية اللي نفسك فيها." سيلا افتكرت صهيب، فسرحت بخوف و حب في نفس الوقت و اتكلمت: "انتوا هتروحوا إمتى؟ والدها عز: "كمان ساعتين يا حبيبتي، ف يلا تعالي علشان تروحي عند خالتك و نسلم عليهم و نمشي." هزت سيلا راسها و طلعت جهزت شنطتها و نزلوا و اتحركوا على بيت عيلة الديب. في بيت الديب، في شقة غسان، قرب من لين اللي واقفة قدام التسريحة و حضنها: "بتعملي إيه يا حبيبي؟ لين برقة:

"بجهز يا حبيبي علشان ننزل تحت و نجهز البيت." و لفت له و بصت بحزن و بعدين ابعد عني كده، أصلاً و متكلمنيش. غسان بصدمة: "إيه ده؟ في إيه؟ عملت إيه؟ و إيه اللي حصل؟ و شدها ليه بيقربها منه زيادة: "توء توء توء، ده أنا إبقى وحش و القمر ده زعلان مني. مالك يا جميل زعلانة ليه بس و أنا أقدر أزعلك برضه؟ لين بزعل: "على فكرة رمضان بكرة." غسان غمز: "عارف." لين بسرعة: "أنا زعلانة، انت مجبتش ليا بوكس رمضان ولا حتى جبت ليا فانوس يعني؟

غسان بص ليها بصدمة: "بقى ده اللي مزعلك؟ لين بزعل: "آه، أومال هيكون إيه يعني اللي هيزعلني يا غسان." غسان: "و أنا بقول فيه مصيبة." لين بسرعة: "لا طبعاً، أنا عاوزة بوكس رمضان، انت مش جبت ليا ولا زينة الفيلا. بس روز كانت بتكلمني و قالت إنهم هيجيبوا زينة و هييجوا عندنا و نزين البيت كله و الشارع." غسان نام على السرير: "اممم، طب ما حلو." لين: "الباب يا غسان." غسان مغمض عينه و مش مركز. صوت صهيب من على الباب:

"إيه يا عم الأسد هتقضي اليوم كله في الشقة ولا إيه؟ انتبه غسان و أخيراً و قام فتح الباب: "عاوز إيه يلا." صهيب ب: "إيه جيت في وقت غلط ولا إيه؟ غسان بنوم: "انت كلك على بعضك غلط في غلط أصلاً." صهيب: "طيب يلا يا حبيبي علشان هنتغدى كلنا يلا انزلوا." و نزل صهيب و نزل غسان و لين و قعدوا. قالت نور: "بت خالتكم سيلا هتيجي تقضي رمضان هنا معانا علشان خالتكم و جوزها رايحين السعودية يعملوا عمرة بإذن الله." صهيب بخبث: "دي هتنور."

و أكمل بصوت واطي: "هتنور قلبي و حياتي." سليم: "بس البنت ثانوي عاملة و دروس و ليلة، ربنا معاها يا رب و يوفقها." عند روز و أسر، لبست روز و كانت بتلف الحجاب. قرب منها أسر و دخل خصلة كانت طالعة من شعرها و قرب باسها بحب: "شعرك ده محدش ليه حق غيري إنه يشوفه. خليني ألمح خصلة بس طالعة منه و ساعتها متلومش إلا نفسك، انت فاهمة؟ روز بصت ليه: "فاهمة يا حبيبي يلا بقى."

ابتسم أسر عليها و مسك إيدها و نزلوا مع بعض، و في المول كانوا بيجيبوا زينة و حاجات لرمضان. وفجأة قربت واحدة من أسر و قالت: "شو هيدا؟ لا مش معقول." قربت حضنته و قالت: "أسر وينك؟ اشتقت لك كتير كتير يا حياتي." أسر اتوتر و بص على روز اللي عيونها دمعت من الغيرة، و بعد البنت عنده و شد روز من إيدها ليحضنها و قال: "جيهان ازيك؟ أنا بخير، مش تباركي ليا؟ أصل اتجوزت مراتي أهي."