رواية غرام رحيم الفصل السادس عشر 16 - بقلم فرح القصاص

غرام بتقوم من النوم وبتمسك دماغها من شدة الصداع، وبتنظر حواليها بتلاقي الغرفة متبهدلة كلها، والهدوم مرمية على الأرض. بتنظر لنفسها بتلاقيها شبه عارية، ورحيم نايم جنبها وشبه عاري. غرام بتسحب البطانية وبتغطي بيها جسمها. غرام بتبرق بصدمة وبتصوت مرة واحدة: "اععععععاااااااااا! رحيم بيتنفض وبيقوم من على السرير على طول بفزع: "إيه! في إيه.. إيه اللي حصل؟ غرام بتنظر له وهي مازالت مصدومة: "ر. رحيم.. هو إيه اللي حصل امبارح؟

رحيم بينظر للغرفة وللملابس اللي على الأرض، وبينظر لغرام ولنفسه وبيحاول يتذكر أي حاجة من ليلة امبارح. رحيم بيضع إيده على رأسه: "مش عارف، مش فاكر أي حاجة." غرام: "وأنا مش فاكرة حاجة... هو.. وبتبلع ريقها... إحنا كنا مع بعض امبارح؟ رحيم: "آه، إحنا جينا مع بعض." غرام: "هفف... قصدي كده بقينا زوج وزوجة رسمي، مش على الورق بس؟ رحيم بينظر لها وبيسكت. غرام: "رحيم، غمض عينك ولف الناحية التانية." رحيم: "ليه؟

غرام: "عايزة أقوم أدخل ألبس." رحيم: "طب ما تقومى." غرام: "أوف ياربي.... وبنرفزة... رحيم، أنا مش لابسة حاجة، فهمت؟ اخلص بقى." رحيم بغمزة: "طب ما خلاص، بقيتي مراتي بجد." غرام بنرفزة وعصبية: "رررحيييم.. أنا مش عايزة أتعصب، لحد دلوقتي بس والله أنا أصلاً ماسكة نفسي بالعافية وعلى تكّة." رحيم بضحك: "خلاص." وبيغمض عينيه وبيلف الناحية التانية. غرام: "عارف لو لفيّت نفسك... رحيم بيستفزها: "هتعملي إيه يعني؟

ولا هتقدري تعملي حاجة؟ غرام: "ده أنت بارد برود أبو دمك." رحيم: "الكلام ده ليا أنا؟ غرام: "لأ ليا... هفف." وبتلف البطانية عليها وبتاخد لبسها من على الأرض وبتدخل الحمام جري. رحيم بيضحك: "لسانها طويل وهي شبر ونص أصلاً مش باينة من الأرض." غرام: "سمعتك على فكرة." رحيم: "ما شاء الله، سمعك قوي أوي." غرام: "انت هتلق عليا؟ رحيم بضحك: "لأ، مش بنق عليكي. خلصي بسرعة بقى." غرام: "طيب ماشي." *** في أوضة ساجدة. الباب كان بيخبط.

ساجدة: "مين؟ بدرية: "أنا يا ساجدة هانم." ساجدة: "ادخلي يا بدرية." بدرية: "يا هانم، في واحد مستني تحت وعايز حضرتك." ساجدة: "ما قلتيليش اسمه إيه؟ بدرية: "قالي اسمه عمر." ساجدة بتفاجأ: "عمر؟ بدرية: "أيوه، أقوله إنك مش فاضية يا هانم؟ ساجدة: "لأ لأ، انتي ادخلي واعملي له حاجة يشربها عقبال ما أنزل." بدرية: "حاضر يا هانم." ساجدة بتقوم بسرعة بتبدل ملابسها وبتقف تظبط نفسها قدام المراية. ساجدة: "بس كده تمام." وبتنزل.

عمر بيشوفها، نزلها، وقلبه بيدق بسرعة يكاد يخرج من مكانه. ساجدة بابتسامة: "اتأخرت عليك، مش كده؟ عمر بتوهان: "لأ، وانتي تاخدي وقتك زي ما انتي عايزة." ساجدة بضحكة رقيقة وجذابة: "ميرسي." عمر بيسرح في ضحكتها اللي قادر تخلي أي حد يدمن ضحكتها. ساجدة: "طب اتفضل واقف ليه؟ عمر مازال سرحان فيها ومش سامع أي حاجة. ساجدة باستغراب: "عمر.. عمر.. يا عمرررر." عمر بيفوق من سرحانه: "احممم، كنتي بتقولي إيه؟ ساجدة: "واقف ليه؟ متقعد."

عمر: "آه.. تمام." وبيقعدوا الاتنين. بدرية: "القهوة يا أستاذ." عمر: "تسلم إيدك." ساجدة: "ها، قولي جيت ليه؟ عمر: "أول حاجة عشان أطمئن عليكي وأشوفك عاملة إيه دلوقتي." ساجدة: "أنا الحمد لله بقيت أحسن من الأول." عمر بحب: "الحمد لله يا رب دايماً بخير." ساجدة: "طب وتاني حاجة؟ عمر: "بصراحة، أنا كنت راجع من الجامعة وحبيت أطمئن عليكي، وكمان أديكي المحاضرات اللي فاتتِك."

ساجدة بابتسامة: "بجد، ميرسي أوي ليك. أنا مش عارفة أقولك إيه." عمر: "ولا حاجة، وبعدين ده واجبي، مش إحنا صحاب؟ ساجدة: "أيوه، أكيد." عمر: "أومال فين غرام؟ ساجدة، وبتختفي الابتسامة من على وجهها: "مش هنا." عمر: "أومال فين؟ ساجدة: "راحت مع رحيم لما ساب البيت بسببها." عمر: "ساب البيت؟ وبسبب غرام؟ ساجدة بضيق: "اممم." عمر: "طب وإيه اللي حصل؟ ساجدة: "عمر، بجد أنا مش عايزة أتكلم في الموضوع ده، لو ينفع."

عمر: "خلاص ماشي، أنا هبقى أتصل بغرام وأسألها." ساجدة: "يبقى أحسن." عمر: "طب أنا هروح بقى." ساجدة: "تمام." عمر: "هشوفك بكرة في الجامعة؟ ساجدة: "أيوه." عمر: "إنتي فاضية بكرة بعد ما نخلص المحاضرات؟ ساجدة: "آه، بس ليه؟ عمر: "كنت حابب أعزمك نتغدى سوا لو معندكيش مانع طبعاً." ساجدة: "لأ، معنديش مانع. أوكي، موافقة." عمر بفرحة: "بجد؟ ساجدة بابتسامة: "آه." عمر: "خلاص، أشوفك بكرة... آه، كنت هنسى. اتفضلي، دي المحاضرات."

ساجدة بضحك: "أوكي، ميرسي." عمر: "باي." ساجدة: "باي." ساجدة بتفضل واقفة وهي مبتسمة وسرحانة. ياسر: "ساجدة، مشوفتيش ماما؟ ساجدة كانت مركزة مع الدفتر اللي في إيدها وسرحانة. ياسر: "ساجدة... " وبيحركها.. "ياااااسااااااجده." ساجدة بعصبية: "إييييي! في إيه! ياسر بيقعد جنبها وبيغمزلها: "كنتي سرحانة في إيه؟ ساجدة بتوتر: "لأ.. لأ، مكنتش سرحانة ولا حاجة... هو انت كنت عايز إيه يعني؟ ياسر: "بأسالك على ماما فين."

ساجدة: "قالت راحة مشوار بسرعة وراجعة، معرفش فين." ياسر: "طب وآيسل؟ ساجدة: "طلعت برضو، قالت هتشتري شوية حاجات ليها." ياسر: "اممم.. أنا جعان، وانتي مش جعانة؟ ساجدة: "لأ، وسبيني في حالي بقى، اوف." وبتقوم تطلع أوضتها. ياسر: "هي هبلة البت دي... براحتك، أنا هقوم آكل لوحدي." بدرية. ياسر: "نعم." بدرية: "جهزتي ليا الفطار وعصير، وخلي حد يجبهولي على الأوضة." بدرية: "حاضر." ***

آيسل: "تعمل كل اللي قولتلك عليه بالحرف الواحد، مش عايزة ولا غلطة حتى لو كانت صغيرة." _تمام، تحت أمرك. _آيسل بتحذير: "أنا مش عايزة أخاطر من ناحية دي بالذات، فاهم؟ _متقلقيش، اللي قولتلي عليه هيتنفذ بالحرف الواحد. _آيسل: "أوكي، وأنا معتمدة عليك." _طب وبالنسبة للفلوس، إيه نظامها؟ _آيسل: "صدقني، لو عملت اللي قولت عليه، هتتبسط وأوي كمان." _خلاص ماشي، اعتبري حصل. _آيسل: "هو لازم يحصل." وبتقفل.

آيسل بشر: "تؤ تؤ تؤ، يا غرام، مكنتيش تشوفي حالك ونفسك أوي عليا، وبذات تهنيني قدام الكل. ده انتي هخليكي تشوفي أيام سودة، وبرضو هاخد منك رحيم وهرميكي زي الكلبة بره." *** رحيم: "أكيد جعانة." غرام وهي ماسكة رأسها: "آه، بس مصدعة أويي." رحيم: "طب أنا هروح أطلب فطار وهخليهم يجبولك قهوة." غرام: "طب كلمهم فون بدل ما تنزل." رحيم: "عشان هروح أجيبلك مسكن." غرام: "لأ، مش مشكلة، القهوة ممكن تفوقني."

رحيم: "ولا هتعمل حاجة، أنا هروح بسرعة مش هتأخر." غرام: "رحيم، إنت لازم تروح تصالح مامتك، مهما كان أو مهما يحصل، هي أمك وهتفضل أمك. لو عليا أنا خلاص يعتبر اتعودت عليها بجد والله... بس أسلوبك معاها وتصرفك كان غلط وحش، إنت كده بتكرهها فيا أكتر، مش بتحببها فيا." رحيم: "غرام، لما أجي نبقى نتكلم في الموضوع ده، ماشي." وبيمشي. غرام بتاخد نفس عميق وبتلقي نفسها على السرير وبتكلم نفسها كالعادة.

غرام: "أنا مش عارفة مضايقة ولا مبسوطة... حاسة بشعور غريب أوي، أول مرة أحس بيه. حاسة إني مبسوطة إني أنا ورحيم قربنا من بعض، وحسيت إنه بقى ليا أنا، وإن زواجنا بقى حقيقي، ومحدش يقدر يقول كلمة تاني. ومضايقة إن بس ده عشان عندي مشاعر لرحيم، يعني حب من طرفي أنا بس... وإن ده مكنش المفروض يحصل، لأننا هنتطلق قريب. ياااه، لو كنت في وعي امبارح، مكنش ده كان حصل." وبتغمض عينيها عشان تفتكر أي حاجة.

وبتفتح عينيها على صوت الباب بيخبط. غرام: "معقول رحيم جه بسرعة دي؟ " وبتقوم تفتح. غرام بصدمة: ".............