رواية غرام قلبي الفصل التاسع 9 - بقلم بسملة بدوي

محمد بصوت مضحك: بت يا غرام اوعي تفتحي الباب بالله عليكي ياشيخة والله كل دا تمثيل وتميم بيضحك عليكي. نظر له تميم بسخط ونظرات متوعدة أخافته. طب استأذن أنا بقى يا فرج يا خويا أشوفكوا على خير. وفر هارباً. غرام بصراخ وهي تهجم عليه بغضب: تمثيل وبتضحك عليا! تميم بغضب مماثل: بت انتي صوتك عالي. نظرت له بغضب وصاحت مستنكرة: صوتي عالي هو انت لسه شوفت صوت عالي دا أنا هفرج عليك العماير كلها. تميم بصوت عالي مماثل:

وريني كده يا غرام وأنا أكون رامي عليكي يمين الطلاق. سكتت بصدمة ونظرت له بعدم تصديق تحاول تكذيب ما سمعته. ا ا انت انت قولت إيه؟ مسح على وجهه في محاولة لتهدئته. اسكتي ينفع. غرام بعياط: طب طلقني طلقني يا يلا مستني إيه طلقني. تميم بغضب: اكتبي قلت إيه عايزاني أطلقك طب ماشي. فتحت عينيها على آخرهم بصدمة وخوف. ه هطلقني بجد. ردد بخبث: مش انتي عايزة كده. ردت بلهفة: لا والله مش عايزة كده. بصلها بخبث وقرب منها.

يعني بُق على الفاضي تمام هعتبرك عيلة وغلطت. غرام بشراسة: بُق وعيلة انت قد كلامك. رفع حاجبه باستنكار. قده ونص كمان عندك مانع. راقبت اقترابه منها بتوتر. اقف مكانك متقربش أحسنلك. لم يستمع لها وأخذ يقترب منها وابتسامة خبيثة مرسومة على وجهه. القطة بقى ليها لسان وبتتكلم كمان أخيرا. بلعت ريقها بصعوبة. إيه هتقول دا أنا لسه يعني مـ... برق بعصبية. ماااا تطلقي كذب بقى انتي أي ما بتشبعيش. ردت بخوف من أن يكون كشف أمرها.

ك كذب إيه مش فاهمة ا ا أنت تقصد إيه. تميم بغضب: أقصد إني عارف إنك كنت بتمثلي عليا وإنك مش خرسا. غرام بعياط: تميم أنا أنا آسفة. تميم باستنكار: آسفة ودي أصرفها فين دي؟ غرام وهي مازالت تبكي: أنا فعلاً ماكنتش خرسا والله كنت هقولك. قاطعها بحدة. بطلي كذب بقى. انهارت بالأرض باكية.

أنا عملت كدا عشان دا الصح كانوا عايزين يبيعوا لكذا راجل بس كل واحد أما يعرف إني خرسا يسيبني أرجوك افهمني أنا مكنش بإيدي أعمل حاجة غير دي أحمي بيها نفسي. حاول إيجاد الكذب في عينها ولكنه لا يرى غير الصدق فيها. انحنى جاذباً إياها داخل أحضانه يضمها بشدة. اهدي خلاص. همست بضعف. صدقني. تنهد بعمق. مصدقك. غرام بدموع: انت زعلان مني. ابتسمت وهو يزيل دموعها برقة. لا مقدرش. بحبك أوي. نظرت له بخجل وهمست بكسوف. وأنا كمان.

ابتسم بسعادة. وإنتي إيه. غرام بخجل: تميم بطل بقى. تميم بهيام: قلبي، تميم وروحي وعقلي. فجأة صاحت به بشراسة. بس دا ميمنعش إني هنكد عليك وهعرفك إزاي تخدعني أنت مش عارف أنا كنت حاسة بإيه ساعتها. ضحك على جنونها. بطلي فصلااان بقى ياشيخة بق بقولك بحب وإنتي قلبي وروحي وإنتي تقولي هتنكدي عليا دا إنتي. غرام بترقب مضحك. أنا إيه ها ها قول. ضحك بحب وهو يطبع قبلة طويلة على خدها. إنتي قلبي وروحي وعقلي وكل حياتي.

ابتسمت بفرحة من كلماته. بجد. ضحك وهو يتناول يدها بحب ويقبلها بحنية. واللهِ. شكلك لسه زعلانة لا لا مقدرش على دا لازم أصالحه. أنهى جملته وحملها واتجه بها إلى غرفتهما. صاحت بخجل. تميم. تميم بحب شديد: بحبك وعمري ما حبيت قبلك ولا هحب. تنهدت بفرح وهمست بحب مماثل. مش أكتر مني. تميم بحب: أوعدك عمري ما هزعلك في يوم من الأيام وهكون ونعم الزوج ليكي. ابتسمت بثقة وحب. وأنا واثقة فيك يا حبيبي.

«ولأنك جئت في الوقت الذي كنت أرفض فيه الحب أحببتك أكثر مما ينبغي♥»