رواية غرامي الفصل الأول 1 - بقلم مريم حسن

هتتجوزها يعني هتتجوزها. مازن: اللي هو إزاي يعني؟ رحمه: يا ابني أنا أمك وعاوزة مصلحتك. مازن: يا ماما أنا عارف إن غرام إنسانة محترمة وأنها كمان بنت خالتي الله يرحمها، بس مش معنى كده إني أتجوزها. أنا بعتبرها زي أختي. رحمه: يا ابني أنا مش هعيش لك على طول، عشان خاطري اتجوزها دي ملهاش غيرنا. ويبقى كده ضمنت إنها في إيد راجل هيحافظ عليها. وأنا رجلي والقبر يعني مش هعيش لك طول العمر وعاوزة أفرح بيك يا ابني.

مازن: بعد الشر يا ماما متقوليش كده. يوووه طيب... طيب في الأول خطوبة عشان نتعرف. رحمه: تتعرفوا إيه؟ أنتو صحيح متعرفوش بعض ولا شفتوا بعض من ساعة ما كنتوا صغيرين، بس اتعرفوا لما تتجوزوا. كتب الكتاب يوم الخميس الجاي، وأنا طبعت خلاص الجوابات وزمانها وصلت للناس وأصحابك. مازن: بتحطني قدام الأمر الواقع يعني بتثبتيني. اللي تشوفيه يا ماما أهم حاجة صحتك، الزعل مش كويس عشانك. رحمه: لو اتجوزت غرام هكون مبسوطة.

مازن: حاضر.. حاضر يا ماما. مازن 27 سنة شاب محترم وقمر ورياضي، عيونه عسلي، بشرته قمحاوي، شعره بني غامق، طويل ورفيع وعصبي سيكا، بيعمل أي حاجة بس أهله يكونوا مبسوطين. فتحت الواتس بعد ما سبت أمي. كل الواتس عندي تقريبًا مباركة على جوازي اللي هو بعد 3 أيام. غرام دخلت وقعدت على الانتريه. مازن: عاوز أقولك حاجة. غرام: اتفضل. مازن: بصي يا غرام، انتي طبعًا إنسانة محترمة وأي حد يتمناكِ.. بس أنا بعتبرك أختي بس فاهمة.

غرام: واتجوزتني لي! مازن: ما هو أمي. غرام: آه خالتي.. كنت حاسة. مازن: متفهمنيش غلط. غرام: عادي، أنا كمان خالتي غصبت عليا يعني مش دايبة في دباديبك والله. مازن: والله! غرام: آه والله عادي. مازن: طب تمام.. بس. غرام: إيه؟ مازن: معلش ممكن نمثل قدام ماما وأختي إننا سعداء يعني و... غرام: تمام ماشي عادي.. بعد إذنك. مازن: على فين؟ غرام: هنام. مازن: طب وأنا؟ غرام: مش أنا أختك، نام مكانك بقى أو في أوضة الأطفال.

مازن: انتي رخمة لي؟ غرام: هو ده اللي عندي.. تصبح على خير. غرام دخلت وأنا حسيت إنها اتكسرت، حسيت إني كسرت فرحتها في اليوم اللي بتتمناه أي بنت حتى لو كنا مغصوبين على الجوازة. مسكت الفون فتحت واتس لقيتها أونلاين فبعتلها مسدج. مازن: غرااام. غرام: نعم. مازن: متكلميش حد دلوقتي. غرام: ده لي يعني! مازن: لي إيه؟ متكلميش حد. غرام: خلاص.. تمام. مش هكلم حد. حاجة تانية؟ مازن: آه. غرام: إيه. مازن: افتحي الباب. غرام: لي.

مازن: عاوز أغير هدومي. غرام: لأ نام كده. مازن: غرام لو سمحتي متهزريش. غرام: مش بهزر. مازن: غرام افتحي. غرام: مش هفتح والله. مازن: خلاص تمام.. انتي بتعملي إيه؟ غرام: مبعملش.. شوية وهنام. مازن: مش هتغيري؟ غرام: ملكش دعوة. مازن: يرضيكي أنام على الكنبة وبهدومي؟ غرام: آه يرضيني. مازن: كنت حاسس. غرام: طب يلا سلام. مازن: إيه؟ غرام: هنرش ميه. مازن: كده كده أنا مصدع وهنام. غرام: تمام.. تصبح على خير. مازن: استني.. بقولك.