رواية غرامي الفصل الثاني 2 - بقلم مريم حسن

غرام: تمام، تصبح بخير. مازن: استني. غرام: نعم؟ مازن: ممكن تعمليلي قهوة؟ غرام: معرفش أعملها. مازن: والله؟ غرام: آه. مازن: طيب.. سلام، أنا هنام. نامي انتي كمان ومتكلميش حد. غرام: إن شاء الله. نمت على طول على الكنبة، فعلاً الفرح كان صعب أوي واليوم كله كان مرهق. عند غرام: إيه اللي عملتيه ده يا خالتي؟ ليه غصبتي عليا أتجوزه؟

ده أنا كنت بشوفه على النت، كنت بحسه مغرور. هو مزز أوي وكل حاجة، بس.. بس أنا مكنتش عايزة أتجوز بالطريقة دي. يارب.

غرام، 25 سنة، كلية فنون تطبيقية. كنت عايشة مع ماما، بس توفت بقالها 4 شهور وسابتني. شكلي جميل، معنديش إخوات خالص. عندي صاحبة واحدة وتعتبر أختي. عيوني عسلي، رفيعه، مش طويلة أوي ولا قصيرة، في الوسط. ومتواضعة وبحب الهزار، مبحبش الكذب خالص. بحب صحبتي جداً وخالتي كمان. مليش كلام مع مازن وليلى أخته. فضلت أفكر شوية باللي حصل، والنوم غلبني. الصبح: ترن ترن. صحت على صوت الجرس، ده أكيد أمي وناس جاية تبارك.

خبطت على غرام بس مسمعتش، رنيت عليها والحمد لله سمعت. مازن: يخربيت عقلك، إنتي نايمة بالفستان والطرحة؟ عملتيها إزاي دي؟ غرام: لخص، عايز إيه؟ مازن: الناس برا، غيري على ما أغير وأفتح لهم. غرام: طيب. لبست بجامة وطلعت، وسبت غرام تغير. لقيتها أمي وأختي جايين يباركوا. رحمة: أمال فين مراتك يا حبيبي؟ مازن: جايه أهي يا ماما.

في اللحظة دي بتطلع غرام. هو أنا آه عرفت بنات كتير أوي، بس عمري مشوفت واحدة بالجمال ده. طلعت غرام ولابسة فستان طويل هادي لونه كشمير وطرحة زهري، والابتسامة على وشها وروچ أحمر غامق وإيلاينر. كانت بجد جميلة أوي. فضلت متنح وفاتح بوقي، اللي هو: إنتي غرام؟ إنتي مراتي بجد؟ غرام: مازن.. مازن! مازن: ها؟ نعم؟ مين؟ غرام: مين إيه؟ اقفل بوقك. مازن: يخربيت جمالك. غرام: نعم؟ مازن: أيوه، إنتي حلوة، أكذب يعني؟

غرام: يا ابني اسكت، ليلى هتاخد بالها. مازن: متأخد.. إيه؟ مش مراتي؟ ولا أنا سارقك ولا شقطك؟ غرام: اعقل بقى بجد، عشان كده مش ذوق. مازن: خلاص ماشي، ذوق معاهم.. ومش ذوق إنك تسيبيني أنام بهدومي كده. فضلت أمي وأختي قاعدين، ونفسي يمشوا. جه الوقت اللي هيمشوا فيه أخيراً. غرام: رايحين فين؟ خليكوا، لازم تتغدوا معانا. مازن: نعممم يختي.. احم، قصدي طبعاً طبعاً، أمال. رحمة: لا، مرة تانية بقى. ألف مبروك يا عرايس.

غرام: الله يبارك فيكم يا رب. فضلت غرام واقفة على الباب لحد ما مشوا. مازن: متيجي هنا، وأنا أحبك. غرام: إنت شارب حاجة؟ مازن: شارب من جمال عنيكي. غرام: إنت أهبل؟ مازن: افصلي اللحظة، افصليها كمان. غرام: أنا جعانة. مازن: لا خلاص، اللحظة اتفصلت فعلاً.. بس بقولك. غرام: نعم؟ مازن: إنتي حلوة أوي، يعني أحلى واحدة شفتها في حياتي. غرام: شكراً. مازن: شكراً إيه؟ غرام: شكراً بقى وخلاص. مازن: طب إنتي واقفة لي؟

تعالي اقعدي جنبي، ولا تقعدي جمب أمي وأختي بس. غرام: أنا هدخل أعمل فطار. مازن: طيب.. مصيرك يا سمك تقع في السنارة. غرام: أفندم؟ مازن: لا ولا حاجة، خشي اتفضلي. بعد شوية سمعت صوت تكسير في المطبخ.