رواية غرامي الفصل الخامس 5 - بقلم مريم حسن

غرام بصدمة: تاني؟ ابعد عني بقى. : مكنتش اعرف انك هتتجوزي وتسبيني يا غرام. غرام: أسيبك إيه؟ انت متخلف! أنا قولتلك كذا مرة ابعد عني، ابعد عني بقى. : بس أنا بحبك يا غرام من زمان، وأنتي عارفة كده. غرام: وأنا قولتلك ميت مرة أنا مبحبكش، وياريت تبعد عني. أنا دلوقتي متجوزة. : أحسن مني في إيه هوا عشان تسبيني وتتجوزيه؟ غرام: لو سمحت يا أستاذ أسامة سيبني في حالي، عشان أنا دلوقتي متجوزة.

أسامة: بقت كده، ماشي يا غرام، بس مش هسيبك في حالك برضو. تركته ومشيت. أسامة لنفسه: أنا هوريكي يا غرام، وأنا مش هتخلي عن حبي ليكي، وهتشوفي هعمل إيه. (وابتسم بشر) في البيت. غرام: مازن.. مازن انت جيت؟ الحمدلله لسه مجاش، هرن على آلاء. غرام: الو يا آلاء. آلاء: إيه يا سطا؟ مال صوتك؟ غرام: قابلت أسامة تاني. آلاء: تاني يا غرام؟ مش قلنا ابعدي عنه. غرام: والله يا آلاء هو اللي طلعلي فوشي مرة واحدة. آلاء: احكي يا غرام، اخلصي.

غرام: اللي حصل إن أنا كنت... (وقالت اللي حصل) آلاء: انتي مجنونة يا بنتي؟ انتي لسه متجوزة ورايحة تصوري سيشن؟ غرام: يعني منتي عارفة إني أنا وافقت عشان خالتي؟ آلاء: برضو عادي.. وأسامة ده واحد مهزق، ممكن يعمل حاجة كده ولا كده، فقولي لجوزك عشان يبقى عارف، عشان لو أسامة قاله مثلاً، هيصدقه وهيفكر إنك بتحبي أسامة وكده، كل حاجة هتيجي على دماغك، فقوليله. غرام: وهو أسامة هيعرف مازن منين يعني؟

آلاء: أسامة لو عايز يعرف أي حاجة بيعرفها، انتي تايهة عنه يعني؟ فاكرة لما أول مرة شافك فيها وعجبتيه جاب كل معلوماتك إزاي؟ غرام: عادي، بس برضو مش هقول لمازن. آلاء: يبنتي اسمعي مني وقوليله. غرام: إن شاء الله. آلاء: مبهزرش، قوليله. غرام: خلاص يستي، حاضر. آلاء: ماشي يستي. غرام: عاملة إيه مع أحمد؟ آلاء: عادي. غرام: مش ناويين تتجوزوا بقا يا بنتي؟ آلاء: مش عارفة والله، عمال يقولي بعد شهر، بس أنا قولتله لأ.

غرام: لأ لي يا بنتي؟ آلاء: يعني الموضوع هيبقى بسرعة وكده. غرام: بسرعة إيه يا أختي؟ انتي مخطوبة له بقالك أربع شهور أو خمسة. آلاء: وإيه اللي فيها؟ غرام: آلاء وافقي، أحمد بيحبك، وانتي كمان بتحبيه، مش عايزة تتجوزيه لي بقا؟ آلاء: لا خالص والله، أنا عايزة أتجاوزه، بس هو قالي فجأة كده. غرام: ماشي يا آلاء، هقفل دلوقتي. آلاء: اشطاا. بعد ساعة ونص. مازن: غرام.. غرام. غرام: نعم. مازن: لا بتأكد إنك جيتي.

غرام بضحك: أيوه جاية من زمان. مازن: احم، عملتي إيه؟ غرام بتوتر: م.. معملتش. مازن: فيه حاجة؟ غرام: بصراحة، آه. مازن: إيه هي؟ غرام: طب كل الأول وهقول. مازن: تمام. بعد شوية. مازن: ها؟ غرام: بصراحة يعني.. مازن: قولي يا بنتي. غرام: مش عارفة أبدأ منين. مازن: من الأول.. ها، قولي.

غرام: طيب بص.. أنا كان في واحد معايا في الكلية كان بيقعد يراقبني دايماً، وجه مرة قالي عايزك في موضوع، قولتله نعم، قالي أنا بحبك ومش عارف إيه، أنا ساعتها كنت معجبة بشخصيته، بس لما قالي كده زعقتله وسبته، فضل برضو يراقبني لحد ما تجوزتك، والنهاردة كنت خلصت السيشن للبنت وماشية، لقيت قدامي وقالي أنا لسه بحبك يا غرام، قولتله أنا اتجوزت، ولو سمحت سيبني في حالي، قالي تمام، بس مش هسيبك في حالك برضو.

غرام كانت بتقول الكلام وهي متوترة، وأنا كنت على أخيري، كنت مضايق أوي، معقول أكون حبيتها؟ لا حبيتها مين؟ إيه دا؟ لا. مازن بغضب: معجبة بشخصيته، أها. غرام: والله أنا.. مازن: انتي.. والست غرام بقا لسه معجبة بشخصيته، ولا الإعجاب بقى حب، ولا إيه النظام؟ غرام: مسمحلكش يا أستاذ مازن، أنا كنت زمان معجبة بشخصيته، لاكن دلوقتي لأ. مازن ببرود: واسمه إيه بقى؟ غرام: أسامة الشناوي. مازن: تمام. غرام لنفسها: هو إيه البرود اللي فيه ده؟

مش فاهمة والله، ده حتى مزعقش ولا حاجة. في اليوم التالي. غرام: انت نازل؟ مازن: أيوه. غرام: طيب تمام. مازن: تمام. غرام: طيب.. سلام. لم يرد عليها ومشى. آلاء: غرام! غرام: نعم؟ آلاء: عملتي إيه؟ غرام: قولتهاله. آلاء: وقالك إيه؟ غرام: قالي... (ولّي حصل) آلاء: طيب بتعملي إيه دلوقتي؟ غرام: هروح أصور سيشن. آلاء: اشطا، هتصوري فين؟ غرام: في... آلاء: المكان ده بعيد شوية. غرام: عادي. آلاء: قولتي لمازن؟

غرام: لأ، البنت لسه مكلماني دلوقتي. آلاء: امم، وإنتي تعرفيها؟ غرام: لأ. آلاء: اومال؟ غرام: في إيه يا بنتي؟ بعتالي add وقالتلي إنها شافت السيشنات بتاعتي وكده، واتفقنا نتقابل في المكان ده. آلاء: مش مرتاحة، بس ماشي يا روحي. غرام: اشطا، هرن على مازن وأمشي بقى. آلاء: باي. غرام: الو يا مازن. مازن: نعم. غرام: مالك بتكلمني كده ليه؟ مازن: عادي.. عايزة إيه؟ غرام: هروح أصور سيشن. مازن ببرود: تمام. غرام بإستغراب: طيب.

البنت بتمثيل: اهاا. غرام: في إيه؟ البنت: مش قادرة، هقع. غرام: مالك؟ انتي تعبانة؟ البنت بتمثيل: آه، لا لا عادي. غرام: طب اقعدي طيب. البنت: خلاص، أنا همشي دلوقتي. غرام: بس أنا لسه مصورتكيش. البنت: في يوم تاني، أسفة تعبتك لحد هنا. غرام بإستغراب: خلاص عادي. البنت: تمام، همشي أنا وهكلمك ونحدد معاد تاني. غرام: تمام. البنت مشيت خطوتين وعملت نفسها وقعت.. غرام جريت عليها: فيه إيه؟ تعالي تعالي. البنت: مش قادرة.

غرام بتوهان: طب طب، أعمل إيه؟ انتي عايزة تروحي فين؟ البنت: هروح لصحبتي، هيا بيتها قريب. غرام: طب تعالي أوصلك. البنت: لا لا، هروح أنا. غرام: لا مينفعش أسيبك لوحدك كده. البنت بإبتسامة صفراء: خلاص، لو انتي مصرة، تمام. غرام: يلا. في مكان بعيد شوية ومفهوش أنوار. غرام بخوف: فين البيت؟ آلاء: اهو الدور التالت. غرام بتوتر: طب تعالي... البنت: اتفضلي. غرام: لا، همشي أنا بقى عشان اتأخرت.

البنت: لا مينفعش تيجي لحد البيت ومتشربيش حاجة، اتفضلي. غرام بتوتر... في شركة مازن. مازن: أووف بقا على الرسايل دي. زياد: في إيه؟ مازن: مش عارف والله يا ابني. زياد: بقالك كام يوم متغير كده، مالك يا سطا؟

مازن: من كام يوم جالي رسالة من رقم غريب فيها عنوان وبيقول مراتك بتقابل شباب عند المكان ده، وعمل بلوك، ملحقتش أرد، رحت وملقتش حد، فضلت كل يوم أرقام غريبة تبعتلي بعنوان ونفس الكلام، أنا ببقى هتجنن وبروح المكان مبلاقيش حد، ودلوقتي برضو باعِتلي عنوان وبيقولي مراتك بتقابل حبيبها في المكان ده، والمرة دي مبكدبش، مراتك بتخونك، مش عارف أروح ولا إيه. زياد بضحك: إيه الهبل ده يا ابني؟ ده تلاقي حد بيشتغلك، سيبك منه بقى.

مازن: مش عارف والله يا زياد. زياد: فكك من الهبل ده يا مازن. مازن: لا أنا هروح، وآخر مرة. زياد: يبني فكك بقا. مازن: لا لا، هروح، خلي بالك أنت من الشركة، أنا رايح. زياد: لازم تنفذ اللي في دماغك، ماشي يا مازن. غرام بتوتر: تمام. البنت: خدي راحتك. غرام: ش.. شكراً، هيا فين صحبتك؟ شاب: ههههه، أنا صحبتها. غرام بخوف: انت مين؟ الشاب: اقعدي بس كده، انتي راحة فين؟ غرام: م.. م.. مين ده؟ البنت: طب أنا هسيبك أنا بقى يا سامر.

سامر: أوكي. غرام بخوف: استني، انتي راحة فين؟ سامر: إيه يا قطة؟ في إيه؟ متهدي كده وتقعدي. غرام بخوف أكبر: ا.. ا.. انت عايز إيه؟ سامر بمقاطعة: انتي لسه هتهتهي؟ غرام: انت عايز إيه؟ سامر: ولا حاجة، اقعدي خمسة كده، مستني واحد جاي. غرام: واحد مين؟ انتو عايزين إيه؟ سامر: ده صوت حد طالع صح؟ (وارب الباب وشد غرام عليه) مازن: وأنا اللي بقول دي غرام محترمة، طلعتي ش**