رواية غرام رحيم الفصل الثالث 3 - بقلم فرح القصاص

رحيم بيمسكها بس بتفلت وبيوقعوا الاتنين على السرير. الباب بيتفتح. نادية: رحيم مش هتروح؟ نادية بصدمة وبتنظر لرحيم وغرام وهما واقعين على السرير. نادية بدون استيعاب: رحيم انت بتعمل إيه؟ غرام بإحراج وتوتر وبتقوم بسرعة. رحيم: ماما اهدي ومتفهميش غلط. نادية بعصبية: أهدي؟ وبعد الشوفته ده عايزني مفهمش غلط؟ رحيم: ماما ياحبيبتي أنا هشرحلك كل حاجة بس اهدي الأول. نادية بزعيق: تشرحيلي إيه؟ مين دي يا رحيم؟ وكانت بتعمل إيه في أوضتك؟

انطق! رحيم: لو تسمعيني هتعرفي مين دي وكانت بتعمل إيه في الأوضة. ساجدة وكانت بتنهج: في إيه يا ماما صوتك عالي؟ س... هي مين دي؟ نادية: اسألي أخوكي مين دي. ساجدة بدون فهم: مين دي يا رحيم؟ رحيم بعصبية: ممكن تهدوا شوية عشان أفهمكم. ساجدة: تمام هدينا قول. رحيم حكى لهم كل اللي حصل من أول ما شافها على الطريق لحد ما جابها البيت. نادية وغير مقتنعة بالکلام: اممم طب هي قاعدة لحد دلوقتي ليه؟ مش فاقت خلاص؟ يلا امشي.

ساجدة: أيوا ماما معاها حق، انتي قاعدة لحد دلوقتي ليه؟ غرام بدموع: أنا كنت ماشية أساسًا وعمومًا شكراً ليكم، عن إذنكم. رحيم: استني يا... نادية بسخرية: يعني ساعدها وجابها البيت وانت حتى مش عارف اسمها! رحيم: خلاص يماما بقولك البنت عاملة حادثة ومشي. ساجدة: انت رايح فين إن شاء الله؟ رحيم: هروح أعتذر لها بالنيابة عنكم. ساجدة وبتمسك دراعه: والله؟

قعد يا رحيم مش هتروح تعتذر لحد، مش كفاية أنقذت حياتها دي هي المفروض تكون ممنونة لينا. رحيم بعصبية: ساجدة لو مسبتيش إيدي والله هتشوفي تصرف مش هيعجبك. ساجدة بخوف: تمام براحتك، أصلًا وبتخرج من الأوضة. رحيم بينزل بسرعة يلحقها قبل ما تمشي بس مبيلاقيهاش. رحيم: جلال! جلال: نعم يا بني. رحيم: شوفت البنت اللي جبتها امبارح؟ جلال: آه لسه ماشية من شوية. رحيم: ماشي روح انت... آه منك يماما انتي وساجدة، حتى معرفتش اسمها بسببكم. ***

جميلة بلهفة: ها لقيتها عمر؟ لقيت غرام؟ عمر بحزن: للأسف ملقتهاش، ودورت عليها في المستشفيات، الهنا، وشغلها، وأصحابها كلهم، ومحدش يعرف عنها حاجة. جميلة بتقعد وبعياط: آآه يا ترى راحت فين؟ بنتي فينك يا غرام؟ عمر: اهدي يا خالتو أنا هروح أدور عليها تاني وهلاقيها إن شاء الله، متقلقيش. جميلة بعياط: أنا عايزة بنتي يا عمر، أنا عايزة بنتي. عمر بيقوم: أنا هروح أدور عليها تاني وإن شاء الله مش هرجع من غير... وبيقاطعهم صوت.

غرام بدموع: ماما. جميلة بلهفة: غرام! وبتقوم بتجري عليها تحضنها. عمر: حمد الله على السلامة يا غرام. غرام: الله يسلمك يا عمر. جميلة بعصبية مزدوجة بخوف عليها: كنتي فين كل ده؟ انتي عارفة كنت عاملة إزاي؟ ولا كنت هموت من قلقي عليكي إزاي؟ غرام بدموع: أنا آسفة، حقك عليا. جميلة وبتنظر لشكلها وهدومها وجسمها اللي كله جروح. جميلة بقلق: مالك يا غرام؟ إيه كل الجروح دي؟ وهدومك مالها؟

غرام: ممكن أطلع آخد شاور وأنام شوية وأجي أحكيلك كل اللي حصل لأني تعبانة أوي بجد ومحتاجة أرتاح. عمر: يعني انتي كويسة يا غرام؟ غرام: متقلقش عليا يا عمر، أنا بخير الحمد لله، يلا بعد إذنكم. جميلة: ماشي يا حبيبتي، وأنا هروح أحضرلكوا الغداء. *** ساجدة: ياسر... انت يا ابني اصحي يلا. ياسر بنوم: ماشية شوية كده. ساجدة: بقا كده، ماشي... وبتجيب مياه وبتغرقه بيها. ياسر بخضة وبيقوم بسرعة: انتي اتجننتي؟

ساجدة: انت اللي مش عايز تقوم، أعملك إيه؟ ياسر بضيق: خير؟ في إيه يا وش البومة عايزة إيه؟ ساجدة: مش عايزة حاجة، والحق عليا كنت جاية أحكيلك اللي حصل انهاردة وانت نايم كده ومش حاسس بأي حاجة، انت وأختك اللي مش عايزة تصحى، بس علي مين هصحيه غصب عنها. ياسر: بطلي رغي وقولي في إيه. ساجدة: حكتله اللي حصل كله. ياسر باستغراب: ومين البنت دي؟ ساجدة: معرفش هي مين، الدور والباقي عليك انت تعرف مين دي. ياسر: وده إزاي إن شاء الله؟

انتي عارفة رحيم مبيحكيش لحد حاجة. ساجدة: إلا انت بيحكيلك كل حاجة. ياسر: يالهوي منك يا سوسة، بتحبي تعرفي كل حاجة، فضولك ده هيموتك في يوم من الأيام. ساجدة وبتقوم: بعد الشر عليا يا حبيبي، إن شاء الله اللي بيكرهوني، هروح أرخم على ميار شوية، يلا باي. *** غرام خدت شاور وطلعت وكانت بتسرح شعرها. بتجيلها رسالة على فونها. غرام بتمسك الفون وبتشوف الرسالة. غرام بصدمة: لا مستحيل! جميلة: غرام يا حبيبتي تعالي عشان تتغدي.

غرام بتخبي الفون ورا ضهرها بسرعة. جميلة بشك: في حاجة يا غرام؟ غرام بتوتر: لا... لا مفيش حاجة. جميلة بتقرب منها وبتسحب الفون من إيدها وبتفتحه. جميلة بصدمة: إيه ده؟ غرام بعياط: معرفش... معرفش والله. جميلة بعصبية وبتضربها بالقلم.